Sri Hanumath Stotram 2 (Vibhishana Krutam) – ஶ்ரீ ஹநுமத் ஸ்தோத்ரம் – 2 (விபீ⁴ஷண க்ருதம்)

Read in తెలుగు / ಕನ್ನಡ / தமிழ் / देवनागरी / English (IAST)

விபீ⁴ஷண உவாச ।
ஸீதாவியுக்தே ஶ்ரீராமே ஶோகது³꞉க²ப⁴யாபஹ ।
தாபத்ரயாக்³நிஸம்ஹாரிந்நாஞ்ஜநேய நமோ(அ)ஸ்து தே ॥ 1 ॥

ஆதி⁴வ்யாதி⁴மஹாமாரிக்³ரஹபீடா³பஹாரிணே ।
ப்ராணாபஹர்த்ரே தை³த்யாநாம் ராமப்ரியஹிதாத்மநே ॥ 2 ॥

ஸம்ஸாரஸாக³ராவர்தக³தநிஶ்ராந்தசேதஸா ।
ஶரணாக³தஸஞ்ஜீவீ ஸௌமித்ரிப்ராணரக்ஷக꞉ ॥ 3 ॥

ஸுசரித்ர꞉ ஸதா³நந்த³꞉ ஸர்வதா³ ப⁴க்தவத்ஸல꞉ ।
ஸுரத்³விஷாம் ஸுஸம்ஹாரீ ஸுக்³ரீவாநந்த³வர்த⁴ந꞉ ॥ 4 ॥

ய இத³ம் ஹநுமத் ஸ்தோத்ரம் படே²ந்நித்யம் நரோத்தம꞉ ।
ஸித்³த்⁴யந்தி ஸர்வகார்யாணி த⁴நதா⁴ந்யஸம்ருத்³த⁴ய꞉ ॥ 5 ॥

ம்ருத்யுதா³ரித்³ர்யநாஶம் ச ஸங்க்³ராமே விஜயீ ப⁴வேத் ।
லாப⁴ம் ச ராஜவஶ்யம் ச ஸத்யம் பாவநகீர்தநம் ॥ 6 ॥

பரம் மந்த்ரம் பரம் தந்த்ரம் பரயந்த்ரம் நிவாரயேத் ।
பரவித்³யாவிநாஶம் ச ஹ்யாத்மமந்த்ரஸ்ய ரக்ஷகம் ॥ 7 ॥

இதி விபீ⁴ஷண க்ருத ஶ்ரீ ஹநுமத் ஸ்தோத்ரம் ।

Did you see any mistake/variation in the content above? Click here to report mistakes and corrections in Stotranidhi content.