Read in తెలుగు / ಕನ್ನಡ / தமிழ் / देवनागरी / English (IAST)
|| కండూవనాదివిచయః ||
సహ తారాంగదాభ్యాం తు గత్వా స హనుమాన్ కపిః |
సుగ్రీవేణ యథోద్దిష్టం తం దేశముపచక్రమే || ౧ ||
స తు దూరముపాగమ్య సర్వైస్తైః కపిసత్తమైః |
విచినోతి స్మ వింధ్యస్య గుహాశ్చ గహనాని చ || ౨ ||
పర్వతాగ్రాన్నదీదుర్గాన్ సరాంసి విపులాన్ ద్రుమాన్ |
వృక్షషండాంశ్చ వివిధాన్ పర్వతాన్ ఘనపాదపాన్ || ౩ ||
అన్వేషమాణాస్తే సర్వే వానరాః సర్వతో దిశమ్ |
న సీతాం దదృశుర్వీరా మైథిలీం జనకాత్మజామ్ || ౪ ||
తే భక్షయంతో మూలాని ఫలాని వివిధాని చ |
అన్వేషమాణా దుర్ధర్షా న్యవసంస్తత్ర తత్ర హ || ౫ ||
స తు దేశో దురన్వేషో గుహాగహనవాన్ మహాన్ |
నిర్జలం నిర్జనం శూన్యం గహనం రోమహర్షణమ్ || ౬ ||
త్యక్త్వా తు తం తదా దేశం సర్వే వై హరియూథపాః |
తాదృశాన్యప్యరణ్యాని విచిత్య భృశపీడితాః || ౭ ||
దేశమన్యం దురాధర్షం వివిశుశ్చాకుతోభయాః |
యత్ర వంధ్యఫలా వృక్షా విపుష్పాః పర్ణవర్జితాః || ౮ ||
నిస్తోయాః సరితో యత్ర మూలం యత్ర సుదుర్లభమ్ |
న సంతి మహిషా యత్ర న మృగా న చ హస్తినః || ౯ ||
శార్దూలాః పక్షిణో వాపి యే చాన్యే వనగోచరాః |
న యత్ర వృక్షా నౌషధ్యో న లతా నాపి వీరుధః || ౧౦ ||
స్నిగ్ధపత్రాః స్థలే యత్ర పద్మిన్యః ఫుల్లపంకజాః |
ప్రేక్షణీయాః సుగంధాశ్చ భ్రమరైశ్చాపి వర్జితాః || ౧౧ ||
కండుర్నామ మహాభాగః సత్యవాదీ తపోధనః |
మహర్షిః పరమామర్షీ నియమైర్దుష్ప్రధర్షణః || ౧౨ ||
తస్య తస్మిన్వనే పుత్రో బాలః షోడశవార్షికః |
ప్రనష్టో జీవితాంతాయ క్రుద్ధస్తత్ర మహామునిః || ౧౩ ||
తేన ధర్మాత్మనా శప్తం కృత్స్నం తత్ర మహద్వనమ్ |
అశరణ్యం దురాధర్షం మృగపక్షివివర్జితమ్ || ౧౪ ||
తస్య తే కాననాంతాంశ్చ గిరీణాం కందరాణి చ |
ప్రభవాణి నదీనాం చ విచిన్వంతి సమాహితాః || ౧౫ ||
తత్ర చాపి మహాత్మానో నాపశ్యన్ జనకాత్మజామ్ |
హర్తారం రావణం వాపి సుగ్రీవప్రియకారిణః || ౧౬ ||
తే ప్రవిశ్యాశు తం భీమం లతాగుల్మసమావృతమ్ |
దదృశుః క్రూరకర్మాణమసురం సురనిర్భయమ్ || ౧౭ ||
తం దృష్ట్వా వానరా ఘోరం స్థితం శైలమివాపరమ్ |
గాఢం పరిహితాః సర్వే దృష్ట్వా తం పర్వతోపమమ్ || ౧౮ ||
సోఽపి తాన్వానరాన్ సర్వాన్ నష్టాః స్థేత్యబ్రవీద్బలీ |
అభ్యధావత సంక్రుద్ధో ముష్టిముద్యమ్య సంహితమ్ || ౧౯ ||
తమాపతంతం సహసా వాలిపుత్రోఽంగదస్తదా |
రావణోఽయమితి జ్ఞాత్వా తలేనాభిజఘాన హ || ౨౦ ||
స వాలిపుత్రాభిహతో వక్త్రాచ్ఛోణితముద్వమన్ |
అసురో న్యపతద్భూమౌ పర్యస్త ఇవ పర్వతః || ౨౧ ||
తేఽపి తస్మిన్నిరుచ్ఛ్వాసే వానరా జితకాశినః |
వ్యచిన్వన్ ప్రాయశస్తత్ర సర్వం తద్గిరిగహ్వరమ్ || ౨౨ ||
విచితం తు తతః కృత్వా సర్వే తే కాననం పునః |
అన్యదేవాపరం ఘోరం వివిశుర్గిరిగహ్వరమ్ || ౨౩ ||
తే విచిత్య పునః ఖిన్నా వినిష్పత్య సమాగతాః |
ఏకాంతే వృక్షమూలే తు నిషేదుర్దీనమానసాః || ౨౪ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే అష్టచత్వారింశః సర్గః || ౪౮ ||
సంపూర్ణ వాల్మీకి రామాయణే కిష్కింధాకాండ చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.