Read in తెలుగు / ಕನ್ನಡ / தமிழ் / देवनागरी / English (IAST)
బ్రహ్మర్షయ ఊచుః |
నమస్తే దేవదేవానామాదిభూత సనాతన |
పురుషాయ పురాణాయ నమస్తే పరమాత్మనే || ౧ ||
జరామరణరోగాదివిహీనాయామలాత్మనే |
బ్రహ్మణాం పతయే తుభ్యం జగతాం పతయే నమః || ౨ ||
లోకాలోకస్వరూపాయ లోకానాం పతయే నమః |
శంఖచక్రగదాపద్మపాణయే విష్ణవే నమః || ౩ ||
నమో హిరణ్యగర్భాయ శ్రీపతే భూపతే నమః |
నమః స్వయంభువే తుభ్యం సూత్రాత్మాదిస్వరూపిణే || ౪ ||
విరాట్ ప్రజాపతేః సాక్షాజ్జనకాయ నమో నమః |
విశ్వతైజసరూపాయ ప్రాజ్ఞరూపాయ తే నమః || ౫ ||
జాగ్రత్స్వప్నస్వరూపాయ నమః సుప్త్యాత్మనే నమః |
అవస్థాసాక్షిణే తుభ్యమవస్థావర్జితాచ్యుత || ౬ ||
తురీయాయ విశుద్ధాయ తుర్యాతీతాయ తే నమః |
ప్రథమాయ సమస్తస్య జగతః పరమాత్మనే || ౭ ||
ఓంకారైకస్వరూపాయ శివాయ శివద ప్రభో |
సర్వవిజ్ఞానసంపన్న నమో విజ్ఞానదాయినే || ౮ ||
జగతాం యోనయే తుభ్యం వేధసే విశ్వరూపిణే |
నిత్యశుద్ధాయ బుద్ధాయ ముక్తాయ సుఖరూపిణే || ౯ ||
నమో వాచామతీతాయ మనోఽగమ్యాయ తే నమః |
అప్రమేయాయ శాంతాయ స్వయంభానాయ సాక్షిణే || ౧౦ ||
నమః పుంసే పురాణాయ శ్రేయఃప్రాప్త్యేకహేతవే |
ఆకాశాదిప్రపంచాయ నమస్తద్రూప శంకర || ౧౧ ||
మాయారూపాయ మాయాయాః సత్తాహేతో జనార్దన |
నమః ప్రద్యుమ్నరూపాయ నమః సంకర్షణాత్మనే || ౧౨ ||
నమోఽనిరుద్ధరూపాయ వాసుదేవాయ తే నమః |
యోగాయ యోగగమ్యాయ యోగినామిష్టసిద్ధిద || ౧౩ ||
నమస్తే మత్స్యరూపాయ నమస్తే కూర్మరూపిణే |
నమస్తుభ్యం వరాహాయ నారసింహాయ తే నమః || ౧౪ ||
నమో వామనరూపాయ నమో రామత్రయాత్మనే |
నమః కృష్ణాయ సర్వజ్ఞ నమస్తే కల్కిరూపిణే || ౧౫ ||
కర్మిణాం ఫలరూపాయ కర్మరూపాయ తే నమః |
కర్మకర్త్రే నమస్తుభ్యం నమస్తే కర్మసాక్షిణే || ౧౬ ||
నమో విజ్ఞప్తిరూపాయ నమో వేదాంతరూపిణే |
గుణత్రయాత్మనే తుభ్యం నమో నిర్గుణరూపిణే || ౧౭ ||
అద్భుతాయామరేశాయ శివప్రాప్త్యేకహేతవే |
నమో నక్షత్రరూపాయ నమస్తే సోమరూపిణే || ౧౮ ||
నమః సూర్యాత్మనే తుభ్యం నమో వజ్రధరాయ తే |
నమస్తే పద్మనాభాయ నమస్తే శార్ఙ్గపాణయే || ౧౯ ||
నమస్తుభ్యం విశాలాక్ష నమః శ్రీధర నాయక |
నమః సంసారతప్తానాం తాపనాశైకహేతవే || ౨౦ ||
శ్రౌతస్మార్తైకనిష్ఠానామచిరాదేవ ముక్తిద |
అన్యేషామపి సర్వేషాం సంసారైకప్రదావ్యయ || ౨౧ ||
నమోఽసురవిమర్దాయ నమో విద్యాధరార్చిత |
క్షీరోదశాయినే తుభ్యం నమో వైకుంఠవాసినే |
నమో రాగాభిభూతానాం వైరాగ్యప్లవదాయినే || ౨౨ ||
ఇతి సూతసంహితాయాం శ్రీ మహావిష్ణు స్తుతిః |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.