Sri Vamana Stotram 4 (Narada Purane Kashyapa Krutam) – ಶ್ರೀ ವಾಮನ ಸ್ತೋತ್ರಂ – ೪ (ನಾರದಪುರಾಣೇ)

Read in తెలుగు / ಕನ್ನಡ / தமிழ் / देवनागरी / English (IAST)

ಕಶ್ಯಪ ಉವಾಚ |
ನಮೋ ನಮಸ್ತೇಽಖಿಲಕಾರಣಾಯ
ನಮೋ ನಮಸ್ತೇಽಖಿಲಪಾಲಕಾಯ |
ನಮೋ ನಮಸ್ತೇಽಖಿಲನಾಯಕಾಯ
ನಮೋ ನಮೋ ದೈತ್ಯವಿನಾಶನಾಯ || ೧ ||

ನಮೋ ನಮೋ ಭಕ್ತಜನಪ್ರಿಯಾಯ
ನಮೋ ನಮಃ ಸಜ್ಜನರಂಜಿತಾಯ |
ನಮೋ ನಮೋ ದುರ್ಜನನಾಶಕಾಯ
ನಮೋಽಸ್ತು ತಸ್ಮೈ ಜಗದೀಶ್ವರಾಯ || ೨ ||

ನಮೋ ನಮಃ ಕಾರಣವಾಮನಾಯ
ನಾರಾಯಣಾಯಾಮಿತವಿಕ್ರಮಾಯ |
ಶ್ರೀಶಾರ್ಙ್ಗಚಕ್ರಾಸಿಗದಾಧಾರಾಯ
ನಮೋಽಸ್ತು ತಸ್ಮೈ ಪುರುಷೋತ್ತಮಾಯ || ೩ ||

ನಮಃ ಪಯೋರಾಶಿನಿವಾಸನಾಯ
ನಮೋಽಸ್ತು ತೇ ಹೃತ್ಕಮಲಾಸನಾಯ |
ನಮೋಽಸ್ತು ಸೂರ್ಯಾಂಶುನಿಭಪ್ರಭಾಯ
ನಮೋ ನಮಃ ಪುಣ್ಯಕಥಾಗತಾಯ || ೪ ||

ನಮೋ ನಮೋಽರ್ಕೇಂದುವಿಲೋಚನಾಯ
ನಮೋಽಸ್ತು ತೇ ಯಜ್ಞಫಲಪ್ರದಾಯ |
ನಮೋಽಸ್ತು ಯಜ್ಞಾಂಗವಿರಾಜಿತಾಯ
ನಮೋಽಸ್ತು ತೇ ಸಜ್ಜನವಲ್ಲಭಾಯ || ೫ ||

ನಮೋ ನಮಃ ಕಾರಣಕಾರಣಾಯ
ನಮೋಽಸ್ತು ಶಬ್ದಾದಿವಿವರ್ಜಿತಾಯ |
ನಮೋಽಸ್ತು ತೇ ದಿವ್ಯಸುಖಪ್ರದಾಯ
ನಮೋ ನಮೋ ಭಕ್ತಮನೋಗತಾಯ || ೬ ||

ನಮೋಽಸ್ತು ತಸ್ಮೈ ಭ್ರಮನಾಶನಾಯ
ನಮೋಽಸ್ತು ತೇ ಮಂದರಧಾರಣಾಯ |
ನಮೋಽಸ್ತು ತೇ ಯಜ್ಞವರಾಹನಾಮ್ನೇ
ನಮೋ ಹಿರಣ್ಯಾಖ್ಯವಿದಾರಣಾಯ || ೭ ||

ನಮೋಽಸ್ತು ತೇ ವಾಮನರೂಪಭಾಜೇ
ನಮೋಽಸ್ತು ತೇ ಕ್ಷತ್ತ್ರಕುಲಾಂತಕಾಯ |
ನಮೋಽಸ್ತು ತೇ ರಾವಣಮರ್ದಕಾಯ
ನಮೋಽಸ್ತು ತೇ ನಂದಸುತಾಗ್ರಜಾಯ || ೮ ||

ನಮಸ್ತೇ ಕಮಲಾಕಾಂತ ನಮಸ್ತೇ ಸುಖದಾಯಿನೇ |
ಸ್ಮೃತಾರ್ತಿನಾಶಿನೇ ತುಭ್ಯಂ ಭೂಯೋ ಭೂಯೋ ನಮೋ ನಮಃ || ೯ ||

ಯ ಇದಂ ವಾಮನಸ್ತೋತ್ರಂ ತ್ರಿಸಂಧ್ಯಂ ಪಠತೇ ನರಃ |
ಬಾಲಾರೋಗ್ಯಾರ್ಥಸಂತಾನೈಃ ತಸ್ಯ ನಿತ್ಯೋತ್ಸವೋ ಭವೇತ್ || ೧೦ ||

ಇತಿ ಶ್ರೀನಾರದಪುರಾಣೇ ಪೂರ್ವಭಾಗೇ ಏಕಾದಶೋಽಧ್ಯಾಯೇ ಕಶ್ಯಪ ಕೃತ ಶ್ರೀ ವಾಮನ ಸ್ತೋತ್ರಮ್ ||

Did you see any mistake/variation in the content above? Click here to report mistakes and corrections in Stotranidhi content.