Read in తెలుగు / ಕನ್ನಡ / தமிழ் / देवनागरी / English (IAST)
ವರಾಽಭಯಕರಂ ದೇವಂ ಸಚ್ಚಿದಾನಂದವಿಗ್ರಹಮ್ |
ದತ್ತಾತ್ರೇಯಂ ಗುರುಂ ಧ್ಯಾತ್ವಾ ಮಾಲಾಮಂತ್ರಂ ಪಠೇಚ್ಛುಚಿಃ || ೧ ||
ಓಂ ನಮೋ ಭಗವತೇ ದತ್ತಾತ್ರೇಯಾಯ ಸಚ್ಚಿದಾನಂದವಿಗ್ರಹಾಯಾದೃಶ್ಯತ್ವಾದಿಗುಣಕಾಯ ನಿತ್ಯಶುದ್ಧಬುದ್ಧಮುಕ್ತಸ್ವಭಾವಾಯಾಸಂಗತಾಯೇಕ್ಷಾಮಾತ್ರೇಣ ಪ್ರಕೃತಿಪ್ರವರ್ತಕಾಯಾಜಾಯಾವ್ಯಕ್ತಾತ್ಮನೇ ಭೂತೇಶ್ವರಾಯ ಸದ್ಧರ್ಮತ್ರಾಣಾರ್ಥಂ ಯೋಗಮಾಯಯಾವಿಷ್ಕೃತ- ಶುದ್ಧಸತ್ತ್ವಸ್ವರೂಪಾಯಾಚ್ಯುತ ಭವಬಂಧಂ ವಿಮೋಚಯ ವಿಮೋಚಯಾಽಪಾಪವಿದ್ಧಾಸಕ್ತತಯಾಶ್ರಮೋಚಿತಕರ್ಮಾಣಿ ಸಾಧಯ ಸಾಧಯ ಶ್ರೀಮನ್ ಸಾಧನಸಂಪದಂ ದೇಹಿ ದೇಹಿ ಸದ್ಗುರೂತ್ತಮ ಗುರೂಪಸತ್ತ್ಯಾ ಶ್ರವಣಾದ್ಯಭ್ಯಾಸಪೂರ್ವಕಂ ಭವತ್ಪದಭಕ್ತಿಂ ವಿತರ ವಿತರಾಽಽದ್ಯ ಲಯವಿಕ್ಷೇಪಾದೀನ್ ಪರಿಹರ ಪರಿಹರ ಶ್ರೀಹರೇಽಸಂಭಾವನಾದಿಡಾಕಿನೀರ್ಜಹಿ ಜಹಿ ಕ್ಲೇಶಕರ್ಮವಿಪಾಕಾಶಯವರ್ಜಿತಾವಿದ್ಯಾದಿಕ್ಲೇಶಾನ್ನಾಶಯ ನಾಶಯ ಹೃಷೀಕೇಶಾರ್ಥದೋಷದೃಷ್ಟ್ಯಾ ಪ್ರಮಾಥೀಂದ್ರಿಯಾಣಿ ವಶೀಕುರು ವಶೀಕುರು ಸರ್ವಾಂತರ್ಯಾಮಿನ್ ವೈರಾಗ್ಯಾಭ್ಯಾಸವಶಾಚ್ಚಂಚಲಂ ಮನ ಆಕರ್ಷಯಾಕರ್ಷಯಾಸಂಗ ರಾಗದ್ವೈಷೌ ವಿದ್ವೇಷಯ ವಿದ್ವೇಷಯಾಽಽಪ್ತಕಾಮ ಕಾಮಾದಿಶತ್ರೂನುಚ್ಚಾಟಯೋಚ್ಚಾಟಯ ಕಲ್ಪನಾತೀತ ದುಷ್ಕಲ್ಪನಾಃ ಸ್ತಂಭಯ ಸ್ತಂಭಯಾಽಸುರನಿಷೂದನಾಸುರಭಾವಂ ಮಾರಯ ಮಾರಯಾಽತ್ತಸುದರ್ಶನ ವ್ಯಾಧಿಸ್ತ್ಯಾನಾದಿಯೋಗೋಪಸರ್ಗಾಞ್ಛಮಯ ಶಮಯ ಮೃತ್ಯುಂಜಯ ಪ್ರಮಾದಮೃತ್ಯುಂ ವಿದ್ರಾವಯ ವಿದ್ರಾವಯ ವಿಮುಕ್ತ ಹೃದಯಗ್ರಂಥಿಂ ಭಿಂಧಿ ಭಿಂಧಿ ನಿಃಸಂಶಯ ಸರ್ವಸಂಶಯಾಂಶ್ಛಿಂಧಿ ಛಿಂಧಿ ನಿರ್ವಾಸನ ದುರ್ವಾಸನಾ ವಾರಯ ವಾರಯ ಕ್ರಿಯಾಕಾರಕಫಲಸಂಸ್ಪೃಷ್ಟ ಜ್ಞಾನಾಗ್ನಿನಾ ದಾಹ್ಯಕರ್ಮಾಣಿ ದಹ ದಹ ಪಾಶವಿಮೋಚನ ಪಾಶಾಂಸ್ತ್ರೋಟಯ ತ್ರೋಟಯಾಽಽದಿತ್ಯವರ್ಣಾತ್ಮಸ್ವರೂಪಪ್ರದರ್ಶನೇನ ಸ್ವಪದೇನ ನಿಯೋಜಯ ನಿಯೋಜಯ ಜಯ ಜಯ ಭಗವನ್ನನಸೂಯಾನಂದವರ್ಧನಾಯ ದತ್ತಾತ್ರೇಯಾಯ ನಮಸ್ತೇ ನಮಸ್ತೇ ||
ಇತಿ ಪಂಚಶತಾರ್ಣಂ ಯೋ ದಧ್ಯಾನ್ಮಾಲಾಮನುಂ ಗಳೇ |
ಅರ್ಥಂ ತಸ್ಯ ನ ಮುಷ್ಣಂತಿ ದೇಹಸ್ಥೇಂದ್ರಿಯತಸ್ಕರಾಃ || ೨ ||
ದಂಭದರ್ಪಾದಯೋ ಘೋರಾ ಯೇ ಚಾವಿದ್ಯಾನಿಶಾಚರಾಃ |
ಯೇ ಯೋಗಭೂಚರಾ ಜ್ಞಾನಭೂಚರಾಃ ಖೇಚರಾ ಅಪಿ || ೩ ||
ಅಂತರಾಯಕರಾ ಭೂತಗ್ರಹಾಃ ಕ್ರೂರತರಾ ಅಪಿ |
ಯಾಶ್ಚ ತೃಷ್ಣಾದಿರಾಕ್ಷಸ್ಯೋ ದುರ್ಭರಾ ಭೈರವಾ ಅಪಿ || ೪ ||
ಯೇ ಚ ತ್ರಿವಿಧದುಃಖಾಖ್ಯಾ ವೇತಾಲೋ ಲೋಭಸಂಜ್ಞಿತಃ |
ಮಹಾಮೋಹಾಭಿಧೋ ಬ್ರಹ್ಮರಾಕ್ಷಸೋ ದ್ವಿವಿಧಾವೃತೀ || ೫ ||
ಶಾಕಿನೀ ಡಾಕಿನೀ ಚಾಪಿ ಲಯಾದ್ಯಾಶ್ಚ ಪಿಶಾಚಕಾಃ |
ದೂರಾದೇವ ಪಲಾಯಂತೇ ತೇಽಪಿ ಮಾಲಾಭೃತೋ ದ್ರುತಮ್ || ೬ ||
ಧೀಶುದ್ಧಿಕ್ರಮತೋ ಲಭ್ಯಾ ಪರಭಕ್ತಿಃ ಪ್ರಜಾಪಿನಃ |
ದತ್ತೋಽಂತೇ ಪರಮಂ ದದ್ಯಾತ್ಪದಂ ದೇವಸುದುರ್ಲಭಮ್ || ೭ ||
ಇತಿ ಶ್ರೀವಾಸುದೇವಾನಂದಸರಸ್ವತೀ ವಿರಚಿತ ಶ್ರೀ ದತ್ತಾತ್ರೇಯ ಅದ್ವೈತಮಾಲಾಮಂತ್ರಃ ||
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.