Read in తెలుగు / ಕನ್ನಡ / தமிழ் / देवनागरी / English (IAST)
॥ ராமவிப்ரளம்பா⁴வேஶ꞉ ॥
ஸ தாம் புஷ்கரிணீம் க³த்வா பத்³மோத்பலஜ²ஷாகுலாம் ।
ராம꞉ ஸௌமித்ரிஸஹிதோ விளலாபாகுலேந்த்³ரிய꞉ ॥ 1 ॥
தஸ்ய த்³ருஷ்ட்வைவ தாம் ஹர்ஷாதி³ந்த்³ரியாணி சகம்பிரே ।
ஸ காமவஶமாபந்ந꞉ ஸௌமித்ரிமித³மப்³ரவீத் ॥ 2 ॥
ஸௌமித்ரே ஶோப⁴தே பம்பா வைடூ³ர்யவிமலோத³கா ।
பு²ல்லபத்³மோத்பலவதீ ஶோபி⁴தா விவிதை⁴ர்த்³ருமை꞉ ॥ 3 ॥
ஸௌமித்ரே பஶ்ய பம்பாயா꞉ காநநம் ஶுப⁴த³ர்ஶநம் ।
யத்ர ராஜந்தி ஶைலாபா⁴ த்³ருமா꞉ ஸஶிக²ரா இவ ॥ 4 ॥
மாம் து ஶோகாபி⁴ஸந்தப்தம் மாத⁴வ꞉ பீட³யந்நிவ ।
ப⁴ரதஸ்ய ச து³꞉கே²ந வைதே³ஹ்யா ஹரணேந ச ॥ 5 ॥
ஶோகார்தஸ்யாபி மே பம்பா ஶோப⁴தே சித்ரகாநநா ।
வ்யவகீர்ணா ப³ஹுவிதை⁴꞉ புஷ்பை꞉ ஶீதோத³கா ஶிவா ॥ 6 ॥
ளிநைரபி ஸஞ்ச²ந்நா ஹ்யத்யர்த²ம் ஶுப⁴த³ர்ஶநா ।
ஸர்பவ்யாளாநுசரிதா ம்ருக³த்³விஜஸமாகுலா ॥ 7 ॥
அதி⁴கம் ப்ரதிபா⁴த்யேதந்நீலபீதம் து ஶாத்³வலம் ।
த்³ருமாணாம் விவிதை⁴꞉ புஷ்பை꞉ பரிஸ்தோமைரிவார்பிதம் ॥ 8 ॥
புஷ்பபா⁴ரஸம்ருத்³தா⁴நி ஶிக²ராணி ஸமந்தத꞉ ।
லதாபி⁴꞉ புஷ்பிதாக்³ராபி⁴ருபகூ³டா⁴நி ஸர்வத꞉ ॥ 9 ॥
ஸுகா²நிலோ(அ)யம் ஸௌமித்ரே கால꞉ ப்ரசுரமந்மத²꞉ ।
க³ந்த⁴வாந் ஸுரபி⁴ர்மாஸோ ஜாதபுஷ்பப²லத்³ரும꞉ ॥ 10 ॥
பஶ்ய ரூபாணி ஸௌமித்ரே வநாநாம் புஷ்பஶாலிநாம் ।
ஸ்ருஜதாம் புஷ்பவர்ஷாணி தோயம் தோயமுசாமிவ ॥ 11 ॥
ப்ரஸ்தரேஷு ச ரம்யேஷு விவிதா⁴꞉ காநநத்³ருமா꞉ ।
வாயுவேக³ப்ரசலிதா꞉ புஷ்பைரவகிரந்தி கா³ம் ॥ 12 ॥
பதிதை꞉ பதமாநைஶ்ச பாத³பஸ்தை²ஶ்ச மாருத꞉ ।
குஸுமை꞉ பஶ்ய ஸௌமித்ரே க்ரீட³ந்நிவ ஸமந்தத꞉ ॥ 13 ॥
விக்ஷிபந் விவிதா⁴꞉ ஶாகா² நகா³நாம் குஸுமோத்கசா꞉ ।
மாருதஶ்சலிதஸ்தா²நை꞉ ஷட்பதை³ரநுகீ³யதே ॥ 14 ॥
மத்தகோகிலஸந்நாதை³ர்நர்தயந்நிவ பாத³பாந் ।
ஶைலகந்த³ரநிஷ்க்ராந்த꞉ ப்ரகீ³த இவ சாநில꞉ ॥ 15 ॥
தேந விக்ஷிபதாத்யர்த²ம் பவநேந ஸமந்தத꞉ ।
அமீ ஸம்ஸக்தஶாகா²க்³ரா க்³ரதி²தா இவ பாத³பா꞉ ॥ 16 ॥
ஸ ஏஷ ஸுக²ஸம்ஸ்பர்ஶோ வாதி சந்த³நஶீதள꞉ ।
க³ந்த⁴மப்⁴யாவஹந் புண்யம் ஶ்ரமாபநயநோ(அ)நில꞉ ॥ 17 ॥
அமீ பவநவிக்ஷிப்தா விநத³ந்தீவ பாத³பா꞉ ।
ஷட்பதை³ரநுகூஜந்தோ வநேஷு மது⁴க³ந்தி⁴ஷு ॥ 18 ॥
கி³ரிப்ரஸ்தே²ஷு ரம்யேஷு புஷ்பவத்³பி⁴ர்மநோரமை꞉ ।
ஸம்ஸக்தஶிக²ரா꞉ ஶைலா விராஜந்தே மஹாத்³ருமை꞉ ॥ 19 ॥
புஷ்பஸஞ்ச²ந்நஶிக²ரா மாருதோத்க்ஷேபசஞ்சலா ।
அமீ மது⁴கரோத்தம்ஸா꞉ ப்ரகீ³த இவ பாத³பா꞉ ॥ 20 ॥
புஷ்பிதாக்³ராம்ஸ்து பஶ்யேமாந் கர்ணிகாராந் ஸமந்தத꞉ ।
ஹாடகப்ரதிஸஞ்ச²ந்நாந் நராந் பீதாம்ப³ராநிவ ॥ 21 ॥
அயம் வஸந்த꞉ ஸௌமித்ரே நாநாவிஹக³நாதி³த꞉ ।
ஸீதயா விப்ரஹீணஸ்ய ஶோகஸந்தீ³பநோ மம ॥ 22 ॥
மாம் ஹி ஶோகஸமாக்ராந்தம் ஸந்தாபயதி மந்மத²꞉ ।
ஹ்ருஷ்ட꞉ ப்ரவத³மாநஶ்ச மாமாஹ்வயதி கோகில꞉ ॥ 23 ॥
ஏஷ நத்யூஹகோ ஹ்ருஷ்டோ ரம்யே மாம் வநநிர்ஜ²ரே ।
ப்ரணத³ந்மந்மதா²விஷ்டம் ஶோசயிஷ்யதி லக்ஷ்மண ॥ 24 ॥
ஶ்ருத்வைதஸ்ய புரா ஶப்³த³மாஶ்ரமஸ்தா² மம ப்ரியா ।
மாமாஹூய ப்ரமுதி³தா பரமம் ப்ரத்யநந்த³த ॥ 25 ॥
ஏவம் விசித்ரா꞉ பதகா³ நாநாராவவிராவிண꞉ ।
வ்ருக்ஷகு³ள்மலதா꞉ பஶ்ய ஸம்பதந்தி ததஸ்தத꞉ ॥ 26 ॥
விமிஶ்ரா விஹகா³꞉ பும்பி⁴ராத்மவ்யூஹாபி⁴நந்தி³தா꞉ ।
ப்⁴ருங்க³ராஜப்ரமுதி³தா꞉ ஸௌமித்ரே மது⁴ரஸ்வரா꞉ ॥ 27 ॥
தஸ்யா꞉ கூலே ப்ரமுதி³தா꞉ ஶகுநா꞉ ஸங்க⁴ஶஸ்த்விஹ ।
நாத்யூஹருதவிக்ரந்தை³꞉ பும்ஸ்கோகிலருதைரபி ॥ 28 ॥
ஸ்வநந்தி பாத³பாஶ்சேமே மமாநங்க³ப்ரதீ³பநா꞉ ।
அஶோகஸ்தப³காங்கா³ர꞉ ஷட்பத³ஸ்வநநி꞉ஸ்வந꞉ ॥ 29 ॥
மாம் ஹி பல்லவதாம்ரார்சிர்வஸந்தாக்³நி꞉ ப்ரத⁴க்ஷ்யதி ।
ந ஹி தாம் ஸூக்ஷ்மபக்ஷ்மாக்ஷீம் ஸுகேஶீம் ம்ருது³பா⁴ஷிணீம் ॥ 30 ॥
அபஶ்யதோ மே ஸௌமித்ரே ஜீவிதே(அ)ஸ்தி ப்ரயோஜநம் ।
அயம் ஹி த³யிதஸ்தஸ்யா꞉ காலோ ருசிரகாநந꞉ ॥ 31 ॥
கோகிலாகுலஸீமாந்தோ த³யிதாயா மமாநக⁴ ।
மந்மதா²யாஸஸம்பூ⁴தோ வஸந்தகு³ணவர்தி⁴த꞉ ॥ 32 ॥
அயம் மாம் த⁴க்ஷ்யதி க்ஷிப்ரம் ஶோகாக்³நிர்ந சிராதி³வ ।
அபஶ்யதஸ்தாம் த³யிதாம் பஶ்யதோ ருசிரத்³ருமாந் ॥ 33 ॥
மமாயமாத்மப்ரப⁴வோ பூ⁴யஸ்த்வமுபயாஸ்யதி ।
அத்³ருஶ்யமாநா வைதே³ஹீ ஶோகம் வர்த⁴யதே மம ॥ 34 ॥
த்³ருஶ்யமாநோ வஸந்தஶ்ச ஸ்வேத³ஸம்ஸர்க³தூ³ஷக꞉ ।
மாம் ஹ்ருத்³ய ம்ருக³ஶாபா³க்ஷீ சிந்தாஶோகப³லாத்க்ருதம் ॥ 35 ॥
ஸந்தாபயதி ஸௌமித்ரே க்ரூரஶ்சைத்ரோ வநாநில꞉ ।
அமீ மயூரா꞉ ஶோப⁴ந்தே ப்ரந்ருத்யந்தஸ்ததஸ்தத꞉ ॥ 36 ॥
ஸ்வை꞉ பக்ஷை꞉ பவநோத்³தூ⁴தைர்க³வாக்ஷை꞉ ஸ்பா²டிகைரிவ ।
ஶிகி²நீபி⁴꞉ பரிவ்ருதாஸ்த ஏதே மத³மூர்சி²தா꞉ ॥ 37 ॥
மந்மதா²பி⁴பரீதஸ்ய மம மந்மத²வர்த⁴நா꞉ ।
பஶ்ய லக்ஷ்மண ந்ருத்யந்தம் மயூரமுபந்ருத்யதி ॥ 38 ॥
ஶிகி²நீ மந்மதா²ர்தைஷா ப⁴ர்தாரம் கி³ரிஸாநுஷு ।
தாமேவ மநஸா ராமாம் மயுரோ(அ)ப்யுபதா⁴வதி ॥ 39 ॥
விதத்ய ருசிரௌ பக்ஷௌ ருதைருபஹஸந்நிவ ।
மயூரஸ்ய வநே நூநம் ரக்ஷஸா ந ஹ்ருதா ப்ரியா ॥ 40 ॥
தஸ்மாந்ந்ருத்யதி ரம்யேஷு வநேஷு ஸஹ காந்தயா ।
மம த்வயம் விநா வாஸ꞉ புஷ்பமாஸே ஸுது³꞉ஸஹ꞉ ॥ 41 ॥
பஶ்ய லக்ஷ்மண ஸம்ராக³ம் திர்யக்³யோநிக³தேஷ்வபி ।
யதே³ஷா ஶிகி²நீ காமாத்³ப⁴ர்தாரம் ரமதே(அ)ந்திகே ॥ 42 ॥
மமாப்யேவம் விஶாலாக்ஷீ ஜாநகீ ஜாதஸம்ப்⁴ரமா ।
மத³நேநாபி⁴வர்தேத யதி³ நாபஹ்ருதா ப⁴வேத் ॥ 43 ॥
பஶ்ய லக்ஷ்மண புஷ்பாணி நிஷ்ப²லாநி ப⁴வந்தி மே ।
புஷ்பபா⁴ரஸம்ருத்³தா⁴நாம் வநாநாம் ஶிஶிராத்யயே ॥ 44 ॥
ருசிராண்யபி புஷ்பாணி பாத³பாநாமதிஶ்ரியா ।
நிஷ்ப²லாநி மஹீம் யாந்தி ஸமம் மது⁴கரோத்கரை꞉ ॥ 45 ॥
வத³ந்தி ராவம் முதி³தா꞉ ஶகுநா꞉ ஸங்க⁴ஶ꞉ கலம் ।
ஆஹ்வயந்த இவாந்யோந்யம் காமோந்மாத³கரா மம ॥ 46 ॥
வஸந்தோ யதி³ தத்ராபி யத்ர மே வஸதி ப்ரியா ।
நூநம் பரவஶா ஸீதா ஸா(அ)பி ஶோசத்யஹம் யதா² ॥ 47 ॥
நூநம் ந து வஸந்தோ(அ)யம் தே³ஶம் ஸ்ப்ருஶதி யத்ர ஸா ।
கத²ம் ஹ்யஸிதபத்³மாக்ஷீ வர்தயேத்ஸா மயா விநா ॥ 48 ॥
அத²வா வர்ததே தத்ர வஸந்தோ யத்ர மே ப்ரியா ।
கிம் கரிஷ்யதி ஸுஶ்ரோணீ ஸா து நிர்ப⁴ர்த்ஸிதா பரை꞉ ॥ 49 ॥
ஶ்யாமா பத்³மபலாஶாக்ஷீ ம்ருது³பூர்வாபி⁴பா⁴ஷிணீ ।
நூநம் வஸந்தமாஸாத்³ய பரித்யக்ஷ்யதி ஜீவிதம் ॥ 50 ॥
த்³ருட⁴ம் ஹி ஹ்ருத³யே பு³த்³தி⁴ர்மம ஸம்ப்ரதி வர்ததே ।
நாலம் வர்தயிதும் ஸீதா ஸாத்⁴வீ மத்³விரஹம் க³தா ॥ 51 ॥
மயி பா⁴வஸ்து வைதே³ஹ்யாஸ்தத்த்வதோ விநிவேஶித꞉ ।
மமாபி பா⁴வ꞉ ஸீதாயாம் ஸர்வதா² விநிவேஶித꞉ ॥ 52 ॥
ஏஷ புஷ்பவஹோ வாயு꞉ ஸுக²ஸ்பர்ஶோ ஹிமாவஹ꞉ ।
தாம் விசிந்தயத꞉ காந்தாம் பாவகப்ரதிமோ மம ॥ 53 ॥
ஸதா³ ஸுக²மஹம் மந்யே யம் புரா ஸஹ ஸீதாயா ।
மாருத꞉ ஸ விநா ஸீதாம் ஶோகம் வர்த⁴யதே மம ॥ 54 ॥
தாம் விநா ஸ விஹங்கோ³ ய꞉ பக்ஷீ ப்ரணதி³தஸ்ததா³ ।
வாயஸ꞉ பாத³பக³த꞉ ப்ரஹ்ருஷ்டமபி⁴நர்த³தி ॥ 55 ॥
ஏஷ வை தத்ர வைதே³ஹ்யா விஹக³꞉ ப்ரதிஹாரக꞉ ।
பக்ஷீ மாம் து விஶாலாக்ஷ்யா꞉ ஸமீபமுபநேஷ்யதி ॥ 56 ॥
ஶ்ருணு லக்ஷ்மண ஸந்நாத³ம் வநே மத³விவர்த⁴நம் ।
புஷ்பிதாக்³ரேஷு வ்ருக்ஷேஷு த்³விஜாநாமுபகூஜதாம் ॥ 57 ॥
விக்ஷிப்தாம் பவநேநைதாமஸௌ திலகமஞ்ஜரீம் ।
ஷட்பத³꞉ ஸஹஸா(அ)ப்⁴யேதி மதோ³த்³தூ⁴தாமிவ ப்ரியாம் ॥ 58 ॥
காமிநாமயமத்யந்தமஶோக꞉ ஶோகவர்த⁴ந꞉ ।
ஸ்தப³கை꞉ பவநோத்க்ஷிப்தைஸ்தர்ஜயந்நிவ மாம் ஸ்தி²த꞉ ॥ 59 ॥
அமீ லக்ஷ்மண த்³ருஶ்யந்தே சூதா꞉ குஸுமஶாலிந꞉ ।
விப்⁴ரமோத்ஸிக்தமநஸ꞉ ஸாங்க³ராகா³ நரா இவ ॥ 60 ॥
ஸௌமித்ரே பஶ்ய பம்பாயாஶ்சித்ராஸு வநராஜிஷு ।
கிந்நரா நரஶார்தூ³ள விசரந்தி ததஸ்தத꞉ ॥ 61 ॥
இமாநி ஶுப⁴க³ந்தீ⁴நி பஶ்ய லக்ஷ்மண ஸர்வஶ꞉ ।
ளிநாநி ப்ரகாஶந்தே ஜலே தருணஸூர்யவத் ॥ 62 ॥
ஏஷா ப்ரஸந்நஸலிலா பத்³மநீலோத்பலாயுதா ।
ஹம்ஸகாரண்ட³வாகீர்ணா பம்பா ஸௌக³ந்தி⁴காந்விதா ॥ 63 ॥
ஜலே தருணஸூர்யாபை⁴꞉ ஷட்பதா³ஹதகேஸரை꞉ ।
பங்கஜை꞉ ஶோப⁴தே பம்பா ஸமந்தாத³பி⁴ஸம்வ்ருதா ॥ 64 ॥
சக்ரவாகயுதா நித்யம் சித்ரப்ரஸ்த²வநாந்தரா ।
மாதங்க³ம்ருக³யூதை²ஶ்ச ஶோப⁴தே ஸலிலார்தி²பி⁴꞉ ॥ 65 ॥
பவநாஹிதவேகா³பி⁴ரூர்மிபி⁴ர்விமலே(அ)ம்ப⁴ஸி ।
பங்கஜாநி விராஜந்தே தாட்³யமாநாநி லக்ஷ்மண ॥ 66 ॥
பத்³மபத்ரவிஶாலாக்ஷீம் ஸததம் பங்கஜப்ரியாம் ।
அபஶ்யதோ மே வைதே³ஹீம் ஜீவிதம் நாபி⁴ரோசதே ॥ 67 ॥
அஹோ காமஸ்ய வாமத்வம் யோ க³தாமபி து³ர்லபா⁴ம் ।
ஸ்மாரயிஷ்யதி கல்யாணீம் கல்யாணதரவாதி³நீம் ॥ 68 ॥
ஶக்யோ தா⁴ரயிதும் காமோ ப⁴வேத³த்³யாக³தோ மயா ।
யதி³ பூ⁴யோ வஸந்தோ மாம் ந ஹந்யாத்புஷ்பிதத்³ரும꞉ ॥ 69 ॥
யாநி ஸ்ம ரமணீயாநி தயா ஸஹ ப⁴வந்தி மே ।
தாந்யேவாரமணீயாநி ஜாயந்தே மே தயா விநா ॥ 70 ॥
பத்³மகோஶபலாஶாநி த்³ருஷ்ட்வா த்³ருஷ்டிர்ஹி மந்யதே ।
ஸீதாயா நேத்ரகோஶாப்⁴யாம் ஸத்³ருஶாநீதி லக்ஷ்மண ॥ 71 ॥
பத்³மகேஸரஸம்ஸ்ருஷ்டோ வ்ருக்ஷாந்தரவிநி꞉ஸ்ருத꞉ ।
நி꞉ஶ்வாஸ இவ ஸீதாயா வாதி வாயுர்மநோஹர꞉ ॥ 72 ॥
ஸௌமித்ரே பஶ்ய பம்பாயா த³க்ஷிணே கி³ரிஸாநுநி ।
புஷ்பிதாம் கர்ணிகாரஸ்ய யஷ்டிம் பரமஶோப⁴நாம் ॥ 73 ॥
அதி⁴கம் ஶைலராஜோ(அ)யம் தா⁴துபி⁴꞉ ஸுவிபூ⁴ஷித꞉ ।
விசித்ரம் ஸ்ருஜதே ரேணும் வாயுவேக³விக⁴ட்டிதம் ॥ 74 ॥
கி³ரிப்ரஸ்தா²ஸ்து ஸௌமித்ரே ஸர்வத꞉ ஸம்ப்ரபுஷ்பிதை꞉ ।
நிஷ்பத்ரை꞉ ஸர்வதோ ரம்யை꞉ ப்ரதீ³ப்தா இவ கிம்ஶுகை꞉ ॥ 75 ॥
பம்பாதீரருஹாஶ்சேமே ஸம்ஸக்தா மது⁴க³ந்தி⁴ந꞉ ।
மாலதீமல்லிகாஷண்டா³꞉ கரவீராஶ்ச புஷ்பிதா꞉ ॥ 76 ॥
கேதக்ய꞉ ஸிந்து⁴வாராஶ்ச வாஸந்த்யஶ்ச ஸுபுஷ்பிதா꞉ ।
மாத⁴வ்யோ க³ந்த⁴பூர்ணாஶ்ச குந்த³கு³ள்மாஶ்ச ஸர்வஶ꞉ ॥ 77 ॥
சிரிபி³ல்வா மதூ⁴காஶ்ச வஞ்ஜுளா வகுலாஸ்ததா² ।
சம்பகாஸ்திலகாஶ்சைவ நாக³வ்ருக்ஷா꞉ ஸுபுஷ்பிதா꞉ ॥ 78 ॥
நீபாஶ்ச வரணாஶ்சைவ க²ர்ஜூராஶ்ச ஸுபுஷ்பிதா꞉ ।
பத்³மகாஶ்சோபஶோப⁴ந்தே நீலாஶோகாஶ்ச புஷ்பிதா꞉ ॥ 79 ॥
லோத்⁴ராஶ்ச கி³ரிப்ருஷ்டே²ஷு ஸிம்ஹகேஸரபிஞ்ஜரா꞉ ।
அங்கோலாஶ்ச குரண்டாஶ்ச பூர்ணகா꞉ பாரிப⁴த்³ரகா꞉ ॥ 80 ॥
சூதா꞉ பாடலயஶ்சைவ கோவிதா³ராஶ்ச புஷ்பிதா꞉ ।
முசுலிந்தா³ர்ஜுநாஶ்சைவ த்³ருஶ்யந்தே கி³ரிஸாநுஷு ॥ 81 ॥
கேதகோத்³தா³ளகாஶ்சைவ ஶிரீஷா꞉ ஶிம்ஶுபா த⁴வா꞉ ।
ஶால்மல்ய꞉ கிம்ஶுகாஶ்சைவ ரக்தா꞉ குரவகாஸ்ததா² ॥ 82 ॥
திநிஶா நக்தமாலாஶ்ச சந்த³நா꞉ ஸ்பந்த³நாஸ்ததா² ।
புஷ்பிதாந் புஷ்பிதாக்³ராபி⁴ர்லதாபி⁴꞉ பரிவேஷ்டிதாந் ॥ 83 ॥
த்³ருமாந் பஶ்யேஹ ஸௌமித்ரே பம்பாயா ருசிராந் ப³ஹூந் ।
வாதவிக்ஷிப்தவிடபாந் யதா²(ஆ)ஸந்நாந் த்³ருமாநிமாந் ॥ 84 ॥
லதா꞉ ஸமநுவர்தந்தே மத்தா இவ வரஸ்த்ரிய꞉ ।
பாத³பாத்பாத³பம் க³ச்ச²ந் ஶைலாச்சை²லம் வநாத்³வநம் ॥ 85 ॥
வாதி நைகரஸாஸ்வாத³꞉ ஸம்மோதி³த இவாநில꞉ ।
கேசித்பர்யாப்தகுஸுமா꞉ பாத³பா மது⁴க³ந்தி⁴ந꞉ ॥ 86 ॥
கேசிந்முகுலஸம்வீதா꞉ ஶ்யாமவர்ணா இவாப³பு⁴꞉ ।
இத³ம் ம்ருஷ்டமித³ம் ஸ்வாது³ ப்ரபு²ல்லமித³மித்யபி ॥ 87 ॥
ராக³மத்தோ மது⁴கர꞉ குஸுமேஷ்வவலீயதே ।
நிலீய புநருத்பத்ய ஸஹஸா(அ)ந்யத்ர க³ச்ச²தி ॥ 88 ॥
மது⁴ளுப்³தோ⁴ மது⁴கர꞉ பம்பாதீரத்³ருமேஷ்வஸௌ ।
இயம் குஸுமஸங்கா⁴தைருபஸ்தீர்ணா ஸுகா²க்ருதா ॥ 89 ॥
ஸ்வயம் நிபதிதைர்பூ⁴மி꞉ ஶயநப்ரஸ்தரைரிவ ।
விவிதா⁴ விவிதை⁴꞉ புஷ்பைஸ்தைரேவ நக³ஸாநுஷு ॥ 90 ॥
விகீர்ணை꞉ பீதரக்தா ஹி ஸௌமித்ரே ப்ரஸ்தரா꞉ க்ருதா꞉ ।
ஹிமாந்தே பஶ்ய ஸௌமித்ரே வ்ருக்ஷாணாம் புஷ்பஸம்ப⁴வம் ॥ 91 ॥
புஷ்பமாஸே ஹி தரவ꞉ ஸங்க⁴ர்ஷாதி³வ புஷ்பிதா꞉ ।
ஆஹ்வயந்த இவாந்யோந்யம் நகா³꞉ ஷட்பத³நாதி³தா꞉ ॥ 92 ॥
குஸுமோத்தம்ஸவிடபா꞉ ஶோப⁴ந்தே ப³ஹு லக்ஷ்மண ।
ஏஷ காரண்ட³வ꞉ பக்ஷீ விகா³ஹ்ய ஸலிலம் ஶுப⁴ம் ॥ 93 ॥
ரமதே காந்தாயா ஸார்த⁴ம் காமமுத்³தீ³பயந்மம ।
மந்த³கிந்யாஸ்து யதி³த³ம் ரூபமேவ மநோஹரம் ॥ 94 ॥
ஸ்தா²நே ஜக³தி விக்²யாதா கு³ணாஸ்தஸ்யா மநோரமா꞉ ।
யதி³ த்³ருஶ்யேத ஸா ஸாத்⁴வீ யதி³ சேஹ வஸேமஹி ॥ 95 ॥
ஸ்ப்ருஹயேயம் ந ஶக்ராய நாயோத்⁴யாயை ரகூ⁴த்தம ।
ந ஹ்யேவம் ரமணீயேஷு ஶாத்³வலேஷு தயா ஸஹ ॥ 96 ॥
ரமதோ மே ப⁴வேச்சிந்தா ந ஸ்ப்ருஹாந்யேஷு வா ப⁴வேத் ।
அமீ ஹி விவிதை⁴꞉ புஷ்பைஸ்தரவோ ருசிரச்ச²தா³꞉ ॥ 97 ॥
காநநே(அ)ஸ்மிந் விநா காந்தாம் சித்தமுந்மாத³யந்தி மே ।
பஶ்ய ஶீதஜலாம் சேமாம் ஸௌமித்ரே புஷ்கராயுதாம் ॥ 98 ॥
சக்ரவாகாநுசரிதாம் காரண்ட³வநிஷேவிதாம் ।
ப்லவை꞉ க்ரௌஞ்சைஶ்ச ஸம்பூர்ணாம் வராஹம்ருக³ஸேவிதாம் ॥ 99 ॥
அதி⁴கம் ஶோப⁴தே பம்பா விகூஜத்³பி⁴ர்விஹங்க³மை꞉ ।
தீ³பயந்தீவ மே காமம் விவிதா⁴ முதி³தா த்³விஜா꞉ ॥ 100 ॥
ஶ்யாமாம் சந்த்³ரமுகீ²ம் ஸ்ம்ருத்வா ப்ரியாம் பத்³மநிபே⁴க்ஷணாம் ।
பஶ்ய ஸாநுஷு சித்ரேஷு ம்ருகீ³பி⁴꞉ ஸஹிதாந் ம்ருகா³ந் ॥ 101 ॥
மாம் புநர்ம்ருக³ஶாபா³க்ஷ்யா வைதே³ஹ்யா விரஹீக்ருதம் ।
வ்யத²யந்தீவ மே சித்தம் ஸஞ்சரந்தஸ்ததஸ்தத꞉ ॥ 102 ॥
அஸ்மிந் ஸாநுநி ரம்யே ஹி மத்தத்³விஜக³ணாயுதே ।
பஶ்யேயம் யதி³ தாம் கந்தாம் தத꞉ ஸ்வஸ்தி ப⁴வேந்மம ॥ 103 ॥
ஜீவேயம் க²லு ஸௌமித்ரே மயா ஸஹ ஸுமத்⁴யமா ।
ஸேவதே யதி³ வைதே³ஹீ பம்பாயா꞉ பவநம் ஸுக²ம் ॥ 104 ॥
பத்³மஸௌக³ந்தி⁴கவஹம் ஶிவம் ஶோகவிநாஶநம் ।
த⁴ந்யா லக்ஷ்மண ஸேவந்தே பம்போபவநமாருதம் ॥ 105 ॥
ஶ்யாமா பத்³மபலாஶாக்ஷீ ப்ரியா விரஹிதா மயா ।
கத²ம் தா⁴ரயதி ப்ராணாந் விவஶா ஜநகாத்மஜா ॥ 106 ॥
கிம் நு வக்ஷ்யாமி ராஜாநம் த⁴ர்மஜ்ஞம் ஸத்யவாதி³நம் ।
ஸீதாயா ஜநகம் ப்ருஷ்ட꞉ குஶலம் ஜநஸம்ஸதி³ ॥ 107 ॥
யா மாமநுக³தா மந்த³ம் பித்ரா ப்ரவ்ராஜிதம் வநம் ।
ஸீதா ஸத்பத²மாஸ்தா²ய க்வ நு ஸா வர்ததே ப்ரியா ॥ 108 ॥
தயா விஹீந꞉ க்ருபண꞉ கத²ம் லக்ஷ்மண தா⁴ரயே ।
யா மாமநுக³தா ராஜ்யாத்³ப்⁴ரஷ்டம் விக³தசேதஸம் ॥ 109 ॥
தச்சார்வஞ்சிதபக்ஷ்மாக்ஷம் ஸுக³ந்தி⁴ ஶுப⁴மவ்ரணம் ।
அபஶ்யதோ முக²ம் தஸ்யா꞉ ஸீத³தீவ மநோ மம ॥ 110 ॥
ஸ்மிதஹாஸ்யாந்தரயுதம் கு³ணவந்மது⁴ரம் ஹிதம் ।
வைதே³ஹ்யா வாக்யமதுலம் கதா³ ஶ்ரோஷ்யாமி லக்ஷ்மண ॥ 111 ॥
ப்ராப்ய து³꞉க²ம் வநே ஶ்யாமா ஸா மாம் மந்மத²கர்ஶிதம் ।
நஷ்டது³꞉கே²வ ஹ்ருஷ்டேவ ஸாத்⁴வீ ஸாத்⁴வப்⁴யபா⁴ஷத ॥ 112 ॥
கிம் நு வக்ஷ்யாமி கௌஸல்யாமயோத்⁴யாயாம் ந்ருபாத்மஜ ।
க்வ ஸா ஸ்நுஷேதி ப்ருச்ச²ந்தீம் கத²ம் சாதிமநஸ்விநீம் ॥ 113 ॥
க³ச்ச² லக்ஷ்மண பஶ்ய த்வம் ப⁴ரதம் ப்⁴ராத்ருவத்ஸலம் ।
ந ஹ்யஹம் ஜீவிதும் ஶக்தஸ்தாம்ருதே ஜநகாத்மஜாம் ॥ 114 ॥
இதி ராமம் மஹாத்மாநம் விளபந்தமநாத²வத் ।
உவாச லக்ஷ்மணோ ப்⁴ராதா வசநம் யுக்தமவ்யயம் ॥ 115 ॥
ஸம்ஸ்த²ம்ப⁴ ராம ப⁴த்³ரம் தே மா ஶுச꞉ புருஷோத்தம ।
நேத்³ருஶாநாம் மதிர்மந்தா³ ப⁴வத்யகலுஷாத்மநாம் ॥ 116 ॥
ஸ்ம்ருத்வா வியோக³ஜம் து³꞉க²ம் த்யஜ ஸ்நேஹம் ப்ரியே ஜநே ।
அதிஸ்நேஹபரிஷ்வங்கா³த்³வர்திரார்த்³ரா(அ)பி த³ஹ்யதே ॥ 117 ॥
யதி³ க³ச்ச²தி பாதாலம் ததோ ஹ்யதி⁴கமேவ வா ।
ஸர்வதா² ராவணஸ்தாவந்ந ப⁴விஷ்யதி ராக⁴வ ॥ 118 ॥
ப்ரவ்ருத்திர்லப்⁴யதாம் தாவத்தஸ்ய பாபஸ்ய ரக்ஷஸ꞉ ।
ததோ ஹாஸ்யதி வா ஸீதாம் நித⁴நம் வா க³மிஷ்யதி ॥ 119 ॥
யதி³ யாத்யதி³தேர்க³ர்ப⁴ம் ராவண꞉ ஸஹ ஸீதயா ।
தத்ராப்யேநம் ஹநிஷ்யாமி ந சேத்³தா³ஸ்யதி மைதி²லீம் ॥ 120 ॥
ஸ்வாஸ்த்²யம் ப⁴த்³ரம் ப⁴ஜஸ்வார்ய த்யஜ்யதாம் க்ருபணா மதி꞉ ।
அர்தோ² ஹி நஷ்டகார்யார்தை²ர்நாயத்நேநாதி⁴க³ம்யதே ॥ 121 ॥
உத்ஸாஹோ ப³லவாநார்ய நாஸ்த்யுத்ஸாஹாத்பரம் ப³லம் ।
ஸோத்ஸாஹஸ்யாஸ்தி லோகே(அ)ஸ்மிந்ந கிஞ்சித³பி து³ர்லப⁴ம் ॥ 122 ॥
உத்ஸாஹவந்த꞉ புருஷா நாவஸீத³ந்தி கர்மஸு ।
உத்ஸாஹமாத்ரமாஶ்ரித்ய ஸீதாம் ப்ரதிலபே⁴மஹி ॥ 123 ॥
த்யஜ்யதாம் காமவ்ருத்தத்வம் ஶோகம் ஸம்ந்யஸ்ய ப்ருஷ்ட²த꞉ ।
மஹாத்மாநம் க்ருதாத்மாநமாத்மாநம் நாவபு³த்⁴யஸே ॥ 124 ॥
ஏவம் ஸம்போ³தி⁴தஸ்தத்ர ஶோகோபஹதசேதந꞉ ।
ந்யஸ்ய ஶோகம் ச மோஹம் ச ததோ தை⁴ர்யமுபாக³மத் ॥ 125 ॥
ஸோ(அ)ப்⁴யதிக்ராமத³வ்யக்³ரஸ்தாமசிந்த்யபராக்ரம꞉ ।
ராம꞉ பம்பாம் ஸுருசிராம் ரம்யபாரிப்லவத்³ருமாம் ॥ 126 ॥
நிரீக்ஷமாண꞉ ஸஹஸா மஹாத்மா
ஸர்வம் வநம் நிர்ஜ²ரகந்த³ராம்ஶ்ச ।
உத்³விக்³நசேதா꞉ ஸஹ லக்ஷ்மணேந
விசார்ய து³꞉கோ²பஹத꞉ ப்ரதஸ்தே² ॥ 127 ॥
தம் மத்தமாதங்க³விளாஸகா³மீ
க³ச்ச²ந்தமவ்யக்³ரமநா மஹாத்மா ।
ஸ லக்ஷ்மணோ ராக⁴வமப்ரமத்தோ
ரரக்ஷ த⁴ர்மேண ப³லேந சைவ ॥ 128 ॥
தாவ்ருஶ்யமூகஸ்ய ஸமீபசாரீ
சரந் த³த³ர்ஶாத்³பு⁴தத³ர்ஶநீயௌ ।
ஶாகா²ம்ருகா³ணாமதி⁴பஸ்தரஸ்வீ
விதத்ரஸே நைவ சிசேஷ்ட கிஞ்சித் ॥ 129 ॥
ஸ தௌ மஹாத்மா க³ஜமந்த³கா³மி
ஶாகா²ம்ருக³ஸ்தத்ர சிரம் சரந்தௌ ।
த்³ருஷ்ட்வா விஷாத³ம் பரமம் ஜகா³ம
சிந்தாபரீதோ ப⁴யபா⁴ரமக்³ந꞉ ॥ 130 ॥
தமாஶ்ரமம் புண்யஸுக²ம் ஶரண்யம்
ஸதை³வ ஶாகா²ம்ருக³ஸேவிதாந்தம் ।
த்ரஸ்தாஶ்ச த்³ருஷ்ட்வா ஹரயோ(அ)பி⁴ஜக்³மு꞉
மஹௌஜஸௌ ராக⁴வலக்ஷ்மணௌ தௌ ॥ 131 ॥
இத்யார்ஷே ஶ்ரீமத்³ராமாயணே வால்மீகியே ஆதி³காவ்யே கிஷ்கிந்தா⁴காண்டே³ ப்ரத²ம꞉ ஸர்க³꞉ ॥ 1 ॥
ஸம்பூர்ண வால்மீகி ராமாயணே கிஷ்கிந்த⁴காண்ட³ பார்க்க.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.