Read in తెలుగు / ಕನ್ನಡ / தமிழ் / देवनागरी / English (IAST)
ಆಚಮ್ಯ । ಪ್ರಾಣಾನಾಯಮ್ಯ । ದೇಶಕಾಲೌ ಸಙ್ಕೀರ್ತ್ಯ । ಗಣಪತಿ ಸ್ಮರಣಂ ಕೃತ್ವಾ ।
ಪುನಃ ಸಙ್ಕಲ್ಪಂ –
ಅದ್ಯ ಪೂರ್ವೋಕ್ತ ಏವಂ ಗುಣವಿಶೇಷಣ ವಿಶಿಷ್ಠಾಯಾಂ ಶುಭತಿಥೌ ಮಮ ಬೃಹಸ್ಪತಿ ಗ್ರಹಪೀಡಾಪರಿಹಾರಾರ್ಥಂ ಬೃಹಸ್ಪತಿ ಗ್ರಹದೇವತಾ ಪ್ರಸಾದ ದ್ವಾರಾ ಆಯುರಾರೋಗ್ಯ ಐಶ್ವರ್ಯಾದಿ ಉತ್ತಮಫಲಾವಾಪ್ತ್ಯರ್ಥಂ ಮಮ ಸಙ್ಕಲ್ಪಿತ ಮನೋವಾಞ್ಛಾಫಲಸಿದ್ಧ್ಯರ್ಥಂ ಯಥಾ ಸಙ್ಖ್ಯಾಕಂ ಬೃಹಸ್ಪತಿ ಗ್ರಹಸ್ಯ ನ್ಯಾಸಪೂರ್ವಕ ವೇದೋಕ್ತ ಮನ್ತ್ರಜಪಂ ಕರಿಷ್ಯೇ ॥
– ಬೃಹಸ್ಪತಿ ಮನ್ತ್ರಃ –
ಬೃಹಸ್ಪತಯೇತ್ಯಸ್ಯ ಮನ್ತ್ರಸ್ಯ ಗೃತ್ಸಮದ ಋಷಿಃ ಭುರಿಗತ್ಯಷ್ಟಿಶ್ಛನ್ದಃ ಬೃಹಸ್ಪತಿರ್ದೇವತಾ ಬೃಹಸ್ಪತಿ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ।
ನ್ಯಾಸಃ –
ಓಂ ಗೃತ್ಸಮದ ಋಷಯೇ ನಮಃ ಶಿರಸಿ ।
ಓಂ ಭುರಿಗತ್ಯಷ್ಟಿಶ್ಛನ್ದಸೇ ನಮಃ ಮುಖೇ ।
ಓಂ ಬೃಹಸ್ಪತಿ ದೇವತಾಯೈ ನಮಃ ಹೃದಯೇ ।
ಓಂ ಬೃಹಸ್ಪತಿ ಪ್ರೀತ್ಯರ್ಥೇ ಜಪೇ ವಿನಿಯೋಗಾಯ ನಮಃ ಸರ್ವಾಙ್ಗೇ ।
ಕರನ್ಯಾಸಃ –
ಓಂ ಬೃಹಸ್ಪತೇಽಅತಿ ಯದರ್ಯೋ ಇತಿ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಅರ್ಹಾದ್ದ್ಯುಮದಿತಿ ತರ್ಜನೀಭ್ಯಾಂ ನಮಃ ।
ಓಂ ವಿಭಾತಿ ಕ್ರತುಮದಿತಿ ಮಧ್ಯಮಾಭ್ಯಾಂ ನಮಃ ।
ಓಂ ಜನೇಷು ಇತಿ ಅನಾಮಿಕಾಭ್ಯಾಂ ನಮಃ ।
ಓಂ ಯದ್ದೀದಯಚ್ಛವಸಽಋತ ಪ್ರಜಾತತದಸ್ಮಾಸು ಇತಿ ಕನಿಷ್ಠಿಕಾಭ್ಯಾಂ ನಮಃ ।
ಓಂ ದ್ರವಿಣಂ ಧೇಹಿ ಚಿತ್ರಮಿತಿ ಕರತಲಕರಪೃಷ್ಠಾಭ್ಯಾಂ ನಮಃ ।
ಹೃದಯಾದಿನ್ಯಾಸಃ –
ಓಂ ಬೃಹಸ್ಪತೇಽಅತಿ ಯದರ್ಯೋ ಇತಿ ಹೃದಯಾಯ ನಮಃ ।
ಓಂ ಅರ್ಹಾದ್ದ್ಯುಮದಿತಿ ಶಿರಸೇ ಸ್ವಾಹಾ ।
ಓಂ ವಿಭಾತಿ ಕ್ರತುಮದಿತಿ ಶಿಖಾಯೈ ವಷಟ್ ।
ಓಂ ಜನೇಷು ಇತಿ ಕವಚಾಯ ಹುಮ್ ।
ಓಂ ಯದ್ದೀದಯಚ್ಛವಸಽಋತ ಪ್ರಜಾತತದಸ್ಮಾಸು ಇತಿ ನೇತ್ರತ್ರಯಾಯ ವೌಷಟ್ ।
ಓಂ ದ್ರವಿಣಂ ಧೇಹಿ ಚಿತ್ರಮಿತಿ ಅಸ್ತ್ರಾಯ ಫಟ್ ।
ಧ್ಯಾನಮ್ –
ಸ್ವರ್ಣಾಮ್ಬರಃ ಸ್ವರ್ಣವಪುಃ ಕಿರೀಟೀ
ಚತುರ್ಭುಜೋ ದೇವಗುರುಃ ಪ್ರಶಾನ್ತಃ ।
ದಧಾತಿ ದಣ್ಡಂ ಚ ಕಮಣ್ಡಲುಂ ಚ
ತಥಾಽಕ್ಷಸೂತ್ರಂ ವರದೋಽಸ್ತು ಮಹ್ಯಮ್ ॥
ಲಮಿತ್ಯಾದಿ ಪಞ್ಚಪೂಜಾಂ ಕುರ್ಯಾತ್ ॥
(ಯ।ವೇ।೨೬-೩)
ಓಂ ಬೃಹ॑ಸ್ಪತೇ॒ಽಅತಿ॒ ಯದ॒ರ್ಯೋಽಅರ್ಹಾ॑ದ್ ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು ।
ಯದ್ದೀ॒ದಯ॒ಚ್ಛವ॑ಸಽ ಋತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂ ಧೇಹಿ ಚಿ॒ತ್ರಮ್ ॥
ಓಂ ಬೃಹಸ್ಪತಯೇ ನಮಃ ।
ಸಮರ್ಪಣಮ್ –
ಗುಹ್ಯಾತಿ ಗುಹ್ಯ ಗೋಪ್ತಾ ತ್ವಂ ಗೃಹಾಣಾಸ್ಮತ್ಕೃತಂ ಜಪಮ್ ।
ಸಿದ್ಧಿರ್ಭವತು ಮೇ ದೇವ ತ್ವತ್ಪ್ರಸಾದಾನ್ಮಯಿ ಸ್ಥಿರ ॥
ಅನೇನ ಮಯಾ ಕೃತ ಬೃಹಸ್ಪತಿ ಗ್ರಹಸ್ಯ ಮನ್ತ್ರ ಜಪೇನ ಬೃಹಸ್ಪತಿ ಸುಪ್ರೀತೋ ಸುಪ್ರಸನ್ನೋ ವರದೋ ಭವನ್ತು ।
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ।
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.