Kishkindha Kanda Sarga 8 – கிஷ்கிந்தா⁴காண்ட³ அஷ்டம꞉ ஸர்க³꞉ (8)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ அஷ்டம꞉ ஸர்க³꞉ (8)

॥ வாலிவத⁴ப்ரதிஜ்ஞா ॥

பரிதுஷ்டஸ்து ஸுக்³ரீவஸ்தேந வாக்யேந வாநர꞉ ।
லக்ஷ்மணஸ்யாக்³ரதோ ராமமித³ம் வசநமப்³ரவீத் ॥ 1 ॥

ஸர்வதா²(அ)ஹமநுக்³ராஹ்யோ தே³வதாநாமஸம்ஶய꞉ ।
உபபந்நகு³ணோபேத꞉ ஸகா² யஸ்ய ப⁴வாந்மம ॥ 2 ॥

ஶக்யம் க²லு ப⁴வேத்³ராம ஸஹாயேந த்வயா(அ)நக⁴ ।
ஸுரராஜ்யமபி ப்ராப்தும் ஸ்வராஜ்யம் கிம் புந꞉ ப்ரபோ⁴ ॥ 3 ॥

ஸோ(அ)ஹம் ஸபா⁴ஜ்யோ ப³ந்தூ⁴நாம் ஸுஹ்ருதா³ம் சைவ ராக⁴வ ।
யஸ்யாக்³நிஸாக்ஷிகம் மித்ரம் லப்³த⁴ம் ராக⁴வவம்ஶஜம் ॥ 4 ॥

அஹமப்யநுரூபஸ்தே வயஸ்யோ ஜ்ஞாஸ்யஸே ஶநை꞉ ।
ந து வக்தும் ஸமர்தோ²(அ)ஹம் ஸ்வயமாத்மக³தாந் கு³ணாந் ॥ 5 ॥

மஹாத்மநாம் து பூ⁴யிஷ்ட²ம் த்வத்³விதா⁴நாம் க்ருதாத்மநாம் ।
நிஶ்சலா ப⁴வதி ப்ரீதிர்தை⁴ர்யமாத்மவதாமிவ ॥ 6 ॥

ரஜதம் வா ஸுவர்ணம் வா வஸ்த்ராண்யாப⁴ரணாநி ச ।
அவிப⁴க்தாநி ஸாதூ⁴நாமவக³ச்ச²ந்தி ஸாத⁴வ꞉ ॥ 7 ॥

ஆட்⁴யோ வாபி த³ரித்³ரோ வா து³꞉கி²த꞉ ஸுகி²தோ(அ)பி வா ।
நிர்தோ³ஷோ வா ஸதோ³ஷோ வா வயஸ்ய꞉ பரமா க³தி꞉ ॥ 8 ॥

த⁴நத்யாக³꞉ ஸுக²த்யாகோ³ தே³ஹத்யாகோ³(அ)பி வா புந꞉ ।
வயஸ்யார்தே² ப்ரவர்தந்தே ஸ்நேஹம் த்³ருஷ்ட்வா ததா²வித⁴ம் ॥ 9 ॥

தத்ததே²த்யப்³ரவீத்³ராம꞉ ஸுக்³ரீவம் ப்ரியவாதி³நம் ।
லக்ஷ்மணஸ்யாக்³ரதோ லக்ஷ்ம்யா வாஸவஸ்யேவ தீ⁴மத꞉ ॥ 10 ॥

ததோ ராமம் ஸ்தி²தம் த்³ருஷ்ட்வா லக்ஷ்மணம் ச மஹாப³லம் ।
ஸுக்³ரீவ꞉ ஸர்வதஶ்சக்ஷுர்வநே லோலமபாதயத் ॥ 11 ॥

ஸ த³த³ர்ஶ தத꞉ ஸாலமவிதூ³ரே ஹரீஶ்வர꞉ ।
ஸுபுஷ்பமீஷத்பத்ராட்⁴யம் ப்⁴ரமரைருபஶோபி⁴தம் ॥ 12 ॥

தஸ்யைகாம் பர்ணப³ஹுளாம் ப⁴ங்க்த்வா ஶாகா²ம் ஸுபுஷ்பிதாம் ।
ஸாலஸ்யாஸ்தீர்ய ஸுக்³ரீவோ நிஷஸாத³ ஸராக⁴வ꞉ ॥ 13 ॥

தாவாஸீநௌ ததோ த்³ருஷ்ட்வா ஹநூமாநபி லக்ஷ்மணம் ।
ஸாலஶாகா²ம் ஸமுத்பாட்ய வீநீதமுபவேஶயத் ॥ 14 ॥

ஸுகோ²பவிஷ்டம் ராமம் து ப்ரஸந்நமுத³தி⁴ம் யதா² ।
ப²லபுஷ்பஸமாகீர்ணே தஸ்மிந் கி³ரிவரோத்தமே ॥ 15 ॥

தத꞉ ப்ரஹ்ருஷ்ட꞉ ஸுக்³ரீவ꞉ ஶ்லக்ஷ்ணம் மது⁴ரயா கி³ரா ।
உவாச ப்ரணயாத்³ராமம் ஹர்ஷவ்யாகுலிதாக்ஷரம் ॥ 16 ॥

அஹம் விநிக்ருதோ ப்⁴ராத்ரா சராம்யேஷ ப⁴யார்தி³த꞉ ।
ருஶ்யமூகம் கி³ரிவரம் ஹ்ருதபா⁴ர்ய꞉ ஸுது³꞉கி²த꞉ ॥ 17 ॥

ஸோ(அ)ஹம் த்ரஸ்தோ ப⁴யே மக்³நோ வஸாம்யுத்³ப்⁴ராந்தசேதந꞉ ।
வாலிநா நிக்ருதோ ப்⁴ராத்ரா க்ருதவைரஶ்ச ராக⁴வ ॥ 18 ॥

வாலிநோ மே ப⁴யார்தஸ்ய ஸர்வலோகப⁴யங்கர ।
மமாபி த்வமநாத²ஸ்ய ப்ரஸாத³ம் கர்துமர்ஹஸி ॥ 19 ॥

ஏவமுக்தஸ்து தேஜஸ்வீ த⁴ர்மஜ்ஞோ த⁴ர்மவத்ஸல꞉ ।
ப்ரத்யுவாச ஸ காகுத்ஸ்த²꞉ ஸுக்³ரீவம் ப்ரஹஸந்நிவ ॥ 20 ॥

உபகாரப²லம் மித்ரமபகாரோ(அ)ரிலக்ஷணம் ।
அத்³யைவ தம் ஹநிஷ்யாமி தவ பா⁴ர்யாபஹாரிணம் ॥ 21 ॥

இமே ஹி மே மஹாவேகா³꞉ பத்ரிணஸ்திக்³மதேஜஸ꞉ ।
கார்திகேயவநோத்³பூ⁴தா꞉ ஶரா ஹேமவிபூ⁴ஷிதா꞉ ॥ 22 ॥

கங்கபத்ரப்ரதிச்ச²ந்நா மஹேந்த்³ராஶநிஸந்நிபா⁴꞉ ।
ஸுபர்வாண꞉ ஸுதீக்ஷ்ணாக்³ரா꞉ ஸரோஷா இவ பந்நகா³꞉ ॥ 23 ॥

ப்⁴ராத்ருஸஞ்ஜ்ஞமமித்ரம் தே வாலிநம் க்ருதகில்பி³ஷம் ।
ஶரைர்விநிஹதம் பஶ்ய விகீர்ணமிவ பர்வதம் ॥ 24 ॥

ராக⁴வஸ்ய வச꞉ ஶ்ருத்வா ஸுக்³ரீவோ வாஹிநீபதி꞉ ।
ப்ரஹர்ஷமதுலம் லேபே⁴ ஸாது⁴ ஸாத்⁴விதி சாப்³ரவீத் ॥ 25 ॥

ராம ஶோகாபி⁴பூ⁴தோ(அ)ஹம் ஶோகார்தாநாம் ப⁴வாந் க³தி꞉ ।
வயஸ்ய இதி க்ருத்வா ஹி த்வய்யஹம் பரிதே³வயே ॥ 26 ॥

த்வம் ஹி பாணிப்ரதா³நேந வயஸ்யோ மே(அ)க்³நிஸாக்ஷிகம் ।
க்ருத꞉ ப்ராணைர்ப³ஹுமத꞉ ஸத்யேநாபி ஶபாமி தே ॥ 27 ॥

வயஸ்ய இதி க்ருத்வா ச விஸ்ரப்³த⁴ம் ப்ரவதா³ம்யஹம் ।
து³꞉க²மந்தர்க³தம் யந்மே மநோ ஹரதி நித்யஶ꞉ ॥ 28 ॥

ஏதாவது³க்த்வா வசநம் பா³ஷ்பதூ³ஷிதலோசந꞉ ।
பா³ஷ்போபஹதயா வாசா நோச்சை꞉ ஶக்நோதி பா⁴ஷிதும் ॥ 29 ॥

பா³ஷ்பவேக³ம் து ஸஹஸா நதீ³வேக³மிவாக³தம் ।
தா⁴ரயாமாஸ தை⁴ர்யேண ஸுக்³ரீவோ ராமஸந்நிதௌ⁴ ॥ 30 ॥

ஸ நிக்³ருஹ்ய து தம் பா³ஷ்பம் ப்ரம்ருஜ்ய நயநே ஶுபே⁴ ।
விநி꞉ஶ்வஸ்ய ச தேஜஸ்வீ ராக⁴வம் வாக்யமப்³ரவீத் ॥ 31 ॥

புராஹம் வாலிநா ராம ராஜ்யாத் ஸ்வாத³வரோபித꞉ ।
பருஷாணி ச ஸம்ஶ்ராவ்ய நிர்தூ⁴தோ(அ)ஸ்மி ப³லீயஸா ॥ 32 ॥

ஹ்ருதா பா⁴ர்யா ச மே தேந ப்ராணேப்⁴யோ(அ)பி க³ரீயஸீ ।
ஸுஹ்ருத³ஶ்ச மதீ³யா யே ஸம்யதா ப³ந்த⁴நேஷு தே ॥ 33 ॥

யத்நவாம்ஶ்ச ஸுது³ஷ்டாத்மா மத்³விநாஶாய ராக⁴வ ।
ப³ஹுஶஸ்தத்ப்ரயுக்தாஶ்ச வாநரா நிஹதா மயா ॥ 34 ॥

ஶங்கயா த்வேதயா சேஹ த்³ருஷ்ட்வா த்வாமபி ராக⁴வ ।
நோபஸர்பாம்யஹம் பீ⁴தோ ப⁴யே ஸர்வே ஹி பி³ப்⁴யதி ॥ 35 ॥

கேவலம் ஹி ஸஹாயா மே ஹநூமத்ப்ரமுகா²ஸ்த்விமே ।
அதோ(அ)ஹம் தா⁴ரயாம்யத்³ய ப்ராணாந் க்ருச்ச்²ரக³தோ(அ)பி ஸந் ॥ 36 ॥

ஏதே ஹி கபய꞉ ஸ்நிக்³தா⁴ மாம் ரக்ஷந்தி ஸமந்தத꞉ ।
ஸஹ க³ச்ச²ந்தி க³ந்தவ்யே நித்யம் திஷ்ட²ந்தி ச ஸ்தி²தே ॥ 37 ॥

ஸங்க்ஷேபஸ்த்வேஷ தே ராம கிமுக்த்வா விஸ்தரம் ஹி தே ।
ஸ மே ஜ்யேஷ்டோ² ரிபுர்ப்⁴ராதா வாலீ விஶ்ருதபௌருஷ꞉ ॥ 38 ॥

தத்³விநாஶாத்³தி⁴ மே து³꞉க²ம் ப்ரநஷ்டம் ஸ்யாத³நந்தரம் ।
ஸுக²ம் மே ஜீவிதம் சைவ தத்³விநாஶநிப³ந்த⁴நம் ॥ 39 ॥

ஏஷ மே ராம ஶோகாந்த꞉ ஶோகார்தேந நிவேதி³த꞉ ।
து³꞉கி²த꞉ ஸுகி²தோ வா(அ)பி ஸக்²யுர்நித்யம் ஸகா² க³தி꞉ ॥ 40 ॥

ஶ்ருத்வைதத்³வசநம் ராம꞉ ஸுக்³ரீவமித³மப்³ரவீத் ।
கிம் நிமித்தமபூ⁴த்³வைரம் ஶ்ரோதுமிச்சா²மி தத்த்வத꞉ ॥ 41 ॥

அஹம் ஹி காரணம் ஶ்ருத்வா வைரஸ்ய தவ வாநர । [ஸுக²ம்]
ஆநந்தர்யம் விதா⁴ஸ்யாமி ஸம்ப்ரதா⁴ர்ய ப³லாப³லம் ॥ 42 ॥

ப³லவாந் ஹி மமாமர்ஷ꞉ ஶ்ருத்வா த்வாமவமாநிதம் ।
வர்த⁴தே ஹ்ருத³யோத்கம்பீ ப்ராவ்ருட்³வேக³ இவாம்ப⁴ஸ꞉ ॥ 43 ॥

ஹ்ருஷ்ட꞉ கத²ய விஸ்ரப்³தோ⁴ யாவதா³ரோப்யதே த⁴நு꞉ ।
ஸ்ருஷ்டஶ்சேத்³தி⁴ மயா பா³ணோ நிரஸ்தஶ்ச ரிபுஸ்தவ ॥ 44 ॥

ஏவமுக்தஸ்து ஸுக்³ரீவ꞉ காகுத்ஸ்தே²ந மஹாத்மநா ।
ப்ரஹர்ஷமதுலம் லேபே⁴ சதுர்பி⁴꞉ ஸஹ வாநரை꞉ ॥ 45 ॥

தத꞉ ப்ரஹ்ருஷ்டவத³ந꞉ ஸுக்³ரீவோ லக்ஷ்மணாக்³ரஜே ।
வைரஸ்ய காரணம் தத்த்வமாக்²யாதுமுபசக்ரமே ॥ 46 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ அஷ்டம꞉ ஸர்க³꞉ ॥ 8 ॥.

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.