Narayaneeyam Dasakam 12 – நாராயணீயம் த்³வாத³ஶத³ஶகம்

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → ஶ்ரீ விஷ்ணு ஸ்தோத்திரங்கள் → நாராயணீயம் → த்³வாத³ஶத³ஶகம்

நாராயணீயம் த்³வாத³ஶத³ஶகம் (12) – வராஹாவதாரம்

ஸ்வாயம்பு⁴வோ மநுரதோ² ஜநஸர்க³ஶீலோ
த்³ருஷ்ட்வா மஹீமஸமயே ஸலிலே நிமக்³நாம் ।
ஸ்ரஷ்டாரமாப ஶரணம் ப⁴வத³ங்க்⁴ரிஸேவா-
-துஷ்டாஶயம் முநிஜநை꞉ ஸஹ ஸத்யலோகே ॥ 12-1 ॥

கஷ்டம் ப்ரஜா꞉ ஸ்ருஜதி மய்யவநிர்நிமக்³நா
ஸ்தா²நம் ஸரோஜப⁴வ கல்பய தத்ப்ரஜாநாம் ।
இத்யேவமேஷ கதி²தோ மநுநா ஸ்வயம்பூ⁴-
-ரம்போ⁴ருஹாக்ஷ தவ பாத³யுக³ம் வ்யசிந்தீத் ॥ 12-2 ॥

ஹா ஹா விபோ⁴ ஜலமஹம் ந்யபிப³ம் புரஸ்தா-
-த³த்³யாபி மஜ்ஜதி மஹீ கிமஹம் கரோமி ।
இத்த²ம் த்வத³ங்க்⁴ரியுக³ளம் ஶரணம் யதோ(அ)ஸ்ய
நாஸாபுடாத் ஸமப⁴வ꞉ ஶிஶுகோலரூபீ ॥ 12-3 ॥

அங்கு³ஷ்ட²மாத்ரவபுருத்பதித꞉ புரஸ்தா-
-த்³பூ⁴யோ(அ)த² கும்பி⁴ஸத்³ருஶ꞉ ஸமஜ்ரும்ப⁴தா²ஸ்த்வம் ।
அப்⁴ரே ததா²வித⁴முதீ³க்ஷ்ய ப⁴வந்தமுச்சை-
-ர்விஸ்மேரதாம் விதி⁴ரகா³த் ஸஹ ஸூநுபி⁴꞉ ஸ்வை꞉ ॥ 12-4 ॥

கோ(அ)ஸாவசிந்த்யமஹிமா கிடிருத்தி²தோ மே
நாஸாபுடாத் கிமு ப⁴வேத³ஜிதஸ்ய மாயா ।
இத்த²ம் விசிந்தயதி தா⁴தரி ஶைலமாத்ர꞉
ஸத்³யோ ப⁴வந் கில ஜக³ர்ஜித² கோ⁴ரகோ⁴ரம் ॥ 12-5 ॥

தம் தே நிநாத³முபகர்ண்ய ஜநஸ்தப꞉ஸ்தா²꞉
ஸத்யஸ்தி²தாஶ்ச முநயோ நுநுவுர்ப⁴வந்தம் ।
தத் ஸ்தோத்ரஹர்ஷுலமநா꞉ பரிணத்³ய பூ⁴ய-
-ஸ்தோயாஶயம் விபுலமூர்திரவாதரஸ்த்வம் ॥ 12-6 ॥

ஊர்த்⁴வப்ரஸாரிபரிதூ⁴ம்ரவிதூ⁴தரோமா
ப்ரோத்க்ஷிப்தவாலதி⁴ரவாங்முக²கோ⁴ரகோ⁴ண꞉ ।
தூர்ணப்ரதீ³ர்ணஜலத³꞉ பரிகூ⁴ர்ணத³க்ஷ்ணா
ஸ்தோத்ரூந்முநீந் ஶிஶிரயந்நவதேரித² த்வம் ॥ 12-7 ॥

அந்தர்ஜலம் தத³நு ஸங்குலநக்ரசக்ரம்
ப்⁴ராம்யத்திமிங்கி³ளகுலம் கலுஷோர்மிமாலம் ।
ஆவிஶ்ய பீ⁴ஷணரவேண ரஸாதலஸ்தா²-
-நாகம்பயந் வஸுமதீமக³வேஷயஸ்த்வம் ॥ 12-8 ॥

த்³ருஷ்ட்வா(அ)த² தை³த்யஹதகேந ரஸாதலாந்தே
ஸம்வேஶிதாம் ஜ²டிதி கூடகிடிர்விபோ⁴ த்வம் ।
ஆபாதுகாநவிக³ணய்ய ஸுராரிகே²டாந்
த³ம்ஷ்ட்ராங்குரேண வஸுதா⁴மத³தா⁴꞉ ஸலீலம் ॥ 12-9 ॥

அப்⁴யுத்³த⁴ரந்நத² த⁴ராம் த³ஶநாக்³ரளக்³ந-
-முஸ்தாங்குராங்கித இவாதி⁴கபீவராத்மா ।
உத்³தூ⁴தகோ⁴ரஸலிலாஜ்ஜலதே⁴ருத³ஞ்சந்
க்ரீடா³வராஹவபுரீஶ்வர பாஹி ரோகா³த் ॥ 12-10 ॥

இதி த்³வாத³ஶத³ஶகம் ஸமாப்தம் ॥

---

ஸம்பூர்ண நாராயணீயம் பார்க்க.