Kishkindha Kanda Sarga 5 – கிஷ்கிந்தா⁴காண்ட³ பஞ்சம꞉ ஸர்க³꞉ (5)

Read in తెలుగు / ಕನ್ನಡ / தமிழ் / देवनागरी / English (IAST)

ஸ்தோத்ரநிதி → வால்மீகி ராமாயணே கிஷ்கிந்த⁴காண்ட³ → கிஷ்கிந்தா⁴காண்ட³ பஞ்சம꞉ ஸர்க³꞉ (5)

॥ ஸுக்³ரீவஸக்²யம் ॥

ருஶ்யமூகாத்து ஹநுமாந் க³த்வா து மலயம் கி³ரிம் ।
ஆசசக்ஷே ததா³ வீரௌ கபிராஜாய ராக⁴வௌ ॥ 1 ॥

அயம் ராமோ மஹாப்ராஜ்ஞ꞉ ஸம்ப்ராப்தோ த்³ருட⁴விக்ரம꞉ ।
லக்ஷ்மணேந ஸஹ ப்⁴ராத்ரா ராமோ(அ)யம் ஸத்யவிக்ரம꞉ ॥ 2 ॥

இக்ஷ்வாகூணாம் குலே ஜாதோ ராமோ த³ஶரதா²த்மஜ꞉ ।
த⁴ர்மே நிக³தி³தஶ்சைவ பிதுர்நிர்தே³ஶபாரக³꞉ ॥ 3 ॥

தஸ்யாஸ்ய வஸதோ(அ)ரண்யே நியதஸ்ய மஹாத்மந꞉ ।
ராவணேந ஹ்ருதா பா⁴ர்யா ஸ த்வாம் ஶரணமாக³த꞉ ॥ 4 ॥

ராஜஸூயாஶ்வமேதை⁴ஶ்ச வஹ்நிர்யேநாபி⁴தர்பித꞉ ।
த³க்ஷிணாஶ்ச ததோ²த்ஸ்ருஷ்டா கா³வ꞉ ஶதஸஹஸ்ரஶ꞉ ॥ 5 ॥

தபஸா ஸத்யவாக்யேந வஸுதா⁴ யேந பாலிதா ।
ஸ்த்ரீஹேதோஸ்தஸ்ய புத்ரோ(அ)யம் ராமஸ்த்வாம் ஶரணம் க³த꞉ ॥ 6 ॥

ப⁴வதா ஸக்²யகாமௌ தௌ ப்⁴ராதரௌ ராமலக்ஷ்மணௌ ।
ப்ரதிக்³ருஹ்யார்சயஸ்வைதௌ பூஜநீயதமாவுபௌ⁴ ॥ 7 ॥

ஶ்ருத்வா ஹநுமதோ வாக்யம் ஸுக்³ரீவோ ஹ்ருஷ்டமாநஸ꞉ ।
ப⁴யம் ச ராக⁴வாத்³கோ⁴ரம் ப்ரஜஹௌ விக³தஜ்வர꞉ ॥ 8 ॥

ஸ க்ருத்வா மாநுஷம் ரூபம் ஸுக்³ரீவ꞉ ப்லவக³ர்ஷப⁴꞉ ।
த³ர்ஶநீயதமோ பூ⁴த்வா ப்ரீத்யா ப்ரோவாச ராக⁴வம் ॥ 9 ॥

ப⁴வாந் த⁴ர்மவிநீதஶ்ச விக்ராந்த꞉ ஸர்வவத்ஸல꞉ ।
ஆக்²யாதா வாயுபுத்ரேண தத்த்வதோ மே ப⁴வத்³கு³ணா꞉ ॥ 10 ॥

தந்மயைவைஷ ஸத்காரோ லாப⁴ஶ்சைவோத்தம꞉ ப்ரபோ⁴ ।
யத்த்வமிச்ச²ஸி ஸௌஹார்த³ம் வாநரேண மயா ஸஹ ॥ 11 ॥

ரோசதே யதி³ வா ஸக்²யம் பா³ஹுரேஷ ப்ரஸாரித꞉ ।
க்³ருஹ்யதாம் பாணிநா பாணிர்மர்யாதா³ ப³த்⁴யதாம் த்⁴ருவா ॥ 12 ॥

ஏதத்து வசநம் ஶ்ருத்வா ஸுக்³ரீவேண ஸுபா⁴ஷிதம் ।
ஸ ப்ரஹ்ருஷ்டமநா ஹஸ்தம் பீட³யாமாஸ பாணிநா ॥ 13 ॥

ஹ்ருத்³யம் ஸௌஹ்ருத³மாலம்ப்³ய பர்யஷ்வஜத பீடி³தம் ।
ததோ ஹநூமாந் ஸந்த்யஜ்ய பி⁴க்ஷுரூபமரிந்த³ம꞉ ॥ 14 ॥

காஷ்ட²யோ꞉ ஸ்வேந ரூபேண ஜநயாமாஸ பாவகம் ।
தீ³ப்யமாநம் ததோ வஹ்நிம் புஷ்பைரப்⁴யர்ச்ய ஸத்க்ருதம் ॥ 15 ॥

தயோர்மத்⁴யே(அ)த² ஸுப்ரீதோ நித³தே⁴ ஸுஸமாஹித꞉ ।
ததோ(அ)க்³நிம் தீ³ப்யமாநம் தௌ சக்ரதுஶ்ச ப்ரத³க்ஷிணம் ॥ 16 ॥

ஸுக்³ரீவோ ராக⁴வஶ்சைவ வயஸ்யத்வமுபாக³தௌ ।
தத꞉ ஸுப்ரீதமநஸௌ தாவுபௌ⁴ ஹரிராக⁴வௌ ॥ 17 ॥

அந்யோந்யமபி⁴வீக்ஷந்தௌ ந த்ருப்திமுபஜக்³மது꞉ ।
த்வம் வயஸ்யோ(அ)ஸி மே ஹ்ருத்³யோ ஹ்யேகம் து³꞉க²ம் ஸுக²ம் ச நௌ ॥ 18 ॥

ஸுக்³ரீவம் ராக⁴வோ வாக்யமித்யுவாச ப்ரஹ்ருஷ்டவத் ।
தத꞉ ஸ பர்ணப³ஹுளாம் சி²த்த்வா ஶாகா²ம் ஸுபுஷ்பிதாம் ॥ 19 ॥

ஸாலஸ்யாஸ்தீர்ய ஸுக்³ரீவோ நிஷஸாத³ ஸராக⁴வ꞉ ।
லக்ஷ்மணாயாத² ஸம்ஹ்ருஷ்டோ ஹநுமாந் ப்லவக³ர்ஷப⁴꞉ ॥ 20 ॥

ஶாகா²ம் சந்த³நவ்ருக்ஷஸ்ய த³தௌ³ பரமபுஷ்பிதாம் ।
தத꞉ ப்ரஹ்ருஷ்ட꞉ ஸுக்³ரீவ꞉ ஶ்லக்ஷ்ணம் மது⁴ரயா கி³ரா ॥ 21 ॥

ப்ரத்யுவாச ததா³ ராமம் ஹர்ஷவ்யாகுலலோசந꞉ ।
அஹம் விநிக்ருதோ ராம சராமீஹ ப⁴யார்தி³த꞉ ॥ 22 ॥

ஹ்ருதபா⁴ர்யோ வநே த்ரஸ்தோ து³ர்க³மே தது³பாஶ்ரித꞉ ।
ஸோ(அ)ஹம் த்ரஸ்தோ வநே பீ⁴தோ வஸாம்யுத்³ப்⁴ராந்தசேதந꞉ ॥ 23 ॥

வாலிநா நிக்ருதோ ப்⁴ராத்ரா க்ருதவைரஶ்ச ராக⁴வ ।
வாலிநோ மே மஹாபா⁴க³ ப⁴யார்தஸ்யாப⁴யம் குரு ॥ 24 ॥

கர்துமர்ஹஸி காகுத்ஸ்த² ப⁴யம் மே ந ப⁴வேத்³யதா² ।
ஏவமுக்தஸ்து தேஜஸ்வீ த⁴ர்மஜ்ஞோ த⁴ர்மவத்ஸல꞉ ॥ 25 ॥

ப்ரத்யபா⁴ஷத காகுத்ஸ்த²꞉ ஸுக்³ரீவம் ப்ரஹஸந்நிவ ।
உபகாரப²லம் மித்ரம் விதி³தம் மே மஹாகபே ॥ 26 ॥

வாலிநம் தம் வதி⁴ஷ்யாமி தவ பா⁴ர்யாபஹாரிணம் ।
அமோகா⁴꞉ ஸூர்யஸங்காஶா மமைதே நிஶிதா꞉ ஶரா꞉ ॥ 27 ॥

தஸ்மிந் வாலிநி து³ர்வ்ருத்தே நிபதிஷ்யந்தி வேகி³தா꞉ ।
கங்கபத்ரப்ரதிச்ச²ந்நா மஹேந்த்³ராஶநிஸந்நிபா⁴꞉ ॥ 28 ॥

தீக்ஷ்ணாக்³ரா ருஜுபர்வாணா꞉ ஸரோஷா பு⁴ஜகா³ இவ ।
தமத்³ய வாலிநம் பஶ்ய க்ரூரைராஶீவிஷோபமை꞉ ॥ 29 ॥

ஶரைர்விநிஹதம் பூ⁴மௌ விகீர்ணமிவ பர்வதம் ।
ஸ து தத்³வசநம் ஶ்ருத்வா ராக⁴வஸ்யாத்மநோ ஹிதம் ।
ஸுக்³ரீவ꞉ பரமப்ரீத꞉ ஸுமஹத்³வாக்யமப்³ரவீத் ॥ 30 ॥

தவ ப்ரஸாதே³ந ந்ருஸிம்ஹ ராக⁴வ
ப்ரியாம் ச ராஜ்யம் ச ஸமாப்நுயாமஹம் ।
ததா² குரு த்வம் நரதே³வ வைரிணம்
யதா² ந ஹிம்ஸ்யாத் ஸ புநர்மமாக்³ரஜ꞉ ॥ 31 ॥

ஸீதாகபீந்த்³ரக்ஷணதா³சராணாம்
ராஜீவஹேமஜ்வலநோபமாநி ।
ஸுக்³ரீவராமப்ரணயப்ரஸங்கே³
வாமாநி நேத்ராணி ஸமம் ஸ்பு²ரந்தி ॥ 32 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே கிஷ்கிந்தா⁴காண்டே³ பஞ்சம꞉ ஸர்க³꞉ ॥ 5 ॥

---

ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.

Did you see any mistake/variation in the content above? Click here to report mistakes and corrections in Stotranidhi content.