Kishkindha Kanda Sarga 59 – கிஷ்கிந்தா⁴காண்ட³ ஏகோநஷஷ்டிதம꞉ ஸர்க³꞉ (59)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ ஏகோநஷஷ்டிதம꞉ ஸர்க³꞉ (59)

॥ ஸுபார்ஶ்வவசநாநுவாத³꞉ ॥

ததஸ்தத³ம்ருதாஸ்வாத³ம் க்³ருத்⁴ரராஜேந பா⁴ஷிதம் ।
நிஶம்ய முதி³தா ஹ்ருஷ்டாஸ்தே வச꞉ ப்லவக³ர்ஷபா⁴꞉ ॥ 1 ॥

ஜாம்ப³வாந் வாநரஶ்ரேஷ்ட²꞉ ஸஹ ஸர்வை꞉ ப்லவங்க³மை꞉ ।
பூ⁴தலாத்ஸஹஸோத்தா²ய க்³ருத்⁴ரராஜமதா²ப்⁴ரவீத் ॥ 2 ॥

க்வ ஸீதா கேந வா த்³ருஷ்டா கோ வா ஹரதி மைதி²லீம் ।
ததா³க்²யாது ப⁴வாந் ஸர்வம் க³திர்ப⁴வ வநௌகஸாம் ॥ 3 ॥

கோ தா³ஶரதி²பா³ணாநாம் வஜ்ரவேக³நிபாதிநாம் ।
ஸ்வயம் லக்ஷ்மணமுக்தாநாம் ந சிந்தயதி விக்ரமம் ॥ 4 ॥

ஸ ஹரீந் ப்ரீதிஸம்யுக்தாந் ஸீதாஶ்ருதிஸமாஹிதாந் ।
புநராஶ்வாஸயந் ப்ரீத இத³ம் வசநமப்³ரவீத் ॥ 5 ॥

ஶ்ரூயதாமிஹ வைதே³ஹ்யா யதா² மே ஹரணம் ஶ்ருதம் ।
யேந சாபி மமாக்²யாதம் யத்ர வா(ஆ)யதலோசநா ॥ 6 ॥

அஹமஸ்மிந் கி³ரௌ து³ர்கே³ ப³ஹுயோஜநமாயதே ।
சிராந்நிபதிதோ வ்ருத்³த⁴꞉ க்ஷீணப்ராணபராக்ரம꞉ ॥ 7 ॥

தம் மாமேவம் க³தம் புத்ர꞉ ஸுபார்ஶ்வோ நாம நாமத꞉ ।
ஆஹாரேண யதா²காலம் பி³ப⁴ர்தி பததாம் வர꞉ ॥ 8 ॥

தீக்ஷ்ணகாமாஸ்து க³ந்த⁴ர்வாஸ்தீக்ஷ்ணகோபா பு⁴ஜங்க³மா꞉ ।
ம்ருகா³ணாம் து ப⁴யம் தீக்ஷ்ணம் ததஸ்தீக்ஷ்ணக்ஷுதா⁴ வயம் ॥ 9 ॥

ஸ கதா³சித் க்ஷுதா⁴ர்தஸ்ய மமாஹாராபி⁴காங்க்ஷிண꞉ ।
க³தஸூர்யே(அ)ஹநி ப்ராப்தோ மம புத்ரோ ஹ்யநாமிஷ꞉ ॥ 10 ॥

ஸ மயா வ்ருத்³த⁴பா⁴வாச்ச கோபாச்ச பரிப⁴ர்த்ஸித꞉ ।
க்ஷுத்பிபாஸாபரீதேந குமார꞉ பததாம் வர꞉ ॥ 11 ॥

ஸ மாமாஹாரஸம்ரோதா⁴த் பீடி³த꞉ ப்ரீதிவர்த⁴ந꞉ ।
அநுமாந்ய யதா²தத்த்வமித³ம் வசநமப்³ரவீத் ॥ 12 ॥

அஹம் தாத யதா²காலமாமிஷார்தீ² க²மாப்லுத꞉ ।
மஹேந்த்³ரஸ்ய கி³ரேர்த்³வாரமாவ்ருத்ய ச ஸமாஸ்தி²த꞉ ॥ 13 ॥

தத꞉ ஸத்த்வஸஹஸ்ராணாம் ஸாக³ராந்தரசாரிணாம் ।
பந்தா²நமேகோ(அ)த்⁴யவஸம் ஸந்நிரோத்³து⁴மவாங்முக²꞉ ॥ 14 ॥

தத்ர கஶ்சிந்மயா த்³ருஷ்ட꞉ ஸூர்யோத³யஸமப்ரபா⁴ம் ।
ஸ்த்ரியமாதா³ய க³ச்ச²ந் வை பி⁴ந்நாஞ்ஜநசயோபம꞉ ॥ 15 ॥

ஸோ(அ)ஹமப்⁴யவஹாரார்த²ம் தௌ த்³ருஷ்ட்வா க்ருதநிஶ்சய꞉ ।
தேந ஸாம்நா விநீதேந பந்தா²நமபி⁴யாசித꞉ ॥ 16 ॥

ந ஹி ஸாமோபபந்நாநாம் ப்ரஹர்தா வித்³யதே க்வசித் ।
நீசேஷ்வபி ஜந꞉ கஶ்சித்கிமங்க³ ப³த மத்³வித⁴꞉ ॥ 17 ॥

ஸ யாதஸ்தேஜஸா வ்யோம ஸங்க்ஷிபந்நிவ வேக³த꞉ ।
அதா²ஹம் க²சரைர்பூ⁴தைரபி⁴க³ம்ய ஸபா⁴ஜித꞉ ॥ 18 ॥

தி³ஷ்ட்யா ஜீவஸி தாதேதி ஹ்யப்³ருவந்மாம் மஹர்ஷய꞉ ।
கத²ஞ்சித் ஸகளத்ரோ(அ)ஸௌ க³தஸ்தே ஸ்வஸ்த்யஸம்ஶயம் ॥ 19 ॥

ஏவமுக்தஸ்ததோ(அ)ஹம் தை꞉ ஸித்³தை⁴꞉ பரமஶோப⁴நை꞉ ।
ஸ ச மே ராவணோ ராஜா ரக்ஷஸாம் ப்ரதிவேதி³த꞉ ॥ 20 ॥

ஹரந் தா³ஶரதே²ர்பா⁴ர்யாம் ராமஸ்ய ஜநகாத்மஜாம் ।
ப்⁴ரஷ்டாப⁴ரணகௌஶேயாம் ஶோகவேக³பராஜிதாம் ॥ 21 ॥

ராமலக்ஷ்மணயோர்நாம க்ரோஶந்தீம் முக்தமூர்த⁴ஜாம் ।
ஏஷ காலாத்யயஸ்தாவதி³தி காலவிதா³ம் வர꞉ ॥ 22 ॥

ஏதமர்த²ம் ஸமக்³ரம் மே ஸுபார்ஶ்வ꞉ ப்ரத்யவேத³யத் ।
தச்ச்²ருத்வா(அ)பி ஹி மே பு³த்³தி⁴ர்நாஸீத்காசித்பராக்ரமே ॥ 23 ॥

அபக்ஷோ ஹி கத²ம் பக்ஷீ கர்ம கிஞ்சிது³பக்ரமே ।
யத்து ஶக்யம் மயா கர்தும் வாக்³பு³த்³தி⁴கு³ணவர்திநா ॥ 24 ॥

ஶ்ரூயதாம் தத்ப்ரவக்ஷ்யாமி ப⁴வதாம் பௌருஷாஶ்ரயம் ।
வாங்மதிப்⁴யாம் து ஸர்வேஷாம் கரிஷ்யாமி ப்ரியம் ஹி வ꞉ ॥ 25 ॥

யத்³தி⁴ தா³ஶரதே²꞉ கார்யம் மம தந்நாத்ர ஸம்ஶய꞉ ।
தே ப⁴வந்தோ மதிஶ்ரேஷ்டா² ப³லவந்தோ மநஸ்விந꞉ ॥ 26 ॥

ப்ரேஷிதா꞉ கபிராஜேந தே³வைரபி து³ராஸதா³꞉ ।
ராமலக்ஷ்மணபா³ணாஶ்ச நிஶிதா꞉ கங்கபத்ரிண꞉ ॥ 27 ॥

த்ரயாணாமபி லோகாநாம் பர்யாப்தாஸ்த்ராணநிக்³ரஹே ।
காமம் க²லு த³ஶக்³ரீவம்ஸ்தேஜோப³லஸமந்வித꞉ ॥ 28 ॥

ப⁴வதாம் து ஸமர்தா²நாம் ந கிஞ்சித³பி து³ஷ்கரம் ।
தத³ளம் காலஸங்கே³ந க்ரியதாம் பு³த்³தி⁴நிஶ்சய꞉ ।
ந ஹி கர்மஸு ஸஜ்ஜந்தே பு³த்³தி⁴மந்தோ ப⁴வத்³விதா⁴꞉ ॥ 29 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ ஏகோநஷஷ்டிதம꞉ ஸர்க³꞉ ॥ 59 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.