Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮೋವಾಚ |
ನಮಃ ಕ್ಷೀರಾಬ್ಧಿವಾಸಾಯ ನಾಗಪರ್ಯಂಕಶಾಯಿನೇ |
ನಮಃ ಶ್ರೀಕರಸಂಸ್ಪೃಷ್ಟದಿವ್ಯಪಾದಾಯ ವಿಷ್ಣವೇ || ೧ ||
ನಮಸ್ತೇ ಯೋಗನಿದ್ರಾಯ ಯೋಗಾಂತರ್ಭಾವಿತಾಯ ಚ |
ತಾರ್ಕ್ಷ್ಯಾಸನಾಯ ದೇವಾಯ ಗೋವಿಂದಾಯ ನಮೋ ನಮಃ || ೨ ||
ನಮಃ ಕ್ಷೀರಾಬ್ಧಿಕಲ್ಲೋಲಸ್ಪೃಷ್ಟಮಾತ್ರಾಯ ಶಾರ್ಙ್ಗಿಣೇ |
ನಮೋಽರವಿಂದಪಾದಾಯ ಪದ್ಮನಾಭಾಯ ವಿಷ್ಣವೇ || ೩ ||
ಭಕ್ತಾರ್ಚಿತಸುಪಾದಾಯ ನಮೋ ಯೋಗಪ್ರಿಯಾಯ ವೈ |
ಶುಭಾಂಗಾಯ ಸುನೇತ್ರಾಯ ಮಾಧವಾಯ ನಮೋ ನಮಃ || ೪ ||
ಸುಕೇಶಾಯ ಸುನೇತ್ರಾಯ ಸುಲಲಾಟಾಯ ಚಕ್ರಿಣೇ |
ಸುವಕ್ತ್ರಾಯ ಸುಕರ್ಣಾಯ ಶ್ರೀಧರಾಯ ನಮೋ ನಮಃ || ೫ ||
ಸುವಕ್ಷಸೇ ಸುನಾಭಾಯ ಪದ್ಮನಾಭಾಯ ವೈ ನಮಃ |
ಸುಭ್ರುವೇ ಚಾರುದೇಹಾಯ ಚಾರುದಂತಾಯ ಶಾರ್ಙ್ಗಿಣೇ || ೬ ||
ಚಾರುಜಂಘಾಯ ದಿವ್ಯಾಯ ಕೇಶವಾಯ ನಮೋ ನಮಃ |
ಸುನಖಾಯ ಸುಶಾಂತಾಯ ಸುವಿದ್ಯಾಯ ಗದಾಭೃತೇ || ೭ ||
ಧರ್ಮಪ್ರಿಯಾಯ ದೇವಾಯ ವಾಮನಾಯ ನಮೋ ನಮಃ |
ಅಸುರಘ್ನಾಯ ಚೋಗ್ರಾಯ ರಕ್ಷೋಘ್ನಾಯ ನಮೋ ನಮಃ || ೮ ||
ದೇವಾನಾಮಾರ್ತಿನಾಶಾಯ ಭೀಮಕರ್ಮಕೃತೇ ನಮಃ |
ನಮಸ್ತೇ ಲೋಕನಾಥಾಯ ರಾವಣಾಂತಕೃತೇ ನಮಃ || ೯ ||
ಇತಿ ಶ್ರೀನರಸಿಂಹಪುರಾಣೇ ಸಪ್ತಚತ್ವಾರಿಂಶೋಽಧ್ಯಾಯೇ ಬ್ರಹ್ಮ ಕೃತ ಶ್ರೀ ವಿಷ್ಣು ಸ್ತುತಿಃ ||
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.