Read in తెలుగు / ಕನ್ನಡ / தமிழ் / देवनागरी / English (IAST)
punaḥ saṅkalpam –
pūrvokta evaṃ guṇa viśeṣaṇa viśiṣṭāyāṃ śubhatithau vāgdevyāḥ anugraheṇa prajñāmedhābhivṛddhyarthaṃ, sakalavidyāpāraṅgatā siddhyarthaṃ, mama vidyāsambandhita sakalapratibandhaka nivṛttyarthaṃ, śrī sarasvatī devīṃ uddiśya śrī sarasvatī devatā prītyarthaṃ yāvacchakti dhyānāvāhanādi ṣoḍaśopacāra pūjāṃ kariṣye ||
dhyānam –
pustaketu yatodevī krīḍate paramārthataḥ
tatastatra prakurvīta dhyānamāvāhanādikam |
dhyānamevaṃ prakurītva sādhano vijitendriyaḥ
praṇavāsanamāruḍhāṃ tadarthatvena niścitām ||
aṅkuśaṃ cākṣa sūtraṃ ca pāśaṃ vīṇāṃ ca dhāriṇīm |
muktāhārasamāyuktaṃ modarūpāṃ manoharam ||
oṃ sarasvatyai namaḥ dhyāyāmi |
āvāhanam –
atrāgaccha jagadvandye sarvalokaikapūjite |
mayā kṛtamimāṃ pūjāṃ gṛhāṇa jagadīśvarī ||
oṃ sarasvatyai namaḥ āvāhayāmi |
āsanam –
aneka ratnasamyuktaṃ suvarṇena virājitam |
muktāmaṇiyutaṃ cāru cā’sanaṃ te dadāmyaham ||
oṃ sarasvatyai namaḥ āsanaṃ samarpayāmi |
pādyam –
gandhapuṣpākṣataiḥ sārthaṃ śuddha toyenasamyutam |
śuddhasphaṭikatulyāṅgi pādyaṃ te pratigṛhyatām ||
oṃ sarasvatyai namaḥ pādayoḥ pādyaṃ samarpayāmi |
arghyam –
bhaktābhīṣṭaprade devī devadevādivandite |
dhātṛpriye jagaddhātri dadāmyarghyaṃ gṛhāṇa me ||
oṃ sarasvatyai namaḥ hastayoḥ arghyaṃ samarpayāmi |
ācamanīyam –
pūrṇacandrasamānābhe koṭisūryasamaprabhe |
bhaktyā samarpitaṃ vāṇī gṛhāṇācamanīyakam ||
oṃ sarasvatyai namaḥ ācamanīyaṃ samarpayāmi |
madhuparkam –
kamalabhuvanajāye koṭisūryaprakāśe
viśada śucivilāse komale hārayukte |
dadhimadhughṛtayuktaṃ kṣīrarambhāphalāḍhyaṃ
surucira madhuparkaṃ gṛhyatāṃ devavandye ||
oṃ sarasvatyai namaḥ madhuparkaṃ samarpayāmi |
pañcāmṛta snānam –
dadhikṣīraghṛtopetaṃ śarkarā madhusamyutaṃ
pañcāmṛtasnānamidaṃ svīkuruṣva maheśvari ||
oṃ sarasvatyai namaḥ pañcāmṛtasnānaṃ samarpayāmi |
śuddhodaka snānam –
śuddhodakena susnānaṃ kartavyaṃ vidhipūrvakam |
suvarṇakalaśānītaiḥ nānāgandha suvāsitaiḥ ||
oṃ sarasvatyai namaḥ śuddhodakasnānaṃ samarpayāmi |
vastrayugmam –
śuklavastradvayaṃ devī komalaṃ kuṭilālake |
mayi prītyā tvayā vāṇi brahmāṇi pratigṛhyatām ||
oṃ sarasvatyai namaḥ vastrayugmaṃ samarpayāmi |
yajñopavītam –
śabdabrahmātmike devī śabdaśāstrakṛtālaye |
brahmasūtraṃ gṛhāṇa tvaṃ brahmaśakrādipūjite ||
oṃ sarasvatyai namaḥ yajñopavītaṃ samarpayāmi |
ābharaṇāni –
kaṭakamakuṭahāraiḥ nūpuraiḥ aṅgadāṇyaiḥ
vividhasumaṇiyuktaiḥ mekhalā ratnahāraiḥ |
kamaladalavilase kāmade saṅgṛhīṣva
prakaṭita karuṇārdre bhūṣiteḥ bhūṣaṇāni ||
oṃ sarasvatyai namaḥ ābharaṇāni samarpayāmi |
gandham –
candanāgaru kastūrī karpūrādyaiśca samyutam |
gandhaṃ gṛhāṇa tvaṃ devi vidhipatni namo’stu te ||
oṃ sarasvatyai namaḥ gandhaṃ samarpayāmi |
akṣatān –
haridrākuṅkumopetān akṣatān śālisambhavān |
mayā dattānanekāṃśca svīkuruṣva maheśvari ||
oṃ sarasvatyai namaḥ akṣatān samarpayāmi |
puṣpāṇi –
mandārādi supuṣpaiśca mallikābhirmanoharaiḥ
karavīraiḥ manoramyaiḥ vakulaiḥ ketakaiḥ śubhaiḥ |
punnāgairjātikusumaiḥ mandāraiśca suśobhitaiḥ
kalpitāni ca mālyāni gṛhāṇā’maravandite ||
oṃ sarasvatyai namaḥ puṣpaiḥ pūjayāmi |
atha aṅgapūjā –
oṃ brahmaṇyai namaḥ – pādau pūjayāmi |
oṃ bhāratyai namaḥ – gulphau pūjayāmi |
oṃ jagatsvarūpiṇyai namaḥ – jaṅghau pūjayāmi |
oṃ jagadādyāyai namaḥ – jānūnī pūjayāmi |
oṃ cāruvilāsinyai namaḥ – ūrū pūjayāmi |
oṃ kamalabhūmaye namaḥ – kaṭiṃ pūjayāmi |
oṃ janmahīnāyai namaḥ – jaghanaṃ pūjayāmi |
oṃ gambhīranābhaye namaḥ – nābhiṃ pūjayāmi |
oṃ haripūjyāyai namaḥ – udaraṃ pūjayāmi |
oṃ lokamātre namaḥ – stanau pūjayāmi |
oṃ viśālavakṣase namaḥ – vakṣasthalaṃ pūjayāmi |
oṃ gānavicakṣaṇāyai namaḥ – kaṇṭhaṃ pūjayāmi |
oṃ skandaprapūjyāyai namaḥ – skandān pūjayāmi |
oṃ ghanabāhave namaḥ – bāhūn pūjayāmi |
oṃ pustakadhāriṇyai namaḥ – hastān pūjayāmi |
oṃ śrotriyabandhave namaḥ – śrotre pūjayāmi |
oṃ vedasvarūpāyai namaḥ – vaktraṃ pūjayāmi |
oṃ sunāsinyai namaḥ – nāsikāṃ pūjayāmi |
oṃ bimbasamānoṣṭhyai namaḥ – oṣṭhau pūjayāmi |
oṃ kamalacakṣuṣe namaḥ – netre pūjayāmi |
oṃ tilakadhāriṇyai namaḥ – phālaṃ pūjayāmi |
oṃ candramūrtaye namaḥ – cikuraṃ pūjayāmi |
oṃ sarvapradāyai namaḥ – mukhaṃ pūjayāmi |
oṃ śrī sarasvatyai namaḥ – śiraḥ pūjayāmi |
oṃ brahmarūpiṇyai namaḥ – sarvāṇyāṅgāni pūjayāmi |
aṣṭottaraśatanāma pūjā –
śrī sarasvatī aṣṭottaraśatanāmāvalī paśyatu ||
oṃ sarasvatyai namaḥ nānāvidha parimala puṣpāṇi samarpayāmi |
dhūpam –
daśāṅgaṃ guggulopetaṃ sugandhaṃ ca manoharam |
dhūpaṃ gṛhāṇa kalyāṇi varade pratigṛhyatām ||
oṃ sarasvatyai namaḥ dhūpamāghrāpayāmi |
dīpam –
ghṛtatrivartisamyuktaṃ dīpitaṃ dīpamambike |
gṛhāṇa citsvarūpe tvaṃ kamalāsanavallabhe ||
oṃ sarasvatyai namaḥ dīpaṃ darśayāmi |
dhūpadīpānantaraṃ śuddha ācamanīyaṃ samarpayāmi |
naivedyam –
apūpān vividhān svādūn śālipiṣṭopapācitān
mṛdulān guḍasammiśrān sajjīraka marīcikān |
kadalī panasā’mrāṇi ca pakvāni suphalāni ca
kandamūla vyañjanāni sopadaṃśaṃ manoharam |
annaṃ caturvidhopetaṃ kṣīrānnaṃ ca ghṛtaṃ dadhi |
bhakṣabhojyasamāyukta naivedyaṃ pratigṛhyatām ||
oṃ sarasvatyai namaḥ naivedyaṃ samarpayāmi |
oṃ bhūrbhuva̱ssuva̍: | tatsa̍vi̱turvare̎ṇya̱ṃ bhargo̍ de̱vasya̍ dhīmahi |
dhiyo̱ yo na̍: praco̱dayā̎t ||
satyaṃ tvā ṛtena pariṣiñcāmi |
(sāyaṅkāle – ṛtaṃ tvā satyena pariṣiñcāmi)
amṛtamastu | a̱mṛ̱to̱pa̱stara̍ṇamasi |
oṃ prā̱ṇāya̱ svāhā̎ | oṃ a̱pā̱nāya̱ svāhā̎ |
oṃ vyā̱nāya̱ svāhā̎ | oṃ u̱dā̱nāya̱ svāhā̎ |
oṃ sa̱mā̱nāya̱ svāhā̎ |
madhye madhye pānīyaṃ samarpayāmi |
a̱mṛ̱tā̱pi̱dhā̱nama̍si | uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi |
oṃ sarasvatyai namaḥ naivedyaṃ samarpayāmi |
tāmbūlam –
tāmbūlaṃ ca sakarpūraṃ pūganāgadalairyutam |
gṛhāṇa devadeveśi tattvarūpī namo’stu te ||
oṃ sarasvatyai namaḥ tāmbūlaṃ samarpayāmi |
nīrājanam –
nīrājanaṃ gṛhāṇa tvaṃ jagadānandadāyini |
jagattimiramārtāṇḍamaṇḍale te namo namaḥ ||
oṃ sarasvatyai namaḥ nīrājanaṃ samarpayāmi |
mantrapuṣpam –
(ṛgvedaṃ 6|61|4)
pra ṇo̍ de̱vī sara̍svatī̱ vāje̍bhirvā̱jinī̍vatī |
dhī̱nāma̍vi̱trya̍vatu ||
yastvā̍ devi sarasvatyupabrū̱te dhane̍ hi̱te |
indra̱ṃ na vṛ̍tra̱tūrye̍ ||
tvaṃ de̍vi sarasva̱tyavā̱ vāje̍ṣu vājini |
radā̍ pū̱ṣeva̍ naḥ sa̱nim ||
u̱ta syā na̱: sara̍svatī gho̱rā hira̍ṇyavartaniḥ |
vṛ̱tra̱ghnī va̍ṣṭi suṣṭu̱tim ||
yā kundendu tuṣārahāradhavalā yā śubhravastrāvṛtā
yā vīṇāvaradaṇḍamaṇḍitakarā yā śvetapadmāsanā |
yā brahmācyutaśaṅkaraprabhṛtibhirdevaissadā pūjitā
sā māṃ pātu sarasvatī bhagavatī niśśeṣajāḍyāpahā ||
śārade lokamātastvamāśritābhīṣṭadāyini |
puṣpāñjaliṃ gṛhāṇa tvaṃ mayā bhaktyā samarpitam ||
oṃ sarasvatyai namaḥ suvarṇadivya mantrapuṣpaṃ samarpayāmi |
pradakṣiṇa –
pāśāṅkuśadharā vāṇī vīṇāpustakadhāriṇī
mama vaktre vasennityaṃ dugdhakundendunirmalā |
caturdaśa suvidyāsu ramate yā sarasvatī
caturdaśeṣu lokeṣu sā me vāci vasecciram ||
pāhi pāhi jagadvandye namaste bhaktavatsale
namastubhyaṃ namastubhyaṃ namastubhyaṃ namo namaḥ ||
oṃ sarasvatyai namaḥ pradakṣiṇa namaskārān samarpayāmi |
kṣamāprārthanā –
yasya smṛtyā ca nāmoktyā tapaḥ pūjākriyādiṣu |
nyūnaṃ sampūrṇatāṃ yāti sadyovande tamacyutam ||
aparādha sahasrāṇi kriyante’harniśaṃ mayā |
dāso’yamiti māṃ matvā kṣamasva parameśvarī ||
mantrahīnaṃ kriyāhīnaṃ bhaktihīnaṃ maheśvari |
yatpūjitaṃ mayā devī paripūrṇaṃ tadastute ||
samarpaṇam –
anayā dhyānāvāhanādi ṣoḍaśopacāra pūjayā bhagavatī sarvātmikā śrī sarasvatī devatā suprītā suprasannā varadā bhavatu | mama iṣṭakāmyārtha siddhirastuḥ ||
tīrthaprasāda grahaṇam –
akālamṛtyaharaṇaṃ sarvavyādhinivāraṇam |
samastapāpakṣayakaraṃ śrī sarasvatī devī pādodakaṃ pāvanaṃ śubham ||
oṃ śrī sarasvatī devyai namaḥ prasādaṃ śīrasā gṛhṇāmi |
oṃ śāntiḥ śāntiḥ śāntiḥ ||
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.