Read in తెలుగు / ಕನ್ನಡ / தமிழ் / देवनागरी / English (IAST)
ఈశ్వర ఉవాచ |
దేవేశి భక్త సులభే దేవనాయకవందితే |
భక్తానాం కార్యసిద్ధ్యర్థం నిదాన బ్రూహి తత్త్వతః || ౧ ||
వినైవ న్యాసజాలేన పూజనేన వినా భవేత్ |
వినా కాయాదిక్లేశేన విత్తవ్యయం వినేశ్వరి || ౨ ||
అస్య శ్రీబటుకభైరవ సహస్రనామ స్తోత్రమంత్రస్య బ్రహ్మానందభైరవ ఋషిః త్రిష్టుప్ ఛందః బటుకభైరవో దేవతా బం బీజం హ్రీం శక్తిః సర్వాభీష్టసిద్ధ్యర్థే జపే వినియోగః ||
న్యాసః –
కరన్యాసః –
ఓం హ్రాం బాం అంగుష్ఠాభ్యాం నమః |
ఓం హ్రీం బీం తర్జనీభ్యాం నమః |
ఓం హ్రూం బూం మధ్యమాభ్యాం నమః |
ఓం హ్రైం బైం అనామికాభ్యాం నమః |
ఓం హ్రౌం బౌం కనిష్ఠికాభ్యాం నమః |
ఓం హ్రః బః కరతలకరపృష్ఠాభ్యాం నమః |
హృదయాదిన్యాసః –
ఓం హ్రాం బాం హృదయాయ నమః |
ఓం హ్రీం బీం శిరసే స్వాహా |
ఓం హ్రూం బూం శిఖాయై వషట్ |
ఓం హ్రైం బైం కవచాయ హుమ్ |
ఓం హ్రౌం బౌం నేత్రత్రయాయ వౌషట్ |
ఓం హ్రః బః అస్త్రాయ ఫట్ |
అథ ధ్యానం –
ఉద్యద్భాస్కరసన్నిభం త్రినయనం రక్తాంగరాగస్రజం
స్మేరాస్యం వరదం కపాలమభయం శూలం దధానం కరైః |
నీలగ్రీవముదారకౌస్తుభధరం శీతాంశుచూడోజ్జ్వలం
బంధూకారుణవాససం భయహరం దేవం సదా భావయేత్ || ౩ ||
అథ స్తోత్రం –
|| ఓం హ్రీం ||
బటుకః కామదో నాథోఽనాథప్రియప్రభాకరః |
భైరవో భీతిహా దర్పః కందర్పో మీనకేతనః || ౪ ||
రుద్రో బటుకభూతీశో భూతనాథః ప్రజాపతిః |
దయాలుః క్రూర ఈశానో జనీశో లోకవల్లభః || ౫ ||
దేవో దైత్యేశ్వరో వీరో వీరవంద్యో దివాకరః |
బలిప్రియః సురశ్రేష్ఠః కనిష్ఠో నైష్ఠికః శిశుః || ౬ ||
మహాబలో మహాతేజా విత్తేజో ద్యుతివర్ధనః |
తేజస్వీ వీర్యవాన్ వృద్ధో వివృద్ధో భూతనాయకః || ౭ ||
బాలకః పాలకః కామో వికామః కామమర్దనః |
కాళికారమణః కాళీనాయకః కాళికాప్రియః || ౮ ||
కాళీశః కాళికాకాంతః కాళికానందవర్ధనః |
కాళికాహృదయజ్ఞానీ కాళికాతనయో నయః || ౯ ||
ఖగేశః ఖేచరః ఖేటో విశిష్టో ఖేటకప్రియః |
కుమారః క్రోధనః కాళిప్రియః పర్వతరక్షకః || ౧౦ ||
గణేజ్యో గణపో గూఢో గూఢప్రాయో గణేశ్వరః |
గణనాథో గణశ్రేష్ఠో గణముఖ్యో గణప్రియః || ౧౧ ||
ఘోరనాదో ఘనశ్యామో ఘనస్వామీ ఘనాంతకః |
ఘోరనాశో ఘనేశానో ధనపతిర్ధనాత్మకః || ౧౨ ||
చంపకాభశ్చిరంజీవీ చారువేషశ్చరాచరః |
చింత్యోఽచింత్యగుణో ధీమాన్ సుచిత్తస్థశ్చితీశ్వరః || ౧౩ ||
ఛత్రీ ఛత్రపతిశ్ఛత్తా ఛిన్ననాసా మనః ప్రియః |
ఛిన్నాభశ్ఛిన్నసంతాపశ్ఛద్దీరాచ్ఛర్దినాంతకః || ౧౪ ||
జేతా జిష్ణుర్జహీశానో జనానందో జనేశ్వరః |
జనకో జనసంతోషో జయజాయవినాశనః || ౧౫ ||
జాలంధరో జనారాధ్యో జనాధ్యక్షో జనప్రియః |
జీవహా జీవదో జంతుర్జీవనాథో జలేశ్వరః || ౧౬ ||
జయదో జిత్వరో జిహ్వో జయశ్రీర్జయవర్ధనః |
జయాభూమిర్జయాకారో జయహేతుర్జయేశ్వరః || ౧౭ ||
ఝంకారకృదనంతాత్మా ఝంకారహేతురాత్మభూః |
ఝఞ్యోశ్చరీ హరీభర్తా విభర్తా భృత్యకేశ్వరః || ౧౮ ||
టీత్కారహృదయేయాత్మా టంకేశో ఠంకనాయకః |
ఠకారభూ ఠరంధ్రీశో గిరిపృష్ఠకురః పతిః || ౧౯ ||
ఢుంఢిర్ఢక్కాప్రియః పాంథో ఢుంఢిరాజో నిరంతకః |
తామ్రస్తమీశ్వరస్తోతా తీర్థరాజస్తడిత్ప్రభః || ౨౦ ||
త్ర్యక్షస్త్ర్యక్షకస్తంభస్తాక్షకస్తంభటేశ్వరః |
స్థలస్థః స్థావరః స్థాతా స్థిరబుద్ధిః స్థిరేంద్రియః || ౨౧ ||
స్థిరజ్ఞానీ స్థిరప్రీతిః స్థిరస్థీతిః స్థిరాశయః |
దామో దామోదరో దంభో దాడిమీకుసుమప్రియః || ౨౨ ||
దారిద్ర్యహా దమీ దివ్యో దివ్యదేహో దినప్రభుః |
దినకరో దివానాథో దివసేశో దివాకరః || ౨౩ ||
దీర్ఘశ్చరో దళజ్యోతిర్దళేశో దళసుందరః |
దళప్రియో దళాభాశో దళపూజ్యో దళప్రభుః || ౨౪ ||
దళకాతిర్దళాకారో దళసేవ్యో దళార్చితః |
దీర్ఘబాహుర్దళశ్రేష్ఠో దళలుబ్ధో దళాకృతిః || ౨౫ ||
దానవశ్యో దయాసింధుర్దయాళుర్దీపవల్లభః |
ధనేశో ధనదో ధర్మో ధనరాజో ధనప్రభుః || ౨౬ ||
ధనప్రదో ధనాధ్యక్షో ధనమాన్యో ధనంజయః |
ధీవరో ధాతుకో ధాతా ధ్రువో ధూమలవర్ధనః || ౨౭ ||
ధనిష్ఠో ధవళచ్ఛత్రీ ధనకామ్యో ధనేశ్వరః |
ధీరో ధీరతరో ధేనుర్ధీరేశో ధరణీప్రభుః || ౨౮ ||
ధరాధీశో ధరానాథో ధరణీనాయకో ధరః |
ధరాకాంతో ధరాపాలో ధరణీజనవల్లభః || ౨౯ ||
ధరాధరో ధరో ధృష్టో ధృతరాష్ట్రో ధనీశ్వరః |
నారదో నీరదో నేతా నీతిపూజ్యో నతిప్రియః || ౩౦ ||
నీతిలభ్యో నతీశానో నీతిలబ్ధో నతీశ్వరః |
పార్థివః పార్థసంపూజ్యః పార్థదః ప్రణతః పృథుః || ౩౧ ||
పృథివీశః పృథాసూనుః పృథివీభృత్య ఈశ్వరః |
పురాణః పారదః పాంథః పాంచాలీపావకః ప్రభుః || ౩౨ ||
పూర్వసురపతిః శ్రేయాన్ ప్రీతిదః ప్రీతివర్ధనః |
పార్వతీశః పరేశానః పార్వతీహృదయప్రియః || ౩౩ ||
పార్వతీరమణః పూతః పవిత్రః పాపనాశనః |
పాత్రీ పత్రాలిసంతుష్టః పరితుష్టః పుమాన్ ప్రియః || ౩౪ ||
పర్వేశః పర్వతాధీశః పర్వతో నాయకాత్మజః |
ఫాల్గునస్తు ఫణానాథః ఫణీశః ఫణరక్షకః || ౩౫ ||
ఫణీపతిః ఫణీశానః ఫణరాజః ఫణాకృతిః |
బలభద్రో బలీ బాలో బలధీర్బలవర్ధనః || ౩౬ ||
బలప్రాణో బలాధీశో బలిదానప్రియంకరః |
బలిరాజో బలిప్రాణో బలినాథో బలప్రియః || ౩౭ ||
బలీవరశ్చ బాలేశో బాలకప్రియదర్శనః |
భద్రో భద్రప్రభో భీమో భీమసేనో భయంకరః || ౩౮ ||
భవ్యో భవ్యప్రియో భూతపతిర్భూతవినాయకః |
భూతేశో భూతిదో భర్గో భూతభవ్యో భవేశ్వరః || ౩౯ ||
భవానీశో భవేశానో భవానీనాయకోర్భకః |
మకారో మాధవో మీనో మీనకేతుర్మహేశ్వరః || ౪౦ ||
మహేశుమర్దనో మంథో మిథునేశోఽమరాధిపః |
మరీచిర్మంజులో మోహో మోహహా మోహమర్దనః || ౪౧ ||
మోహకో మోహనో మేధాప్రియో మోహవినాయకః |
మహీపతిర్మహేశానో మహీరాజో మనోహరః || ౪౨ ||
మహీశ్వరో మహీపాలో మహీనాథో మహీప్రియః |
మహీధరో మహాదేవో మనురాజో మనుప్రియః || ౪౩ ||
మౌనీ మౌనధరో మేధో మందారో మతివర్ధనః |
మతిదో మంథరో మంత్రో మంత్రీశో మంత్రనాయకః || ౪౪ ||
మేధావీ మానదో మానీ మానహా మానమర్దనః |
మీనగో మకరాధీశో మధురో మణిరంజితః || ౪౫ ||
మణిరమ్యో మణిభ్రాతా మణిమండనమండితః |
మంత్రపో మంత్రదో ముగ్ధో మోక్షదో మోక్షవల్లభః || ౪౬ ||
మల్లో మల్లప్రియో మంచో మల్లకో మేలనప్రభుః |
మల్లికో మల్లికాగంధీ మల్లికాకుసుమప్రియః || ౪౭ ||
మాలతీశో మఘానాథోఽమోఘమూర్తిర్మఘేశ్వరః |
మూలాభో మూలహా మూలో మూలదో మూలమత్సరః || ౪౮ ||
మాణిక్యరోచిః సమ్ముగ్ధో మణికూటో మణిప్రియః |
ముకుందో మదనో మందో మదవంద్యో మనుప్రభుః || ౪౯ ||
మనస్థో మేనకాధీశో మేనకాప్రియదర్శనః |
యామో యామో యమీ దేవో యాదవో యదునాయకః || ౫౦ ||
యాచకో యాజ్ఞికో యజ్ఞో యజ్ఞేశో యజ్ఞవర్ధనః |
రమాపతీ రమాధీశో రమేశో రామవల్లభః || ౫౧ ||
రమాపతీ రమానాథో రమాకాంతో రమేశ్వరః |
రేవతీరమణో రామో రామేశో రామనందనః || ౫౨ ||
రమ్యమూర్తీ రతీశానో రాకాయా నాయకో రవిః |
లక్ష్మీధరో లలజ్జిహ్వో లక్ష్మీబీజజపే రతః || ౫౩ ||
లంపటో లంబరాజేశో లంబదేశో లకారభూః |
వామనో వల్లభో వంద్యో వనమాలీ వనేశ్వరః || ౫౪ ||
వనస్థో వనగో వింధ్యో వింధ్యరాజో వనాహ్వయః |
వనేచరో వనాధీశో వనమాలావిభూషణః || ౫౫ ||
వేణుప్రియో వనాకారో వనారాధ్యో వనప్రభుః |
శంభుః శంకరసంతుష్టః శంబరారిః శరాసనః || ౫౬ ||
శబరీప్రణతః శాలః శిలీముఖధ్వనిప్రియః |
శకులః శల్లకః శీతః శీతిరశ్మిః సితాంశుకః || ౫౭ ||
శీలదః శీకరః శీలః శీలశీలీ శనైశ్చరః |
సిద్ధః సిద్ధికరః సాధ్యః సిద్ధిభూః సిద్ధిభావనః || ౫౮ ||
సిద్ధాంతవల్లభః సింధుః సింధుతీరనిషేవితః |
సింధుపతిః సురోధీరః సరసీరుహలోచనః || ౫౯ ||
సరిత్పతిః సరిత్సంస్థః సరః సింధుః సరోవరః |
సఖా వీరపతిః సూతః సచేతాః సత్పతిః సితః || ౬౦ ||
సింధురాజః సదాభూతః సదాశివః సతాంపతిః |
సదీశః సదనః సూరిః సేవ్యమానసతీపతిః || ౬౧ ||
సూర్యః సూర్యపతిః సేవ్యః సేవాప్రియః సనాతనః |
సతీశః సరశీనాథః సతీరాజః సతీశ్వరః || ౬౨ ||
సతీప్రాణః సతీనాథః సతీసేవ్యః సతీశ్వరః |
సిద్ధిరాజః సతీతుష్టః సచివః సవ్యవాహనః || ౬౩ ||
సతీనాయకసంతుష్టః సవ్యసాచీ సుమంతకః |
సచ్చిత్తః సర్వసంతోషీ సర్వారామః సుసిద్ధిదః || ౬౪ ||
సర్వారాధ్యః సచివాఖ్యః సతీపతిసుసేవితః |
సాగరః సగరసార్థః సముద్రః సముద్రప్రియః || ౬౫ ||
సముద్రతీరసంతుష్టః సముద్రప్రియదర్శనః |
సముద్రేశః సరోనాథః సరసిజవిలోచనః || ౬౬ ||
సరసీజలదాకారః సరసీజలదార్చితః |
సముద్రికః సముద్రాత్మా సాధ్యమానః సురేశ్వరః || ౬౭ ||
సురసేవ్యః సురేశానః సురనాథః సురార్చితః |
సురాధ్యక్షః సురారాధ్యః సురవంద్యవిశారదః || ౬౮ ||
సురముఖ్యః సురప్రాయః సురసింధునివాసవాన్ |
సుధాప్రియః సుధాధీశః సుధారాధ్యః సుధాపతిః || ౬౯ ||
సుధానాథః సుధాభూతః సుధాసాగరసేవితః |
హాటకో హీరకో హంతా హరికస్యరుచిః ప్రభుః || ౭౦ ||
హవ్యవాహో హరిద్రాభో హరిద్రారసమర్దనః |
హేతిర్హేతుర్హరిత్రాతా హరినాథో హరిప్రియః || ౭౧ ||
హరిపూజ్యో హరిప్రాణో హరిహృష్టో హరీంద్రకః |
హరీశో హంతృకో హీరో హరినామపరాయణః || ౭౨ ||
హరిముగ్ధో హరీరమ్యో హరిదాసో హరీశ్వరః |
హరో హరిపతిర్హారో హరిణీచిత్తహారకః || ౭౩ ||
హరహితో హరప్రాణో హరివాహనశోభనః |
హాసో హాసప్రియో హూహూర్హుతభుగ్ హుతవాహనః || ౭౪ ||
హుతాశనో హలీ హక్కో హాలాహలహలాయుధః |
హలాకారో హలీశానో హలిపూజ్యో హలిప్రియః || ౭౫ ||
హరపుత్రో హరోత్సాహో హరసూనుర్హరాత్మజః |
హరవంద్యో హరాధీశో హరాంతకో హరాకృతిః || ౭౬ ||
హరమాన్యో హరాంకస్థో హరవైరివినాశనః |
హరశత్రుర్హరావర్షోఽహంకారో హరిణీప్రియః || ౭౭ ||
హాటకేశో హటేశానో హాటకప్రియదర్శనః |
హాటకో హాటకప్రాణో హాటభూషణభూషితః || ౭౮ ||
హేతిదో హంతకో హంసో హంసగతిర్హారాహ్వయః |
హంసీపతిర్హరోన్మత్తో హంసీశో హరవల్లభః || ౭౯ ||
హరపుష్పప్రభో హంసీప్రియో హంసవిలాసకః |
హరబీజరతో హారీ హరితో హరితాంపతిః || ౮౦ ||
హరిత్ప్రభుర్హరిత్పాలో హరిరంతరనాయకః |
హరిద్దిశో హరిత్ప్రాణో హరిప్రియప్రియో హితః || ౮౧ ||
హేరంబో హుంకృతిక్రుద్ధో హేరంబానందనో హఠీ |
హేరంబప్రాణసంహర్తా హేరంబహృదయప్రియః || ౮౨ ||
క్షమాపతిః క్షణః క్షాంతః క్షురధారః క్షితీశ్వరః |
క్షితీశః క్షితితః క్షీణః క్షితిపాలః క్షితిప్రభుః || ౮౩ ||
క్షితీశానః క్షితిప్రాణః క్షితినాయకసత్ప్రియః |
క్షితిరాజః క్షణాధీశః క్షణపతిః క్షణేశ్వరః || ౮౪ ||
క్షణప్రియః క్షమానాథః క్షణదానాయకఃప్రియః |
క్షణికః క్షణదాధీశః క్షణదాప్రాణదః క్షమీ || ౮౫ ||
క్షమః క్షోణిపతిః క్షోభః క్షోభకారీ క్షమాప్రియః |
క్షమాశీలః క్షమారూపః క్షమామండనమండితః || ౮౬ ||
క్షమానాథః క్షమాధారః క్షమాకారీ క్షమాకరః |
క్షేమః క్షీణరజాః క్షుద్రః క్షుద్రపానవిశారదః || ౮౭ ||
క్షుద్రేశానః క్షణాకారః క్షీరపానకతత్పరః |
క్షీరశాయీ క్షణేశానః క్షోణిభృత్ క్షణదోత్సవః || ౮౮ ||
క్షేమంకరః క్షమాలుబ్ధః క్షమాశాస్త్రవిశారదః |
క్షమీశ్వరః క్షమాకామః క్షమాహృదయమండనః || ౮౯ ||
నీలాద్రిరుచిరాశీశో నీలపర్వతసన్నిభః |
నీలమణిప్రభారమ్యః శశిభూషణభూషితః || ౯౦ ||
శశధరః శరీభూతో ముండమాలావిభూషితః |
ముండస్థో ముండసంతుష్టో ముండమాలాధరోఽనఘః || ౯౧ ||
దిగ్వాసా విదిగాకారో దిగంబరవరప్రదః |
దిగంబరీశ ఆనందో దిగంబరతనూద్భవః || ౯౨ ||
పింగళైకజటో ధృష్టో డమరూవాదనప్రియః |
సృణీకరః సృణీశానః ఖడ్గధృక్ ఖడ్గపాలకః || ౯౩ ||
శూలహస్తో మతంగాభో మాతంగోత్సవసుందరః |
అభయంకర ఊర్వంగో లంకాపతివినాశనః || ౯౪ ||
నగాశయో నగేశానో నాగమండనమండితః |
నగాకారో నగాధీశో నగశాయీ నగప్రియః || ౯౫ ||
ఘటోత్సవో ఘటాకారో ఘంటావాద్యవిశారదః |
కపాలపాణిరంబేశః కపాలాసనసాదనః || ౯౬ ||
పద్మపాణికపాలశ్చ త్రినేత్రో నాగవల్లభః |
కింకిణీజాలసంతుష్టో జలప్రాయో జలాకరః || ౯౭ ||
అపమృత్యుహరో మాయామోహమూలవినాశనః |
ఆయుధః కమలానాథః కమలాకాంతవల్లభః || ౯౮ ||
రాజ్యదో రాజరాజేశీ రాజీవపట్టశోభనః |
డాకినీనాయకో నిత్యో నిత్యధర్మపరాయణః || ౯౯ ||
డాకినీహృదయజ్ఞానీ డాకినీదేహనాశకః |
డాకినీప్రాణదః శుద్ధః శ్రద్ధేయచరితో విభుః || ౧౦౦ ||
హేమప్రభో హిమేశానో హిమానీప్రియదర్శనః |
హేమదో మర్మదో నామీ నామధేయో నగాత్మజః || ౧౦౧ ||
వైకుంఠో వాసుకీప్రాణో వాసుకీకంఠభూషణః |
కుండలీశో మఖధ్వంసీ మఖరాజో మఖేశ్వరః || ౧౦౨ ||
మఖాకారో మఖాధీశో మఖమాలావిభూషణః |
అంబికావల్లభో వాణీపతిర్వాణీవిశారదః || ౧౦౩ ||
వాణీశో వాచఃప్రాణశ్చ వచస్థో వచనప్రియః |
వేలాధరో దిశామీశో దిఙ్నాగో హి దిగీశ్వరః || ౧౦౪ ||
దూర్వాప్రియో దురారాధ్యో దారిద్ర్యభయభంజనః |
తర్కస్తర్కప్రియస్తర్క్యో వితర్కస్తర్కవల్లభః || ౧౦౫ ||
తర్కసిద్ధోఽతిసిద్ధాత్మా సిద్ధదేహో గుహాశయః |
గ్రహగర్భో గ్రహేశానో గంధగంధీ విశారదః || ౧౦౬ ||
మంగళో మంగళాకారో మంగళవాద్యవాదకః |
మంగళీశో విమానస్థో విమానో నైకనాయకః || ౧౦౭ ||
బుధేశో విబుధాధీశో బుధవారో బుధాకరః |
బుధనాథో బుధప్రీతో బుధవంద్యో బుధాధిపః || ౧౦౮ ||
బుధసిద్ధో బుధప్రాణో బుధబుద్ధో బుధప్రియః |
సోమప్రభో మనఃసిద్ధో మనోజప్రాణనాశనః || ౧౦౯ ||
సోమేశో మశకాకారో సోమపాః సోమనాయకః |
కామగః కామహా బౌద్ధః కామనాఫలదోఽధిపః || ౧౧౦ ||
త్రిదశో దశరాత్రేశో దశాననవినాశనః |
లక్ష్మణో లక్ష్యసంభర్తా లక్ష్యసంఖ్యో మనఃప్రియః || ౧౧౧ ||
విభావసుర్నలేశానో నాయకో నగజాప్రియః |
నలకాంతిర్నలోత్సాహో నరదేవో నరాకృతిః || ౧౧౨ ||
నరపతిర్నరేశానో నారాయణనరేశ్వరః |
అనిలో మారుతో మాంసో మాంసైకరససేవితః || ౧౧౩ ||
మరీచిరమరేశానో మాగధో మగధప్రభుః |
సుందరీసేవకోద్ధారీ ద్వారదేశనివాసనః || ౧౧౪ ||
దేవకీగర్భసంజాతో దేవకీసేవకః కుహూః |
బృహస్పతిః కవిః శుక్రః శారదాసాధకప్రియః || ౧౧౫ ||
శారదాసాధకప్రాణః శారదాసేవకోత్సుకః |
శారదాసాధకశ్రేష్ఠో వీతరాగో గజప్రభుః || ౧౧౬ ||
మాంసప్రియో మధుప్రాణో మధుమాంసమహోత్సవః |
మధుపో మధుపశ్రేష్ఠో మధుపానసదారతిః || ౧౧౭ ||
మోదకాదానసంప్రీతో మోదకామోదమోదితః |
ఆమోదామోదితో నందో నందికేశో నదేశ్వరః || ౧౧౮ ||
నదీప్రియో నదీనాథో నదీతీరరుహస్తపాః |
తపనస్తాపనస్తామ్రతాపహా తాపకారకః || ౧౧౯ ||
పతంగో గోముఖో గౌరో గోపాలో గోపవర్ధనః |
గౌపతిర్గోపసంహర్తా గోవృందైకప్రియోఽతిగః || ౧౨౦ ||
గర్విష్ఠో గుణరమ్యశ్చ గుణసింధుర్గురుప్రియః |
గుణపూజ్యో గుణోపేతో గుణవాద్యో గుణోత్సుకః || ౧౨౧ ||
గుణీశః కేవలో గర్భః సుగర్భో గర్భరక్షకః |
గాంభీర్యధారకో ధర్తా విధర్తా ధర్మపాలకః || ౧౨౨ ||
జగదీశో జగన్మిత్రో జగత్త్రాతా జగత్ప్రభుః |
జగద్ధాతా జగద్భోక్తా జగజ్జాడ్యవినాశనః || ౧౨౩ ||
జగత్కర్తా జగద్ధర్తా జగజ్జీవనజీవనః |
మాలతీపుష్పసుప్రీతో మాలతీకుసుమోత్సవః || ౧౨౪ ||
మాలతీకుసుమాకారో మాలతీకుసుమప్రభుః |
రసాలమంజరీరమ్యో రసగంధనిషేవితః || ౧౨౫ ||
రసాలమంజరీలుబ్ధో రసాలతరువల్లభః |
రసాలతరువాసీ వై రసాలఫలసుందరః || ౧౨౬ ||
రసాలరససంతుష్టో రసాలరసలాలసః |
కేతకీపుష్పసంతుష్టో కేతకీగర్భసంభవః || ౧౨౭ ||
కేతకీపత్రసంకాశః కేతకీప్రాణనాశనః |
గర్తస్థో గర్తగంభీరో గర్తేశో గర్తనాయకః || ౧౨౮ ||
గర్తగేశోఽతిగర్తస్థో గర్తతీరనివాసకః |
గణసేవ్యో గణాధ్యక్షో గణరాజో గణాహ్వయః || ౧౨౯ ||
ఆనందభైరవో భీరుర్భైరవేశో రురుర్భగః |
సుబ్రహ్మభైరవో వామభైరవో భూతభావనః || ౧౩౦ ||
భైరవీతనయో దేవీపుత్రః పర్వతసంభవః |
నామ్నా యేన సహస్రేణ స్తుత్వా బటుకభైరవమ్ || ౧౩౧ ||
లభతే హ్యతులాం లక్ష్మీం దేవానామపి దుర్లభామ్ |
ఉపదేశం గురోర్లబ్ధ్వా యోగే త్రిమంగళీ భవేత్ || ౧౩౨ ||
అష్టమ్యాం వా చతుర్దశ్యాం వాసరే భూమిసంభవే |
శుక్రే వా రవిసంక్రాంతౌ యోగోఽయముత్తమః ప్రభో || ౧౩౩ ||
తస్మిన్ యోగే మహేశాని సర్వసిద్ధిమవాప్నుయాత్ |
లక్షమావర్తయేన్మంత్రం మంత్రరాజం నగేశ్వరి || ౧౩౪ ||
నిత్యకర్మసుసిద్ధ్యర్థం తత్ఫలం లభతే ధ్రువమ్ |
స్తవమేనం పఠేన్మంత్రీ పాఠయన్ వా యథావిధి || ౧౩౫ ||
దుర్లభాం లభతే సిద్ధిం సర్వదేవనమస్కృతామ్ |
న ప్రకాశ్యం చ పుత్రేషు భ్రష్టేషు తు కదాచన || ౧౩౬ ||
అన్యథా సిద్ధిరోధః స్యాద్వాతులో వా భవేత్ప్రియః |
స్తవస్యాస్య ప్రసాదేన దేవనాయకవత్ప్రియః || ౧౩౭ ||
సంగ్రామే విజయేచ్ఛత్రూన్ మాతంగానివ కేసరీ |
రాజానం వశయేత్ సద్యో దేవానపి వశం నయేత్ || ౧౩౮ ||
కిం వా పరం ఫలం నాథ స్తవరాజస్య కథ్యతామ్ |
యద్యన్మనసి సంకల్ప్య స్తవమేనముదీరయన్ || ౧౩౯ ||
తత్తదాప్నోతి దేవేశం బటుకస్య ప్రసాదతః |
ఆపదాం హి వినాశాయ కారణం కాంత దుర్లభమ్ || ౧౪౦ ||
దేవాసురరణే ఘోరం దేవానాముపకారకమ్ |
ప్రకాశితం మయా నాథ తంత్రే భైరవదీపకే || ౧౪౧ ||
అపుత్రో లభతే పుత్రం షణ్మాసాన్ నిరతో నరః |
పఠిత్వా పాఠయిత్వాఽపి స్తవరాజమనుత్తమమ్ || ౧౪౨ ||
దరిద్రో లభతే లక్ష్మీమీప్సితామపి నిశ్చలామ్ |
కన్యార్థీ లభతే కన్యాం సర్వరూపసమన్వితామ్ || ౧౪౩ ||
ప్రదోషే బలిదానే చ వశయేదఖిలం జగత్ |
వటే వా బిల్వమూలే వా రంభాయాం విపినోఽపి వా || ౧౪౪ ||
జపేత్సతతమాలక్షం మంత్రరాజస్య సిద్ధయే |
వర్ణలక్షం జపేద్వాపి దిఙ్మాత్రం హి ప్రదర్శితమ్ || ౧౪౫ ||
పూజయేత్తు తిలైర్మాషైర్దుగ్ధైర్మాంసైర్ఝషైస్తథా |
ఘృతపక్వాన్నతో వాఽపి జేమనై రససంకులైః || ౧౪౬ ||
పూజయేద్ధారయేద్వాఽపి స్తవమేనం సుసాధకః |
పఠేద్వా పాఠయేద్వాఽపి యథావిధి సురప్రియే || ౧౪౭ ||
శత్రుతో న భయం తస్య నాగ్నిచౌరాస్త్రవజ్రజమ్ |
జ్వరాదిసంభవం వాపి సత్యం సత్యం మహేశ్వరి || ౧౪౮ ||
భైరవారాధనాశక్తో యో భవేత్సాధకః ప్రభో |
సదాశివః స విజ్ఞేయో భైరవేణేతి భాషితమ్ || ౧౪౯ ||
శ్రీమద్భైరవరాజసేవనవిధౌ వైయ్యగ్రమాసేదుషః
పుంసః పంచవిధా భవంతి నవధా హ్యష్టౌ తథా సిద్ధయః |
క్షోణీపాలకిరీటకోటిమణిరున్మాలాభరైర్భూయశో
మౌగ్ధ్యం పాదపయోజయోర్విజయతే మూర్ధ్ని ప్రభోశ్ఛత్రతామ్ || ౧౫౦ ||
ఇతి శ్రీభైరవతంత్రోక్త శ్రీ బటుకభైరవ సహస్రనామ స్తోత్రమ్ ||
మరిన్ని శ్రీ భైరవ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.