Read in తెలుగు / ಕನ್ನಡ / தமிழ் / English (IAST)
పఞ్చాశత్తమదశకమ్ (౫౦)- వత్సాసుర-బకాసురయోః వధమ్ |
తరలమధుకృద్వృన్దే వృన్దావనేఽథ మనోహరే
పశుపశిశుభిస్సాకం వత్సానుపాలనలోలుపః |
హలధరసఖో దేవ శ్రీమన్ విచేరిథ ధారయన్
గవలమురలీవేత్రం నేత్రాభిరామతనుద్యుతిః || ౫౦-౧ ||
విహితజగతీరక్షం లక్ష్మీకరాంబుజలాలితం
దదతి చరణద్వన్ద్వం వృన్దావనే త్వయి పావనే |
కిమివ న బభౌ సమ్పత్సంపూరితం తరువల్లరీ-
సలిలధరణీగోత్రక్షేత్రాదికం కమలాపతే || ౫౦-౨ ||
విలసదులపే కాన్తారాన్తే సమీరణశీతలే
విపులయమునాతీరే గోవర్ధనాచలమూర్ధసు |
లలితమురలీనాదస్సఞ్చారయన్ఖలు వాత్సకం
క్వచన దివసే దైత్యం వత్సాకృతిం త్వముదైక్షథాః || ౫౦-౩ ||
రభసవిలసత్పుచ్ఛం విచ్ఛాయతోఽస్య విలోకయన్
కిమపి వలితస్కన్ధం రన్ధ్రప్రతీక్షముదీక్షితమ్ |
తమథ చరణే బిభ్రద్విభ్రామయన్ముహురుచ్చకైః
కుహచన మహావృక్షే చిక్షేపిథ క్షతజీవితమ్ || ౫౦-౪ ||
నిపతతి మహాదైత్యే జాత్యా దురాత్మని తత్క్షణం
నిపతనజవక్షుణ్ణక్షోణీరుహక్షతకాననే |
దివి పరమిలద్వృన్దా వృన్దారకాః కుసుమోత్కరైః
శిరసి భవతో హర్షాద్వర్షన్తి నామ తదా హరే || ౫౦-౫ ||
సురభిలతమా మూర్ధన్యూర్ధ్వం కుతః కుసుమావలీ
నిపతతి తవేత్యుక్తో బాలైః సహేలముదైరయః |
ఝటితి దనుజక్షేపేణోర్ధ్వం గతస్తరుమణ్డలాత్
కుసుమనికరస్సోఽయం నూనం సమేతి శనైరితి || ౫౦-౬ ||
క్వచన దివసే భూయో భూయస్తరే పరుషాతపే
తపనతనయాపాథః పాతుం గతా భవదాదయః |
చలితగరుతం ప్రేక్షామాసుర్బకం ఖలు విస్మృతం
క్షితిధరగరుచ్ఛేదే కైలాసశైలమివాపరమ్ || ౫౦-౭ ||
పిబతి సలిలం గోపవ్రాతే భవన్తమభిద్రుతః
స కిల నిగిలన్నగ్నిప్రఖ్యం పునర్ద్రుతముద్వమన్ |
దలయితుమగాత్త్రోట్యాః కోట్యా తదా తు భవాన్విభో
ఖలజనభిదా చుఞ్చుశ్చఞ్చూ ప్రగృహ్య దదార తమ్ || ౫౦-౮ ||
సపది సహజాం సన్ద్రష్టుం వా మృతాం ఖలు పూతనా-
మనుజమఘమప్యగ్రే గత్వా ప్రతీక్షితుమేవ వా |
శమననిలయం యాతే తస్మిన్బకే సుమనోగణే
కిరతి సుమనోవృన్దం వృన్దావనాద్గృహమైయథాః || ౫౦-౯ ||
లలితమురలీనాదం దూరాన్నిశమ్య వధూజనై-
స్త్వరితముపగమ్యారాదారూఢమోదముదీక్షితః |
జనితజననీనన్దానన్దస్సమీరణమన్దిర-
ప్రథితవసతే శౌరే దూరీకురుష్వ మమామయాన్ || ౫౦-౧౦ ||
ఇతి పఞ్చాశత్తమశకం సమాప్తం
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.