Read in తెలుగు / ಕನ್ನಡ / தமிழ் / देवनागरी / English (IAST)
దేవా ఊచుః |
హృషీకేశ మహాబాహో భగవన్ మధుసూదన |
నమస్తే దేవదేవేశ సర్వదైత్యవినాశక || ౧ ||
మత్స్యరూపాయ తే విష్ణో వేదాన్నీతవతే నమః |
సత్యవ్రతేన సద్రాజ్ఞా ప్రలయాబ్ధివిహారిణే || ౨ ||
కుర్వాణానాం సురాణాం చ మంథనాయోద్యమం భృశమ్ |
బిభ్రతే మందరగిరిం కూర్మరూపాయ తే నమః || ౩ ||
నమస్తే భగవన్నాథ క్రతవే సూకరాత్మనే |
వసుంధరాం జనాధారాం మూర్ధతో బిభ్రతే నమః || ౪ ||
వామనాయ నమస్తుభ్యముపేంద్రాఖ్యాయ విష్ణవే |
విప్రరూపేణ దైత్యేంద్రం బలిం ఛలయతే విభో || ౫ ||
నమః పరశురామాయ క్షత్రనిఃక్షత్రకారిణే |
మాతుర్హితకృతే తుభ్యం కుపితాయాసతాం ద్రుహే || ౬ ||
రామాయ లోకరామాయ మర్యాదాపురుషాయ తే |
రావణాంతకరాయాశు సీతాయాః పతయే నమః || ౭ ||
నమస్తే జ్ఞానగూఢాయ కృష్ణాయ పరమాత్మనే |
రాధావిహారశీలాయ నానాలీలాకరాయ చ || ౮ ||
నమస్తే గూఢదేహాయ వేదనిందాకరాయ చ |
యోగాచార్యాయ జైనాయ బౌద్ధరూపాయ మాపతే || ౯ ||
నమస్తే కల్కిరూపాయ మ్లేచ్ఛానామంతకారిణే |
అనంతశక్తిరూపాయ సద్ధర్మస్థాపనాయ చ || ౧౦ ||
నమస్తే కపిలరూపాయ దేవహూత్యై మహాత్మనే |
వదతే సాంఖ్యయోగం చ సాంఖ్యాచార్యాయ వై ప్రభో || ౧౧ ||
నమః పరమహంసాయ జ్ఞానం సంవదతే పరమ్ |
విధాత్రే జ్ఞానరూపాయ యేనాత్మా సంప్రసీదతి || ౧౨ ||
వేదవ్యాసాయ వేదానాం విభాగం కుర్వతే నమః |
హితాయ సర్వలోకానాం పురాణరచనాయ చ || ౧౩ ||
ఏవం మత్స్యాదితనుభిర్భక్తకార్యోద్యతాయ తే |
సర్గస్థితిధ్వంసకర్త్రే నమస్తే బ్రహ్మణే ప్రభో || ౧౪ ||
ఆర్తిహంత్రే స్వదాసానాం సుఖదాయ శుభాయ చ |
పీతాంబరాయ హరయే తార్క్ష్యయానాయ తే నమః |
సర్వక్రియాయైకకర్త్రే శరణ్యాయ నమో నమః || ౧౫ ||
దైత్యసంతాపితామర్త్యదుఃఖాదిధ్వంసవజ్రక |
శేషతల్పశయాయార్కచంద్రనేత్రాయ తే నమః || ౧౬ ||
కృపాసింధో రమానాథ పాహి నః శరణాగతాన్ |
జలంధరేణ దేవాశ్చ స్వర్గాత్ సర్వే నిరాకృతాః || ౧౭ ||
సూర్యో నిస్సారితః స్థానాచ్చంద్రో వహ్నిస్తథైవ చ |
పాతాలాన్నాగరాజశ్చ ధర్మరాజో నిరాకృతః || ౧౮ ||
విచరంతి యథా మర్త్యాః శోభంతే నైవ తే సురాః |
శరణం తే వయం ప్రాప్తా వధస్తస్య విచింత్యతామ్ || ౧౯ ||
ఇతి శ్రీశివపురాణే రుద్రసంహితాయాం యుద్ధఖండే షోడశోఽధ్యాయే సర్వదేవ కృత శ్రీ విష్ణు స్తోత్రమ్ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.