Read in తెలుగు / ಕನ್ನಡ / தமிழ் / देवनागरी / English (IAST)
magnē mērau patati tapanē tōyabindāvivēndau
antarlīnē jaladhisalilē vyākulē dēvalōkē |
mātsyaṁ rūpaṁ mukhapuṭataṭākr̥ṣṭanirmuktavārdhi
śrīkāntasya sthalajalagataṁ vētyalakṣyaṁ punātu || 1 ||
viyatpucchātucchōcchalitajalagarbhaṁ nidhirapāṁ
apāṁ nāthaḥ pāthaḥ pr̥thulalavadusthō viyadabhūt |
nidhirbhāsāmaurvō dinapatirabhūdaurvadahanaḥ
calatkāyē yasmin sa jayati harirmīnavapuṣā || 2 ||
jīyāsuḥ śakulākr̥tērbhagavataḥ pucchacchaṭācchōṭanāt
udyantaḥ śatacandritāmbaratalaṁ tē bindavaḥ saindhavāḥ |
yairvyāvr̥tya patadbhiraurvaśikhinastējōjaṭālaṁ vapuḥ
pānādhmānavaśādarōcakarujāṁ cakrē cirāyāspadam || 3 ||
diśyādvaḥ śakulākr̥tiḥ sa bhagavānnaiḥśrēyasīṁ sampadaṁ
yasya sphūrjadatucchapucchaśikharaprēṅkhōlanakrīḍanaiḥ |
viṣvagvārdhisamucchalajjalabharairmandākinīsaṅgataiḥ
gaṅgāsāgarasaṅgamapraṇayinī jātā vihāyaḥsthalī || 4 ||
māyāmīnatanōstanōtu bhavatāṁ puṇyāni paṅkasthitiḥ
pucchācchōṭasamucchalajjalaguruprāgbhārariktōdadhēḥ |
pātālāvaṭamadhyasaṅkaṭatayā paryāptakaṣṭasthitēḥ
vēdōddhāraparāyaṇasya satataṁ nārāyaṇasya prabhōḥ || 5 ||
jr̥mbhāvistr̥tavaktrapaṅkajavidhērhr̥tvā śrutīḥ sāgarē
līnaṁ trastasamastanakranikaraṁ śaṅkhaṁ jaghānājirē |
pucchōtkṣiptajalōtkaraiḥ pratidiśaṁ santarpya yō vai dharāṁ
pāyādvaḥ sa mr̥ṇālakōmalatanurmīnābhidhānō hariḥ || 6 ||
haṁhō mīnatanō harē kimudadhē kiṁ vēpasē śaityataḥ
svinnaḥ kiṁ vaḍavānalātpulakitaḥ kasmāt svabhāvādaham |
itthaṁ sāgarakanyakāmukhaśaśivyālōkanēnādhika-
-prōdyatkāmajacihnanihnutiparaḥ śauriḥ śivāyāstu vaḥ || 7 ||
pucchaṁ cēdahamunnayāmyanavadhistucchō bhavēdambudhiḥ
krīḍāṁ cētkalayē manāgapi jalē pīḍā paraṁ yādasām |
nispandō bhr̥śamāmr̥śanniti bharabrahmāṇḍabhāṇḍakṣaya-
-kṣōbhākuñcitavēṣa ēṣa bhagavān prīṇātu mīnākr̥tiḥ || 8 ||
candrādityōrunētraḥ kamalabhavabhavasphārapr̥ṣṭhapratiṣṭhō
bhāsvatkālāgnijihnaḥ pr̥thulagalaguhādr̥ṣṭaniḥśēṣaviśvaḥ |
adbhiḥ pucchōtthitābhiścakitasuravadhūnētrasaṁsūcitābhiḥ
matsyaśchinnābdhivēlaṁ gaganatalamalaṁ kṣālayanvaḥ punātu || 9 ||
yaṁ dr̥ṣṭvā mīnarūpaṁ sphuradanalaśikhāyuktasaṁraktanētraṁ
lōladvistīrṇakarṇakṣubhitajalanidhiṁ nīlajīmūtavarṇam |
śvāsōcchvāsānilaughaiḥ pracalitagaganaṁ pītavāriṁ murāriṁ
diṅmūḍhō:’bhūtsa śaṅkhaḥ sa bhavatu bhavatāṁ bhūtayē mīnarūpaḥ || 10 ||
diṅmūḍhaṁ taṁ surāriṁ kila śitadaśanaiḥ pīḍyamānaṁ raṭantaṁ
hr̥tvā tīrē payōdhēḥ karatalakalitaṁ pūrayāmāsa śaṅkham |
nādēnākṣōbhya viśvaṁ pramuditavibudhaṁ trastadaityaṁ sa dēvaiḥ
dattārghaḥ padmayōnēḥ prahasitavadanaḥ pātu vō dattavēdaḥ || 11 ||
iti śrī matsya stutiḥ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.