Read in తెలుగు / ಕನ್ನಡ / தமிழ் / देवनागरी / English (IAST)
(తై.బ్రా.౨-౬-౫-౧)
మి॒త్రో॑ఽసి॒ వరు॑ణోఽసి | సమ॒హం విశ్వై”ర్దే॒వైః | క్ష॒త్రస్య॒ నాభి॑రసి | క్ష॒త్రస్య॒ యోని॑రసి | స్యో॒నామాసీ॑ద | సు॒షదా॒మాసీ॑ద | మా త్వా॑ హిగ్ంసీత్ | మా మా॑ హిగ్ంసీత్ | నిష॑సాద ధృ॒తవ్ర॑తో॒ వరు॑ణః | ప॒స్త్యా”స్వా సామ్రా”జ్యాయ సు॒క్రతు॑: |
// మిత్రః, అసి, వరుణః, అసి, సమహం, విశ్వైః, దేవైః, క్షత్రస్య, న, అభిః, అసి, క్షత్రస్య, యోనిః, అసి, స్యోనా, మా, ఆసీద, సుషదా, మా, ఆసీద, మా, త్వా, హింసీత్, నిషసాద, ధృతవ్రతః, వరుణః, పస్త్యాసు, ఆ, సామ్రాజ్యాయ, సుక్రతుః //
దే॒వస్య॑ త్వా సవి॒తుః ప్ర॑స॒వే | అ॒శ్వినో”ర్బా॒హుభ్యా”మ్ | పూ॒ష్ణో హస్తా”భ్యామ్ | అ॒శ్వినో॒ర్భైష॑జ్యేన | తేజ॑సే బ్రహ్మవర్చ॒సాయా॒భిషి॑ఞ్చామి |
// దేవస్య, త్వా, సవితుః, ప్రసవే, అశ్వినః, బాహు-భ్యాం, పూష్ణః, హస్తా-భ్యాం, అశ్వినః, భైషజ్యేన, తేజసే, బ్రహ్మవర్చసాయ, అభిషిఞ్చామి //
దే॒వస్య॑ త్వా సవి॒తుః ప్ర॑స॒వే | అ॒శ్వినో”ర్బా॒హుభ్యా”మ్ | పూ॒ష్ణో హస్తా”భ్యామ్ | సర॑స్వత్యై॒ భైష॑జ్యేన | వీ॒ర్యా॑యా॒న్నాద్యా॑యా॒భిషి॑ఞ్చామి |
// దేవస్య, త్వా, సవితుః, ప్రసవే, అశ్వినః, బాహు-భ్యాం, పూష్ణః, హస్తా-భ్యాం, సరస్వత్యై, భైషజ్యేన, వీర్యాయ, అన్నాద్యాయ, అభిషిఞ్చామి //
దే॒వస్య॑ త్వా సవి॒తుః ప్ర॑స॒వే | అ॒శ్వినో”ర్బా॒హుభ్యా”మ్ | పూ॒ష్ణో హస్తా”భ్యామ్ | ఇన్ద్ర॑స్యేన్ద్రి॒యేణ॑ | శ్రి॒యై యశ॑సే॒ బలా॑యా॒భిషి॑ఞ్చామి ||
// దేవస్య, త్వా, సవితుః, ప్రసవే, అశ్వినః, బాహు-భ్యాం, పూష్ణః, హస్తా-భ్యాం, ఇన్ద్రస్య, ఇన్ద్రియేణ, శ్రియై, యశసే, బలాయ, అభిషిఞ్చామి //
(తై.సం.౧-౭-౧౦-౪౧)
అ॒ర్య॒మణ॒o బృహ॒స్పతి॒మిన్ద్ర॒o దానా॑య చోదయ | వాచ॒o విష్ణు॒గ్॒o సర॑స్వతీగ్ం సవి॒తార॑o చ వా॒జిన”మ్ | సోమ॒గ్॒o రాజా॑న॒o వరు॑ణమ॒గ్నిమ॒న్వార॑భామహే | ఆ॒ది॒త్యాన్ విష్ణు॒గ్॒o సూర్య॑o బ్ర॒హ్మాణ॑o చ॒ బృహ॒స్పతి”మ్ | దే॒వస్య॑ త్వా సవి॒తుః ప్ర॑స॒వే”ఽశ్వినో”ర్బా॒హుభ్యా”o పూ॒ష్ణో హస్తా”భ్యా॒గ్॒o సర॑స్వత్యై వా॒చోయ॒న్తుర్య॒న్త్రేణా॒గ్నేస్త్వా॒ సామ్రా”జ్యేనా॒భిషి॑ఞ్చా॒మీన్ద్ర॑స్య బృహ॒స్పతే”స్త్వా॒ సామ్రా”జ్యేనా॒భిషి॑ఞ్చామి ||
// అర్యమణం, బృహస్పతిం, ఇన్ద్రం, దానాయ, చోదయ, వాచం, విష్ణుం, సరస్వతీం, సవితారం, చ, వాజినం, సోమం, రాజానం, వరుణం, అగ్నిం, అను-ఆరభామహే, ఆదిత్యాన్, విష్ణుం, సూర్యం, బ్రహ్మాణం, చ, బృహస్పతిం, దేవస్య, త్వా, సవితుః, ప్ర-సవే, అశ్వినోః, బాహు-భ్యాం, పూష్ణః, హస్తాభ్యాం, సరస్వత్యై, వాచః, యన్తుః, యన్త్రేణ, అగ్నేః, త్వా, సాం-రాజ్యేన, అభి, సిఞ్చామి, ఇన్ద్రస్య, బృహస్పతేః, త్వా, సాం-రాజ్యేన, అభి, సిఞ్చామి //
(తై.సం. ౫-౫-౯-౪౧)
దే॒వాస్త్వేన్ద్ర॑జ్యేష్ఠా॒ వరు॑ణరాజానో॒ఽధస్తా”చ్చో॒పరి॑ష్టాచ్చ పాన్తు॒ న వా ఏ॒తేన॑ పూ॒తో న మేధ్యో॒ న ప్రోక్షి॑తో॒ యదే॑న॒మత॑: ప్రా॒చీన॑o ప్రో॒క్షతి॒ యత్సంచి॑త॒మాజ్యే॑న ప్రో॒క్షతి॒ తేన॑ పూ॒తస్తేన॒ మేధ్య॒స్తేన॒ ప్రోక్షి॑తః ||
// దేవాః, త్వా, ఇన్ద్ర-జ్యేష్ఠాః, వరుణ-రాజానః, అధస్తాత్, చ, ఉపరిష్టాత్, చ, పాన్తు, న, వై, ఏతేన, పూతః, న, మేధ్యః, న, ప్ర-ఉక్షితః, యత్, ఏనం, అతః, ప్రాచీనం, ప్ర-ఉక్షతి, యత్, సం-చితం, ఆజ్యేన, ప్ర-ఉక్షతి, తేన, పూతః, తేన, మధ్యః, తేన, ప్ర-ఉక్షితః //
(తై.బ్రా.౨-౭-౧౫-౫-౫౩)
వస॑వస్త్వా పు॒రస్తా॑ద॒భిషి॑ఞ్చన్తు గాయ॒త్రేణ॒ ఛన్ద॑సా | రు॒ద్రాస్త్వా॑ దక్షిణ॒తో॑ఽభిషి॑ఞ్చన్తు॒ త్రైష్టు॑భేన॒ ఛన్ద॑సా | ఆ॒ది॒త్యాస్త్వా॑ ప॒శ్చాద॒భిషి॑ఞ్చన్తు॒ జాగ॑తేన॒ ఛన్ద॑సా | విశ్వే” త్వా దే॒వా ఉ॑త్తర॒తో॑ఽభిషి॑ఞ్చ॒న్త్వాను॑ష్టుభేన॒ ఛన్ద॑సా | బృహ॒స్పతి॑స్త్వో॒పరి॑ష్టాద॒భిషి॑ఞ్చతు॒ పాఙ్క్తే॑న॒ ఛన్ద॑సా ||
// వసవః, త్వా, పురస్తాత్, అభిషిఞ్చన్తు, గాయత్రేణ, ఛన్దసా, రుద్రః, త్వా, దక్షిణతః, అభిషిఞ్చన్తు, త్రైష్టుభేన, ఛన్దసా, ఆదిత్యాః, త్వా, పశ్చాత్, అభిషిఞ్చన్తు, జాగతేన, ఛన్దసా, విశ్వే, త్వా, దేవా, ఉత్తరతః, అభిషిఞ్చన్తు, అనుష్టుభేన, ఛన్దసా, బృహస్పతిః, త్వా, ఉపరిష్టాత్, అభిషిఞ్చన్తు, పాఙ్క్తేన, ఛన్దసా //
(తై.బ్రా.౨-౮-౬-౮-౪౭)
ఇ॒మా రు॒ద్రాయ॑ స్థి॒రధ॑న్వనే॒ గిర॑: | క్షి॒ప్రేష॑వే దే॒వాయ॑ స్వ॒ధామ్నే” | అషా॑ఢాయ॒ సహ॑మానాయ మీ॒ఢుషే” | తి॒గ్మాయు॑ధాయ భరతా శృ॒ణోత॑న | త్వా ద॑త్తేభీ రుద్ర॒ శన్త॑మేభిః | శ॒తగ్ం హిమా॑ అశీయ భేష॒జేభి॑: | వ్య॑స్మద్ద్వేషో॑ విత॒రం వ్యగ్ంహ॑: | వ్యమీ॑వాగ్‍శ్చాతయస్వా॒ విషూ॑చీః ||
// ఇమా, రుద్రాయ, స్థిరధన్వనే, గిరః, క్షిప్ర, ఇషవే, దేవాయ, స్వ-ధామ్నే, అషాఢాయ, సహమానాయ, మీఢుషే, తిగ్మ, ఆయుధాయ, భరతా, శృణోతన, త్వా, దత్తేభిః, రుద్ర, శంతం, ఏభిః, శతం, హిమాః, అశీయ, భేషజేభిః, వి, అస్మత్, ద్వేషః, వితరం, వి-అంహః, వి, అమీవాన్, చాతయస్వా, విషూచీః //
అర్హ॑న్బిభర్షి॒ మా న॑స్తో॒కే | ఆ తే॑ పితర్మరుతాగ్ం సు॒మ్నమే॑తు | మా న॒: సూర్య॑స్య స॒న్దృశో॑ యుయోథాః | అ॒భి నో॑ వీ॒రో అర్వ॑తి క్షమేత | ప్రజా॑యేమహి రుద్ర ప్ర॒జాభి॑: | ఏ॒వా బ॑భ్రో వృషభ చేకితాన | యథా॑ దేవ॒ న హృ॑ణీ॒షే న హగ్ంసి॑ | హా॒వ॒న॒శ్రూర్నో॑ రుద్రే॒హ బో॑ధి | బృ॒హద్వ॑దేమ వి॒దథే॑ సు॒వీరా”: | పరి॑ ణో రు॒ద్రస్య॑ హే॒తిః స్తు॒హి శ్రు॒తమ్ | మీఢు॑ష్ట॒మార్హ॑న్బిభర్షి | త్వమ॑గ్నే రు॒ద్ర ఆ వో॒ రాజా॑నమ్ ||
ఓం శాన్తి॒: శాన్తి॒: శాన్తి॑: ||
—
[*
అర్హ॑న్బిభర్షి॒ సాయ॑కాని॒ ధన్వార్హ॑న్ని॒ష్కం య॑జ॒తం వి॒శ్వరూ॑పమ్ |
అర్హ॑న్ని॒దం ద॑యసే॒ విశ్వ॒మభ్వ॒o న వా ఓజీ॑యో రుద్ర॒ త్వద॑స్తి ||
// (ఋ.వే.౨-౩౩-౧౦) అర్హన్, బిభర్షి, సాయకాని, ధన్వ, అర్హన్, నిష్కం, యజతం, విశ్వ-రూపం, అర్హన్, ఇదం, దయసే, విశ్వం, అభ్వం, న, వై, ఓజీయః, రుద్ర, త్వత్, అస్తి //
మా న॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః |
వీ॒రాన్మానో॑ రుద్ర భామి॒తో వ॑ధీర్హ॒విష్మ॑న్తో॒ నమ॑సా విధేమ తే ||
// (తై.సం.౪-౫) మా, నః, తోకే, తనయే, మా, నః, ఆయుషి, మా, నః, గోషు, మా, నః, అశ్వేషు, రీరిషః, వీరాన్, మా, నః, రుద్ర, భామితః, వధీః, హవిష్మన్తః, నమసా, విధేమ, తే //
పరి॑ ణో రు॒ద్రస్య॑ హే॒తిర్వృ॑ణక్తు॒ పరి॑త్వే॒షస్య॑ దుర్మ॒తిర॑ఘా॒యోః |
అవ॑ స్థి॒రా మ॒ఘవ॑ద్భ్యస్తనుష్వ॒ మీఢ్వ॑స్తో॒కాయ॒ తన॑యాయ మృడయ ||
// (తై.సం.౪-౫) పరి, నః, రుద్రస్య, హేతిః, వృణక్తు, పరి, త్వేషస్య, దుః-మతిః, అఘ-యోః, అవ, స్థిరా, మఘవత్-భ్యః, తనుష్వ, మీఢ్వః, తోకాయ, తనయాయ, మృడయ //
స్తు॒హి శ్రు॒తం గ॑ర్త॒సద॒o యువా॑నం మృ॒గం న భీ॒మము॑పహ॒త్నుము॒గ్రమ్ |
మృ॒డా జ॑రి॒త్రే రు॑ద్ర॒ స్తవా॑నో అ॒న్యం తే॑ అ॒స్మన్నివ॑పన్తు॒ సేనా”: ||
// (తై.సం.౪-౫) స్తుహి, శ్రుతమ్, గర్త-సదమ్, యువానమ్, మృగమ్, న, భీమమ్, ఉపహత్నుమ్, ఉగ్రం, మృడా, జరిత్రే, రుద్ర, స్తవానః, అన్యమ్, తే, అస్మత్, ని-వపన్తు, సేనాః //
మీఢు॑ష్టమ॒ శివ॑తమ శి॒వో న॑స్సు॒మనా॑ భవ | ప॒ర॒మే వృ॒క్ష ఆయు॑ధన్ని॒ధాయ॒ కృత్తి॒o వసా॑న॒ ఆచ॑ర॒ పినా॑క॒o బిభ్ర॒దాగ॑హి ||
// మీఢుః-తమ, శివ-తమ, శివః, నః, సు-మనాః, భవ, పరమే, వృక్షే, ఆయుధమ్, నిధాయ, కృత్తిం వసానః, ఆ, చర, పినాక, బిభ్రత్, ఆ, గహి //
అర్హ॑న్బిభర్షి॒ సాయ॑కాని॒ ధన్వార్హ॑న్ని॒ష్కం య॑జ॒తం వి॒శ్వరూ॑పమ్ |
అర్హ॑న్ని॒దం ద॑యసే॒ విశ్వ॒మభ్వ॒o న వా ఓజీ॑యో రుద్ర॒ త్వద॑స్తి ||
త్వమ॑గ్నే రు॒ద్రో అసు॑రో మ॒హో ది॒వస్త్వగ్ం శర్ధో॒ మారు॑తం పృ॒క్ష ఈ॑శిషే |
త్వం వాతై॑రరు॒ణైర్యా॑సి శంగ॒యస్త్వం పూ॒షా వి॑ధ॒తః పా॑సి॒ ను త్మనా” ||
// (తై.సం.౧-౩-౧౪-౧) త్వం, అగ్నే, రుద్రః, అసురః, మహః, దివః, త్వం, శర్ధః, మారుతం, పృక్షః, ఈశిషే, త్వం, వాతైః, అరుణైః, యాసి, శం-గాయః, త్వం, పూషా, వి-ధతః, పాసి, ను, త్మనా //
ఆ వో॒ రాజా॑నమధ్వ॒రస్య॑ రు॒ద్రగ్ం హోతా॑రగ్ం సత్య॒యజ॒గ్॒o రోద॑స్యోః |
అ॒గ్నిం పు॒రా త॑నయి॒త్నోర॒చిత్తా॒ద్ధిర॑ణ్యరూప॒మవ॑సే కృణుధ్వమ్ ||
// (తై.సం.౧-౩-౧౪-౨) ఆ, వః, రాజానం, అధ్వరస్య, రుద్రం, హోతారం, సత్య-యజం, రోదస్యోః, అగ్నిం, పురా, తనయిత్నోః, అచిత్తాత్, హిరణ్య-రూపం, అవసే, కృణుధ్వం //
*]
సంపూర్ణ మహాన్యాస సూచిక చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.