Read in తెలుగు / ಕನ್ನಡ / தமிழ் / देवनागरी / English (IAST)
ವಸಂತ ಚೂತಾರುಣ ಪಲ್ಲವಾಭಂ
ಧ್ವಜಾಬ್ಜ ವಜ್ರಾಂಕುಶ ಚಕ್ರಚಿಹ್ನಮ್ |
ವೈಖಾನಸಾಚಾರ್ಯಪದಾರವಿಂದಂ
ಯೋಗೀಂದ್ರವಂದ್ಯಂ ಶರಣಂ ಪ್ರಪದ್ಯೇ || ೧ ||
ಪ್ರತ್ಯುಪ್ತ ಗಾರುತ್ಮತ ರತ್ನಪಾದ
ಸ್ಫುರದ್ವಿಚಿತ್ರಾಸನಸನ್ನಿವಿಷ್ಟಮ್ |
ವೈಖಾನಸಾಚಾರ್ಯಪದಾರವಿಂದಂ
ಸಿಂಹಾಸನಸ್ಥಂ ಶರಣಂ ಪ್ರಪದ್ಯೇ || ೨ ||
ಪ್ರತಪ್ತಚಾಮೀಕರ ನೂಪುರಾಢ್ಯಂ
ಕರ್ಪೂರ ಕಾಶ್ಮೀರಜ ಪಂಕರಕ್ತಮ್ |
ವೈಖಾನಸಾಚಾರ್ಯಪದಾರವಿಂದಂ
ಸದರ್ಚಿತಂ ತಚ್ಚರಣಂ ಪ್ರಪದ್ಯೇ || ೩ ||
ಸುರೇಂದ್ರದಿಕ್ಪಾಲ ಕಿರೀಟಜುಷ್ಟ-
-ರತ್ನಾಂಶು ನೀರಾಜನ ಶೋಭಮಾನಮ್ |
ವೈಖಾನಸಾಚಾರ್ಯಪದಾರವಿಂದಂ
ಸುರೇಂದ್ರವಂದ್ಯಂ ಶರಣಂ ಪ್ರಪದ್ಯೇ || ೪ ||
ಇಕ್ಷ್ವಾಕುಮಾಂಧಾತೃದಿಲೀಪಮುಖ್ಯ-
-ಮಹೀಶಮೌಳಿಸ್ಥಕಿರೀಟಜುಷ್ಟಮ್ |
ವೈಖಾನಸಾಚಾರ್ಯಪದಾರವಿಂದಂ
ಮಹೀಶವಂದ್ಯಂ ಶರಣಂ ಪ್ರಪದ್ಯೇ || ೫ ||
ಮರೀಚಿಮುಖ್ಯೈರ್ಭೃಗುಕಶ್ಯಪಾತ್ರಿ-
-ಮುನೀಂದ್ರವಂದ್ಯೈರಭಿಪೂಜಿತಂ ತತ್ |
ವೈಖಾನಸಾಚಾರ್ಯಪದಾರವಿಂದಂ
ಮುನೀಂದ್ರವಂದ್ಯಂ ಶರಣಂ ಪ್ರಪದ್ಯೇ || ೬ ||
ಅನೇಕಮುಕ್ತಾಮಣಿವಿದ್ರುಮೈಶ್ಚ
ವೈಢೂರ್ಯಹೇಮ್ನಾಕೃತ ಪಾದುಕಸ್ಥಮ್ |
ವೈಖಾನಸಾಚಾರ್ಯಪದಾರವಿಂದಂ
ತತ್ಪಾದುಕಸ್ಥಂ ಶರಣಂ ಪ್ರಪದ್ಯೇ || ೭ ||
ದಿತೇಃ ಸುತಾನಾಂ ಕರಪಲ್ಲವಾಭ್ಯಾಂ
ಸಂಲಾಲಿತಂ ತತ್ಸುರಪುಂಗವಾನಾಮ್ |
ವೈಖಾನಸಾಚಾರ್ಯಪದಾರವಿಂದಂ
ಸುರಾರಿವಂದ್ಯಂ ಶರಣಂ ಪ್ರಪದ್ಯೇ || ೮ ||
ಕ್ಷೇತ್ರಾಣಿ ತೀರ್ಥಾನಿ ವನಾನಿ ಭೂಮೌ
ತೀರ್ಥಾನಿ ಕುರ್ವದ್ರಜಸೋತ್ಥಿತೇನ |
ವೈಖಾನಸಾಚಾರ್ಯಪದಾರವಿಂದಂ
ಸಂಚಾರಿತಂ ತಂ ಶರಣಂ ಪ್ರಪದ್ಯೇ || ೯ ||
ದೀನಂ ಭವಾಂಭೋಧಿಗತಂ ನೃಶಂಸಂ
ವೈಖಾನಸಾಚಾರ್ಯ ಸುರಾರ್ಥನೀಯೈಃ |
ತ್ವತ್ಪಾದಪದ್ಮೋತ್ಥಮರಂದವರ್ಷೈ-
-ರ್ದೋಷಾಕರಂ ಮಾಂ ಕೃಪಯಾಽಭಿಷಿಂಚ || ೧೦ ||
ವೈಖಾನಸಾಚಾರ್ಯಪದಾಂಕಿತಂ ಯಃ
ಪಠೇದ್ಧರೇರರ್ಚನಯಾಗಕಾಲೇ |
ಸುಪುತ್ರಪೌತ್ರಾನ್ ಲಭತೇ ಚ ಕೀರ್ತಿಂ
ಆಯುಷ್ಯಮಾರೋಗ್ಯಮಲೋಲುಪತ್ವಮ್ || ೧೧ ||
ಏಷಾಮಾಸೀದಾದಿ ವೈಖಾನಸಾನಾಂ
ಜನ್ಮಕ್ಷೇತ್ರೇ ನೈಮಿಶಾರಣ್ಯಭೂಮಿಃ |
ದೇವೋ ಯೇಷಾಂ ದೇವಕೀ ಪುಣ್ಯರಾಶಿಃ
ತೇಷಾಂ ಪಾದದ್ವಂದ್ವಪದ್ಮಂ ಪ್ರಪದ್ಯೇ || ೧೨ ||
ಭವ್ಯಾಯ ಮೌನಿವರ್ಯಾಯ ಪರಿಪೂತಾಯ ವಾಗ್ಮಿನೇ |
ಯೋಗಪ್ರಭಾ ಸಮೇತಾಯ ಶ್ರೀಮದ್ವಿಖನಸೇ ನಮಃ || ೧೩ ||
ಲಕ್ಷ್ಮೀವಲ್ಲಭ ಸಂಕಲ್ಪವಲ್ಲಭಾಯ ಮಹಾತ್ಮನೇ |
ಶ್ರೀಮದ್ವಿಖನಸೇ ಭೂಯಾತ್ ನಿತ್ಯಶ್ರೀಃ ನಿತ್ಯಮಂಗಳಮ್ || ೧೪ ||
ನಾರಾಯಣಂ ಸಕಮಲಂ ಸಕಲಾಮರೇಂದ್ರಂ
ವೈಖಾನಸಂ ಮಮ ಗುರುಂ ನಿಗಮಾಗಮೇಂದ್ರಮ್ |
ಭೃಗ್ವಾತ್ರಿಕಶ್ಯಪಮರೀಚಿ ಮುಖಾನ್ಮುನೀಂದ್ರಾನ್
ಸರ್ವಾನಹಂ ಕುಲಗುರೂನ್ ಪ್ರಣಮಾಮಿ ಮೂರ್ಧ್ನಾ || ೧೫ ||
ಇತಿ ಶ್ರೀ ವಿಖನಸ ಪಾದಾರವಿಂದ ಸ್ತೋತ್ರಮ್ |
ಇನ್ನಷ್ಟು ಶ್ರೀ ವಿಖನಸ ಸ್ತೋತ್ರಗಳು ನೋಡಿ.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.