Sri Hanuman Tandav Stotram – ஶ்ரீ ஹநுமத் தாண்ட³வ ஸ்தோத்ரம்

Read in తెలుగు / ಕನ್ನಡ / தமிழ் / देवनागरी / English (IAST)

வந்தே³ ஸிந்தூ³ரவர்ணாப⁴ம் லோஹிதாம்ப³ரபூ⁴ஷிதம் ।
ரக்தாங்க³ராக³ஶோபா⁴ட்⁴யம் ஶோணபுச்ச²ம் கபீஶ்வரம் ॥

ப⁴ஜே ஸமீரநந்த³நம் ஸுப⁴க்தசித்தரஞ்ஜநம்
தி³நேஶரூபப⁴க்ஷகம் ஸமஸ்தப⁴க்தரக்ஷகம் ।
ஸுகண்ட²கார்யஸாத⁴கம் விபக்ஷபக்ஷபா³த⁴கம்
ஸமுத்³ரபாரகா³மிநம் நமாமி ஸித்³த⁴காமிநம் ॥ 1 ॥

ஸுஶங்கிதம் ஸுகண்ட²முக்தவாந் ஹி யோ ஹிதம் வச-
-ஸ்த்வமாஶு தை⁴ர்யமாஶ்ரயாத்ர வோ ப⁴யம் கதா³பி ந ।
இதி ப்லவங்க³நாத²பா⁴ஷிதம் நிஶம்ய வாநரா-
-(அ)தி⁴நாத² ஆப ஶம் ததா³ ஸ ராமதூ³த ஆஶ்ரய꞉ ॥ 2 ॥

ஸுதீ³ர்க⁴பா³ஹுலோசநேந புச்ச²கு³ச்ச²ஶோபி⁴நா
பு⁴ஜத்³வயேந ஸோத³ரௌ நிஜாம்ஸயுக்³மமாஸ்தி²தௌ ।
க்ருதௌ ஹி கோஸலாதி⁴பௌ கபீஶராஜஸந்நிதௌ⁴
விதே³ஹஜேஶலக்ஷ்மணௌ ஸ மே ஶிவம் கரோத்வரம் ॥ 3 ॥

ஸுஶப்³த³ஶாஸ்த்ரபாரக³ம் விளோக்ய ராமசந்த்³ரமா꞉
கபீஶநாத²ஸேவகம் ஸமஸ்தநீதிமார்க³க³ம் ।
ப்ரஶஸ்ய லக்ஷ்மணம் ப்ரதி ப்ரளம்ப³பா³ஹுபூ⁴ஷித꞉
கபீந்த்³ரஸக்²யமாகரோத் ஸ்வகார்யஸாத⁴க꞉ ப்ரபு⁴꞉ ॥ 4 ॥

ப்ரசண்ட³வேக³தா⁴ரிணம் நகே³ந்த்³ரக³ர்வஹாரிணம்
ப²ணீஶமாத்ருக³ர்வஹ்ருத்³த³ஶாஸ்யவாஸநாஶக்ருத் ।
விபீ⁴ஷணேந ஸக்²யக்ருத்³விதே³ஹஜாதிதாபஹ்ருத்
ஸுகண்ட²கார்யஸாத⁴கம் நமாமி யாதுகா⁴துகம் ॥ 5 ॥

நமாமி புஷ்பமாலிநம் ஸுவர்ணவர்ணதா⁴ரிணம்
க³தா³யுதே⁴ந பூ⁴ஷிதம் கிரீடகுண்ட³லாந்விதம் ।
ஸுபுச்ச²கு³ச்ச²துச்ச²லங்கதா³ஹகம் ஸுநாயகம்
விபக்ஷபக்ஷராக்ஷஸேந்த்³ரஸர்வவம்ஶநாஶகம் ॥ 6 ॥

ரகூ⁴த்தமஸ்ய ஸேவகம் நமாமி லக்ஷ்மணப்ரியம்
தி³நேஶவம்ஶபூ⁴ஷணஸ்ய முத்³ரிகாப்ரத³ர்ஶகம் ।
விதே³ஹஜாதிஶோகதாபஹாரிணம் ப்ரஹாரிணம்
ஸுஸூக்ஷ்மரூபதா⁴ரிணம் நமாமி தீ³ர்க⁴ரூபிணம் ॥ 7 ॥

நப⁴ஸ்வதா³த்மஜேந பா⁴ஸ்வதா த்வயா க்ருதாமஹாஸஹா-
-யதா யயா த்³வயோர்ஹிதம் ஹ்யபூ⁴த் ஸ்வக்ருத்யத꞉ ।
ஸுகண்ட² ஆப தாரகாம் ரகூ⁴த்தமோ விதே³ஹஜாம்
நிபாத்ய வாலிநம் ப்ரபு⁴ஸ்ததோ த³ஶாநநம் க²லம் ॥ 8 ॥

இமம் ஸ்தவம் குஜே(அ)ஹ்நி ய꞉ படே²த் ஸுசேதஸா நர꞉
கபீஶநாத²ஸேவகோ பு⁴நக்தி ஸர்வஸம்பத³꞉ ।
ப்லவங்க³ராஜஸத்க்ருபாகடாக்ஷபா⁴ஜந꞉ ஸதா³
ந ஶத்ருதோ ப⁴யம் ப⁴வேத்கதா³பி தஸ்ய நுஸ்த்விஹ ॥ 9 ॥

நேத்ராங்க³நந்த³த⁴ரணீவத்ஸரே(அ)நங்க³வாஸரே ।
லோகேஶ்வராக்²யப⁴ட்டேந ஹநுமத்தாண்ட³வம் க்ருதம் ॥ 10 ॥

இதி ஶ்ரீ ஹநுமத் தாண்ட³வ ஸ்தோத்ரம் ॥

Did you see any mistake/variation in the content above? Click here to report mistakes and corrections in Stotranidhi content.