Read in తెలుగు / ಕನ್ನಡ / தமிழ் / देवनागरी / English (IAST)
ಬ್ರಹ್ಮರ್ಷಯ ಊಚುಃ |
ನಮಸ್ತೇ ದೇವದೇವಾನಾಮಾದಿಭೂತ ಸನಾತನ |
ಪುರುಷಾಯ ಪುರಾಣಾಯ ನಮಸ್ತೇ ಪರಮಾತ್ಮನೇ || ೧ ||
ಜರಾಮರಣರೋಗಾದಿವಿಹೀನಾಯಾಮಲಾತ್ಮನೇ |
ಬ್ರಹ್ಮಣಾಂ ಪತಯೇ ತುಭ್ಯಂ ಜಗತಾಂ ಪತಯೇ ನಮಃ || ೨ ||
ಲೋಕಾಲೋಕಸ್ವರೂಪಾಯ ಲೋಕಾನಾಂ ಪತಯೇ ನಮಃ |
ಶಂಖಚಕ್ರಗದಾಪದ್ಮಪಾಣಯೇ ವಿಷ್ಣವೇ ನಮಃ || ೩ ||
ನಮೋ ಹಿರಣ್ಯಗರ್ಭಾಯ ಶ್ರೀಪತೇ ಭೂಪತೇ ನಮಃ |
ನಮಃ ಸ್ವಯಂಭುವೇ ತುಭ್ಯಂ ಸೂತ್ರಾತ್ಮಾದಿಸ್ವರೂಪಿಣೇ || ೪ ||
ವಿರಾಟ್ ಪ್ರಜಾಪತೇಃ ಸಾಕ್ಷಾಜ್ಜನಕಾಯ ನಮೋ ನಮಃ |
ವಿಶ್ವತೈಜಸರೂಪಾಯ ಪ್ರಾಜ್ಞರೂಪಾಯ ತೇ ನಮಃ || ೫ ||
ಜಾಗ್ರತ್ಸ್ವಪ್ನಸ್ವರೂಪಾಯ ನಮಃ ಸುಪ್ತ್ಯಾತ್ಮನೇ ನಮಃ |
ಅವಸ್ಥಾಸಾಕ್ಷಿಣೇ ತುಭ್ಯಮವಸ್ಥಾವರ್ಜಿತಾಚ್ಯುತ || ೬ ||
ತುರೀಯಾಯ ವಿಶುದ್ಧಾಯ ತುರ್ಯಾತೀತಾಯ ತೇ ನಮಃ |
ಪ್ರಥಮಾಯ ಸಮಸ್ತಸ್ಯ ಜಗತಃ ಪರಮಾತ್ಮನೇ || ೭ ||
ಓಂಕಾರೈಕಸ್ವರೂಪಾಯ ಶಿವಾಯ ಶಿವದ ಪ್ರಭೋ |
ಸರ್ವವಿಜ್ಞಾನಸಂಪನ್ನ ನಮೋ ವಿಜ್ಞಾನದಾಯಿನೇ || ೮ ||
ಜಗತಾಂ ಯೋನಯೇ ತುಭ್ಯಂ ವೇಧಸೇ ವಿಶ್ವರೂಪಿಣೇ |
ನಿತ್ಯಶುದ್ಧಾಯ ಬುದ್ಧಾಯ ಮುಕ್ತಾಯ ಸುಖರೂಪಿಣೇ || ೯ ||
ನಮೋ ವಾಚಾಮತೀತಾಯ ಮನೋಽಗಮ್ಯಾಯ ತೇ ನಮಃ |
ಅಪ್ರಮೇಯಾಯ ಶಾಂತಾಯ ಸ್ವಯಂಭಾನಾಯ ಸಾಕ್ಷಿಣೇ || ೧೦ ||
ನಮಃ ಪುಂಸೇ ಪುರಾಣಾಯ ಶ್ರೇಯಃಪ್ರಾಪ್ತ್ಯೇಕಹೇತವೇ |
ಆಕಾಶಾದಿಪ್ರಪಂಚಾಯ ನಮಸ್ತದ್ರೂಪ ಶಂಕರ || ೧೧ ||
ಮಾಯಾರೂಪಾಯ ಮಾಯಾಯಾಃ ಸತ್ತಾಹೇತೋ ಜನಾರ್ದನ |
ನಮಃ ಪ್ರದ್ಯುಮ್ನರೂಪಾಯ ನಮಃ ಸಂಕರ್ಷಣಾತ್ಮನೇ || ೧೨ ||
ನಮೋಽನಿರುದ್ಧರೂಪಾಯ ವಾಸುದೇವಾಯ ತೇ ನಮಃ |
ಯೋಗಾಯ ಯೋಗಗಮ್ಯಾಯ ಯೋಗಿನಾಮಿಷ್ಟಸಿದ್ಧಿದ || ೧೩ ||
ನಮಸ್ತೇ ಮತ್ಸ್ಯರೂಪಾಯ ನಮಸ್ತೇ ಕೂರ್ಮರೂಪಿಣೇ |
ನಮಸ್ತುಭ್ಯಂ ವರಾಹಾಯ ನಾರಸಿಂಹಾಯ ತೇ ನಮಃ || ೧೪ ||
ನಮೋ ವಾಮನರೂಪಾಯ ನಮೋ ರಾಮತ್ರಯಾತ್ಮನೇ |
ನಮಃ ಕೃಷ್ಣಾಯ ಸರ್ವಜ್ಞ ನಮಸ್ತೇ ಕಲ್ಕಿರೂಪಿಣೇ || ೧೫ ||
ಕರ್ಮಿಣಾಂ ಫಲರೂಪಾಯ ಕರ್ಮರೂಪಾಯ ತೇ ನಮಃ |
ಕರ್ಮಕರ್ತ್ರೇ ನಮಸ್ತುಭ್ಯಂ ನಮಸ್ತೇ ಕರ್ಮಸಾಕ್ಷಿಣೇ || ೧೬ ||
ನಮೋ ವಿಜ್ಞಪ್ತಿರೂಪಾಯ ನಮೋ ವೇದಾಂತರೂಪಿಣೇ |
ಗುಣತ್ರಯಾತ್ಮನೇ ತುಭ್ಯಂ ನಮೋ ನಿರ್ಗುಣರೂಪಿಣೇ || ೧೭ ||
ಅದ್ಭುತಾಯಾಮರೇಶಾಯ ಶಿವಪ್ರಾಪ್ತ್ಯೇಕಹೇತವೇ |
ನಮೋ ನಕ್ಷತ್ರರೂಪಾಯ ನಮಸ್ತೇ ಸೋಮರೂಪಿಣೇ || ೧೮ ||
ನಮಃ ಸೂರ್ಯಾತ್ಮನೇ ತುಭ್ಯಂ ನಮೋ ವಜ್ರಧರಾಯ ತೇ |
ನಮಸ್ತೇ ಪದ್ಮನಾಭಾಯ ನಮಸ್ತೇ ಶಾರ್ಙ್ಗಪಾಣಯೇ || ೧೯ ||
ನಮಸ್ತುಭ್ಯಂ ವಿಶಾಲಾಕ್ಷ ನಮಃ ಶ್ರೀಧರ ನಾಯಕ |
ನಮಃ ಸಂಸಾರತಪ್ತಾನಾಂ ತಾಪನಾಶೈಕಹೇತವೇ || ೨೦ ||
ಶ್ರೌತಸ್ಮಾರ್ತೈಕನಿಷ್ಠಾನಾಮಚಿರಾದೇವ ಮುಕ್ತಿದ |
ಅನ್ಯೇಷಾಮಪಿ ಸರ್ವೇಷಾಂ ಸಂಸಾರೈಕಪ್ರದಾವ್ಯಯ || ೨೧ ||
ನಮೋಽಸುರವಿಮರ್ದಾಯ ನಮೋ ವಿದ್ಯಾಧರಾರ್ಚಿತ |
ಕ್ಷೀರೋದಶಾಯಿನೇ ತುಭ್ಯಂ ನಮೋ ವೈಕುಂಠವಾಸಿನೇ |
ನಮೋ ರಾಗಾಭಿಭೂತಾನಾಂ ವೈರಾಗ್ಯಪ್ಲವದಾಯಿನೇ || ೨೨ ||
ಇತಿ ಸೂತಸಂಹಿತಾಯಾಂ ಶ್ರೀ ಮಹಾವಿಷ್ಣು ಸ್ತುತಿಃ |
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.