Read in తెలుగు / ಕನ್ನಡ / தமிழ் / देवनागरी / English (IAST)
tvaṁ dēvi sarvalōkānāṁ mātā dēvāraṇiḥ śubhā |
sadasaddēvi yatkiñcinmōkṣadāyyarthavatpadam || 1 ||
tatsarvaṁ tvayi samyōgi yōgivaddēvi saṁsthitam |
akṣaraṁ paramaṁ dēvi yatra sarvaṁ pratiṣṭhitam |
akṣaraṁ paramaṁ brahma viśvaṁ caitat kṣarātmakam || 2 ||
dāruṇyavasthitō vahnirbhūmau gandhō yathā dhruvam |
tathā tvayi sthitaṁ brahma jagaccēdamaśēṣataḥ || 8 ||
ōṅkārākṣarasaṁsthānaṁ yattaddēvi sthirāsthiram |
tatra mātrātrayaṁ sarvamasti yaddēvi nāsti ca || 4 ||
trayō lōkāstrayō vēdāstraividyaṁ pāvakatrayam |
trīṇi jyōtīṁṣi vargāśca trayō dharmādayastathā || 5 ||
trayō guṇāstrayō varṇāstrayō dēvāstathā kramāt |
traidhātavastathāvasthāḥ pitaraścaivamādayaḥ || 6 ||
ētanmātrātrayaṁ dēvi tava rūpaṁ sarasvati |
vibhinnadarśanāmādyāṁ brahmaṇō hi sanātanīm || 7 ||
sōmasaṁsthā haviḥsaṁsthā pākasaṁsthā sanātanī |
tāstvaduccāraṇāddēvi kriyantē brahmavādibhiḥ || 8 ||
anirdēśyapadaṁ tvētadardhamātrāśritaṁ param |
avikāryakṣayaṁ divyaṁ pariṇāmavivarjitam || 9 ||
tavaitat paramaṁ rūpaṁ yanna śakyaṁ mayōditum |
na cāsyēna na vā jihvātālvōṣṭhādibhirucyatē || 10 ||
sa viṣṇuḥ sa vr̥ṣō brahmā candrārkajyōtirēva ca |
viśvāvāsaṁ viśvarūpaṁ viśvātmānamanīśvaram || 11 ||
sāṅkhyasiddhāntavēdōktaṁ bahuśākhāsthirīkr̥tam |
anādimadhyanidhanaṁ sadasacca sadēva tu || 12 ||
ēkaṁ tvanēkadhāpyēkabhāvavēdasamāśritam |
anākhyaṁ ṣaḍguṇākhyaṁ ca bahvākhyaṁ triguṇāśrayam || 13 ||
nānāśaktivibhāvajñaṁ nānāśaktivibhāvakam |
sukhāt sukhaṁ mahatsaukhyaṁ rūpaṁ tattvaguṇātmakam || 14 ||
ēvaṁ dēvi tvayā vyāptaṁ sakalaṁ niṣkalaṁ ca yat |
advaitāvasthitaṁ brahma yacca dvaitē vyavasthitam || 15 ||
yē:’rthā nityā yē vinaśyanti cānyē
yē:’rthāḥ sthūlā yē tathā santi sūkṣmāḥ |
yē vā bhūmau yē:’ntarikṣē:’nyatō vā
tēṣāṁ dēvi tvatta ēvōpalabdhiḥ || 16 ||
yadvā mūrtaṁ yadamūrtaṁ samastaṁ
yadvā bhūtēṣvēkamēkaṁ ca kiñcit |
yacca dvaitē vyastabhūtaṁ ca lakṣyaṁ
tatsambaddhaṁ tvatsvarairvyañjanaiśca || 17 ||
iti śrīvāmanapurāṇē dvātriṁśō:’dhyāyē mārkaṇḍēya prōktaṁ śrī sarasvatī stōtram ||
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.