Read in తెలుగు / ಕನ್ನಡ / தமிழ் / देवनागरी / English (IAST)
దేవా ఊచుః |
నతాః స్మ విష్ణుం జగదాదిభూతం
సురాసురేంద్రం జగతాం ప్రపాలకమ్ |
యన్నాభిపద్మాత్ కిల పద్మయోని-
-ర్బభూవ తం వై శరణం గతాః స్మః || ౧ ||
నమో నమో మత్స్యవపుర్ధరాయ
నమోఽస్తు తే కచ్ఛపరూపధారిణే |
నమః ప్రకుర్మశ్చ నృసింహరూపిణే
తథా పునర్వామనరూపిణే నమః || ౨ ||
నమోఽస్తు తే క్షత్రవినాశనాయ
రామాయ రామాయ దశాస్యనాశినే |
ప్రలంబహంత్రే శితివాససే నమో
నమోఽస్తు బుద్ధాయ చ దైత్యమోహినే || ౩ ||
మ్లేచ్ఛాంతకాయాపి చ కల్కినామ్నే
నమః పునః క్రోడవపుర్ధరాయ |
జగద్ధితార్థం చ యుగే యుగే భవాన్
బిభర్తి రూపం త్వసురాభవాయ || ౪ ||
నిషూదితోఽయం హ్యధునా కిల త్వయా
దైత్యో హిరణ్యాక్ష ఇతి ప్రగల్భః |
యశ్చేంద్రముఖ్యాన్ కిల లోకపాలాన్
సంహేలయా చైవ తిరశ్చకార || ౫ ||
స వై త్వయా దేవహితార్థమేవ
నిపాతితో దేవవర ప్రసీద |
త్వమస్య విశ్వస్య విసర్గకర్తా
బ్రాహ్మేణ రూపేణ చ దేవదేవ || ౬ ||
పాతా త్వమేవాస్య యుగే యుగే చ
రూపాణి ధత్సే సుమనోహరాణి |
త్వమేవ కాలాగ్నిహరశ్చ భూత్వా
విశ్వం క్షయం నేష్యసి చాంతకాలే || ౭ ||
అతో భవానేవ చ విశ్వకారణం
న తే పరం జీవమజీవమేవ చ |
యత్కించ భూతం చ భవిష్యరూపం
ప్రవర్తమానం చ తథైవ రూపమ్ || ౮ ||
సర్వం త్వమేవాసి చరాచరాఖ్యం
న భాతి విశ్వం త్వదృతే చ కించిత్ |
అస్తీతి నాస్తీతి చ భేదనిష్ఠం
త్వయ్యేవ భాతం సదసత్స్వరూపమ్ || ౯ ||
తతో భవంతం కతమోఽపి దేవ
న జ్ఞాతుమర్హత్యవిపక్వబుద్ధిః |
కృతే భవత్పాదపరాయణం జనం
తేనాగతాః స్మః శరణం శరణ్యమ్ || ౧౦ ||
వ్యాస ఉవాచ |
తతో విష్ణుః ప్రసన్నాత్మా ఉవాచ త్రిదివౌకసః |
తుష్టోఽస్మి దేవా భద్రం వో యుష్మత్ స్తోత్రేణ సాంప్రతమ్ || ౧౧ ||
య ఇదం ప్రపఠేద్భక్త్యా విజయస్తోత్రమాదరాత్ |
న తస్య దుర్లభం దేవాస్త్రిషు లోకేషు కించన || ౧౨ ||
గవాం శతసహస్రస్య సమ్యగ్దత్తస్య యత్ఫలమ్ |
తత్ఫలం సమవాప్నోతి కీర్తనశ్రవణాన్నరః || ౧౩ ||
సర్వకామప్రదం నిత్యం దేవదేవస్య కీర్తనమ్ |
అతః పరం మహాజ్ఞానం న భూతం న భవిష్యతి || ౧౪ ||
ఇతి పద్మపురాణోక్తం శ్రీ విష్ణు విజయ స్తోత్రమ్ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.