Read in తెలుగు / ಕನ್ನಡ / தமிழ் / देवनागरी / English (IAST)
ఓం భద్రం కర్ణేభిః శృణుయామ దేవాః | భద్రం పశ్యేమాక్షభిర్యజత్రాః | స్థిరైరంగైస్తుష్టువాగ్ం సస్తనూభిః | వ్యశేమ దేవహితం యదాయుః | స్వస్తి న ఇంద్రో వృద్ధశ్రవాః | స్వస్తి నః పూషా విశ్వవేదాః | స్వస్తి నస్తార్క్ష్యో అరిష్టనేమిః | స్వస్తి నో బృహస్పతిర్దధాతు | ఓం శాంతిః శాంతిః శాంతిః ||
– ప్రథమఖండః –
ఓం || సత్యక్షేత్రే బ్రహ్మా నారాయణం మహాసామ్రాజ్యం కిం తారకం తన్నో బ్రూహి భగవన్నిత్యుక్తః సత్యానందచిదాత్మకం సాత్త్వికం మామకం ధామోపాస్వేత్యాహ | సదా దత్తోఽహమస్మీతి ప్రత్యేతత్సంవదంతి యేన తే సంసారిణో భవంతి | నారాయణేనైవం వివక్షితో బ్రహ్మా విశ్వరూపధరం విష్ణుం నారాయణం దత్తాత్రేయం ధ్యాత్వా సద్వదతి || ౧ ||
దమితి హంసః | దామితి దీర్ఘం తద్బీజం నామ బీజస్థమ్ | దామిత్యేకాక్షరం భవతి | తదేతత్ తారకం భవతి | తదేవోపాసితవ్యం విజ్ఞేయం గర్భాదితారణమ్ | గాయత్రీ ఛందః | సదాశివ ఋషిః | దత్తాత్రేయో దేవతా | వటబీజస్థమివ దత్తబీజస్థం సర్వం జగత్ | ఏతదేవాక్షరం వ్యాఖ్యాతమ్ || ౨ ||
షడక్షరీ –
వ్యాఖ్యాస్యే షడక్షరమ్ | ఓమితి ప్రథమమ్ | శ్రీమితి ద్వితీయమ్ | హ్రీమితి తృతీయమ్ | క్లీమితి చతుర్థమ్ | గ్లౌమితి పంచమమ్ | ద్రామితి షష్ఠమ్ | షడక్షరోఽయం భవతి | సర్వసంపద్వృద్ధికరీ భవతి | యోగానుభవో భవతి | గాయత్రీ ఛందః | సదాశివ ఋషిః | దత్తాత్రేయో దేవతా | ఓం శ్రీం హ్రీం క్లీం గ్లౌం ద్రాం ఇతి షడక్షరోఽయం భవతి || ౩ ||
అష్టాక్షరీ –
ద్రమిత్యుక్త్వా ద్రామిత్యుక్త్వా వా దత్తాత్రేయాయ నమ ఇత్యష్టాక్షరః | దత్తాత్రేయాయేతి సత్యానందచిదాత్మకమ్ | నమ ఇతి పూర్ణానందకవిగ్రహమ్ | గాయత్రీ ఛందః | సదాశివ ఋషిః | దత్తాత్రేయో దేవతా | దత్తాత్రేయాయేతి కీలకమ్ | తదేవ బీజమ్ | నమః శక్తిర్భవతి || ౪ ||
ద్వాదశాక్షరీ –
ఓమితి ప్రథమమ్ | ఆమితి ద్వితీయమ్ | హ్రీమితి తృతీయమ్ | క్రోమితి చతుర్థమ్ | ఏహీతి తదేవ వదేత్ | దత్తాత్రేయేతి స్వాహేతి మంత్రరాజోఽయం ద్వాదశాక్షరః | జగతీ ఛందః | సదాశివ ఋషిః | దత్తాత్రేయో దేవతా | ఓమితి బీజమ్ | స్వాహేతి శక్తిః | సంబుద్ధిరితి కీలకమ్ | ద్రమితి హృదయే | హ్రీం క్లీమితి శీర్షే | ఏహీతి శిఖాయామ్ | దత్తేతి కవచే | ఆత్రేయేతి చక్షుషి | స్వాహేత్యస్త్రే | తన్మయో భవతి | య ఏవం వేద || ౫ ||
షోడశాక్షరీ –
షోడశాక్షరం వ్యాఖ్యాస్యే | ప్రాణం దేయమ్ | మానం దేయమ్ | చక్షుర్దేయమ్ | శ్రోత్రం దేయమ్ | షడ్దశశిరశ్ఛినత్తి | షోడశాక్షరమంత్రో న దేయో భవతి | అతిసేవాపరభక్తగుణవచ్ఛిష్యాయ వదేత్ | ఓమితి ప్రథమం భవతి | ఐమితి ద్వితీయమ్ | క్రోమితి తృతీయమ్ | క్లీమితి చతుర్థమ్ | క్లూమితి పంచమమ్ | హ్రామితి షష్ఠమ్ | హ్రీమితి సప్తమమ్ | హ్రూమిత్యష్టమమ్ | సౌరితి నవమమ్ | దత్తాత్రేయాయేతి చతుర్దశమ్ | స్వాహేతి షోడశమ్ | గాయత్రీ ఛందః | సదాశివ ఋషిః | దత్తాత్రేయో దేవతా | ఓం బీజమ్ | స్వాహా శక్తిః | చతుర్థ్యంతం కీలకమ్ | ఓమితి హృదయే | క్లాం క్లీం క్లూమితి శిఖాయామ్ | సౌరితి కవచే | చతుర్థ్యంతం చక్షుషి | స్వాహేత్యస్త్రే | యో నిత్యమధీయానః సచ్చిదానంద సుఖీ మోక్షీ భవతి | సౌరిత్యంతే శ్రీవైష్ణవ ఇత్యుచ్యతే | తజ్జాపీ విష్ణురూపీ భవతి || ౬ ||
అనుష్టుప్ –
అనుష్టుప్ ఛందో వ్యాఖ్యాస్యే | సర్వత్ర సంబుద్ధిరిమానీత్యుచ్యంతే | దత్తాత్రేయ హరే కృష్ణ ఉన్మత్తానందదాయక | దిగంబర మునే బాలపిశాచ జ్ఞానసాగర | ఇత్యుపనిషత్ | అనుష్టుప్ ఛందః | సదాశివ ఋషిః | దత్తాత్రేయో దేవతా | దత్తాత్రేయేతి హృదయే | హరే కృష్ణేతి శీర్షే | ఉన్మత్తానందేతి శిఖాయామ్ | దాయక మున ఇతి కవచే | దిగంబరేతి చక్షుషి | పిశాచ జ్ఞానసాగరేత్యస్త్రే | ఆనుష్టుభోఽయం మయాధీతః | అబ్రహ్మజన్మదోషాశ్చ ప్రణశ్యంతి | సర్వోపకారీ మోక్షీ భవతి | య ఏవం వేదేత్యుపనిషత్ || ౭ ||
|| ఇతి ప్రథమః ఖండః || ౧ ||
– ద్వితీయ ఖండః –
ఓమితి వ్యాహరేత్ | ఓం నమో భగవతే దత్తాత్రేయాయ స్మరణమాత్రసంతుష్టాయ మహాభయనివారణాయ మహాజ్ఞానప్రదాయ చిదానందాత్మనే బాలోన్మత్తపిశాచవేషాయేతి మహాయోగినేఽవధూతాయేతి అనసూయానందవర్ధనాయాత్రిపుత్రాయేతి సర్వకామఫలప్రదాయ ఓమితి వ్యాహరేత్ | భవబంధమోచనాయేతి హ్రీమితి వ్యాహరేత్ | సకలవిభూతిదాయేతి క్రోమితి వ్యాహరేత్ | సాధ్యాకర్షణాయేతి సౌరితి వ్యాహరేత్ | సర్వమనఃక్షోభణాయేతి శ్రీమితి వ్యాహరేత్ | మహోమితి వ్యాహరేత్ | చిరంజీవినే వషడితి వ్యాహరేత్ | వశీకురు వశీకురు వౌషడితి వ్యాహరేత్ | ఆకర్షయాకర్షయ హుమితి వ్యాహరేత్ | విద్వేషయ విద్వేషయ ఫడితి వ్యాహరేత్ | ఉచ్చాటయోచ్చాటయ ఠ ఠేతి వ్యాహరేత్ | స్తంభయ స్తంభయ ఖ ఖేతి వ్యాహరేత్ | మారయ మారయ నమః సంపన్నాయ నమః సంపన్నాయ స్వాహా పోషయ పోషయ పరమంత్ర పరయంత్ర పరతంత్రాంశ్ఛింధి చ్ఛింధి గ్రహాన్నివారయ నివారయ వ్యాధీన్నివారయ నివారయ దుఃఖం హరయ హరయ దారిద్ర్యం విద్రావయ విద్రావయ దేహం పోషయ పోషయ చిత్తం తోషయ తోషయేతి సర్వమంత్ర సర్వయంత్ర సర్వతంత్ర సర్వపల్లవస్వరూపాయేతి ఓం నమః శివాయేత్యుపనిషత్ ||
|| ఇతి ద్వితీయః ఖండః || ౨ ||
– తృతీయ ఖండః –
య ఏవం వేద | అనుష్టుప్ ఛందః | సదాశివ ఋషిః | దత్తాత్రేయో దేవతా | ఓమితి బీజమ్ | స్వాహేతి శక్తిః | ద్రామితి కీలకమ్ | అష్టమూర్త్యష్టమంత్రా భవంతి | యో నిత్యమధీతే వాయ్వగ్నిసోమాదిత్యబ్రహ్మవిష్ణురుద్రైః పూతో భవతి | గాయత్ర్యాః శతసహస్రం జప్తో భవతి | మహారుద్రశతసహస్రజాపీ భవతి | ప్రణవాయుతకోటిజప్తో భవతి | శతపూర్వాఞ్ఛతాపరాన్ పునాతి | స పంక్తిపావనో భవతి | బ్రహ్మహత్యాదిపాతకైర్ముక్తో భవతి | గోహత్యాదిపాతకైర్ముక్తో భవతి | తులాపురుషాదిదానైః ప్రపాపానతః పూతో భవతి | అశేషపాపాన్ముక్తో భవతి | అభక్ష్యభక్ష్యపాపైర్ముక్తో భవతి | సర్వమంత్రయోగపారీణో భవతి | స ఏవ బ్రాహ్మణో భవతి | తస్మాచ్ఛిష్యం భక్తం ప్రతిగృహ్ణీయాత్ | సోఽనంతఫలమశ్నుతే | స జీవన్ముక్తో భవతీత్యాహ భగవాన్నారాయణో బ్రహ్మాణమిత్యుపనిషత్ ||
|| ఇతి తృతీయః ఖండః || ౩ ||
ఓం భద్రం కర్ణేభిః శృణుయామ దేవాః | భద్రం పశ్యేమాక్షభిర్యజత్రాః | స్థిరైరంగైస్తుష్టువాగ్ం సస్తనూభిః | వ్యశేమ దేవహితం యదాయుః | స్వస్తి న ఇంద్రో వృద్ధశ్రవాః | స్వస్తి నః పూషా విశ్వవేదాః | స్వస్తి నస్తార్క్ష్యో అరిష్టనేమిః | స్వస్తి నో బృహస్పతిర్దధాతు | ఓం శాంతిః శాంతిః శాంతిః ||
ఇతి శ్రీ దత్తాత్రేయోపనిషత్ ||
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.