Read in తెలుగు / ಕನ್ನಡ / தமிழ் / देवनागरी / English (IAST)
– ೧। ಕ್ಷೀರಮ್ –
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑: ಸೋಮ॒ ವೃಷ್ಣಿ॑ಯಮ್ ।
ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥
ಶ್ರೀ _____ ನಮಃ ಕ್ಷೀರೇಣ ಸ್ನಪಯಾಮಿ ।
// (ತೈ।ಸಂ।೩-೨-೫-೧೮) ಆ, ಪ್ಯಾಯಸ್ವ, ಸಂ, ಏತು, ತೇ, ವಿಶ್ವತಃ, ಸೋಮ, ವೃಷ್ಣಿಯಂ, ಭವ, ವಾಜಸ್ಯ, ಸಂ-ಗಥೇ //
– ೨। ದಧಿ –
ದ॒ಧಿ॒ಕ್ರಾವ್ಣ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನ॑: ।
ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರಣ॒ ಆಯೂಗ್ಂ॑ಷಿ ತಾರಿಷತ್ ॥
ಶ್ರೀ _____ ನಮಃ । ದಧ್ನಾ ಸ್ನಪಯಾಮಿ ।
// (ತೈ।ಸಂ। ೭-೪-೧೯-೫೦) ದಧಿ, ಕ್ರಾವ್-ಣ್ಣಃ, ಅಕಾರಿಷಂ, ಜಿಷ್ಣೋಃ, ಅಶ್ವಸ್ಯ, ವಾಜಿನಃ, ಸುರಭಿ, ನಃ, ಮುಖಾ, ಕರತ್, ಪ್ರ-ನಃ, ಆಯೂಂಷಿ, ತಾರಿಷತ್ //
– ೩। ಆಜ್ಯಮ್ –
ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑ಸಿ ದೇ॒ವೋವ॑: ಸವಿ॒ತೋತ್ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒: ಸೂರ‍್ಯ॑ಸ್ಯ ರ॒ಶ್ಮಿಭಿ॑: ॥
ಶ್ರೀ _____ ನಮಃ । ಆಜ್ಯೇನ ಸ್ನಪಯಾಮಿ ।
// (ತೈ।ಸಂ। ೧-೧-೧೦-೧೮), ಶುಕ್ರಂ, ಅಸಿ, ಜ್ಯೋತಿಃ, ಅಸಿ, ತೇಜಃ, ಅಸಿ, ದೇವಃ, ವಃ, ಸವಿತಾ, ಉತ್, ಪುನಾತು, ಅಚ್ಛಿದ್ರೇಣ, ಪವಿತ್ರೇಣ, ವಸೋಃ, ಸೂರ‍್ಯಸ್ಯ, ರಶ್ಮಿ-ಭಿಃ //
– ೪। ಮಧು –
ಮಧು॒ ವಾತಾ॑ ಋತಾಯ॒ತೇ ಮಧು॑ ಕ್ಷರನ್ತಿ॒ ಸಿನ್ಧ॑ವಃ ।
ಮಾಧ್ವೀ᳚ರ‍್ನಃ ಸ॒ನ್ತ್ವೋಷ॑ಧೀಃ ॥
ಮಧು॒ ನಕ್ತ॑ಮು॒ತೋಷ॑ಸಿ॒ ಮಧು॑ಮ॒ತ್ಪಾರ‍್ಥಿ॑ವ॒ಗ್ಂ॒ ರಜ॑: ।
ಮಧು॒ ದ್ಯೌರ॑ಸ್ತು ನಃ ಪಿ॒ತಾ ॥
ಮಧು॑ಮಾನ್ನೋ॒ ವನ॒ಸ್ಪತಿ॒ರ‍್ಮಧು॑ಮಾಗ್ಂ ಅಸ್ತು॒ ಸೂರ‍್ಯ॑: ।
ಮಾಧ್ವೀ॒ರ‍್ಗಾವೋ॑ ಭವನ್ತು ನಃ ॥
ಶ್ರೀ _____ ನಮಃ । ಮಧುನಾ ಸ್ನಪಯಾಮಿ ।
// (ತೈ।ಸಂ। ೪-೨-೯-೩೮) ಮಧು, ವಾತಾಃ, ಋತ-ಯತೇ, ಮಧು, ಕ್ಷರನ್ತಿ, ಸಿನ್ಧವಃ, ಮಾಧ್ವೀಃ, ನಃ, ಸನ್ತು, ಓಷಧೀಃ, ಮಧು, ನಕ್ತಂ, ಉತ, ಉಷಸಿ, ಮಧು-ಮತ್, ಪಾರ‍್ಥಿವಂ, ರಜಃ, ಮಧು, ದ್ಯೌಃ, ಅಸ್ತು, ನಃ, ಪಿತಾ, ಮಧು-ಮಾನ್, ನಃ, ವನಸ್ಪತಿಃ, ಮಧು-ಮಾನ್, ಅಸ್ತು, ಸೂರ‍್ಯಃ, ಮಾಧ್ವೀಃ, ಗಾವಃ, ಭವನ್ತು, ನಃ //
– ೫। ಶರ‍್ಕರ –
ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ ।
ಸ್ವಾ॒ದುರಿನ್ದ್ರಾ॑ಯ ಸು॒ಹವೀ॑ತು॒ ನಾಮ್ನೇ᳚ ।
ಸ್ವಾ॒ದುರ‍್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ ।
ಬೃಹ॒ಸ್ಪತ॑ಯೇ॒ ಮಧು॑ಮಾ॒ಗ್ಂ ಅದಾ᳚ಭ್ಯಃ ॥
ಶ್ರೀ _____ ನಮಃ । ಶರ‍್ಕರಯಾ ಸ್ನಪಯಾಮಿ ।
// (ಋ।ವೇ।೯-೮೫-೬) ಸ್ವಾದುಃ, ಪವಸ್ವ, ದಿವ್ಯಾಯ, ಜನ್ಮನೇ, ಸ್ವಾದುಃ, ಇನ್ದ್ರಾಯ, ಸುಹವೀತು ನಾಮ್ನೇ, ಸ್ವಾದುಃ, ಮಿತ್ರಾಯ, ವರುಣಾಯ, ವಾಯವೇ, ಬೃಹಸ್ಪತಯೇ, ಮಧು-ಮಾನ್, ಅದಾಭ್ಯಃ //
ಶ್ರೀ _____ ನಮಃ । ಪಞ್ಚಾಮೃತ ಸ್ನಾನಂ ಸಮರ‍್ಪಯಾಮಿ ।
– ಫಲೋದಕಮ್ –
ಯಾಃ ಫ॒ಲಿನೀ॒ರ‍್ಯಾ ಅ॑ಫ॒ಲಾ ಅ॑ಪು॒ಷ್ಪಾಯಾಶ್ಚ॑ ಪು॒ಷ್ಪಿಣೀ᳚: ।
ಬೃಹ॒ಸ್ಪತಿ॑ ಪ್ರಸೂತಾ॒ಸ್ತಾ ನೋ॑ ಮುಞ್ಚ॒ನ್ತ್ವಗ್ಂಹ॑ಸಃ ॥
ಶ್ರೀ _____ ನಮಃ । ಫಲೋದಕೇನ ಸ್ನಪಯಾಮಿ ।
// (ತೈ।ಸಂ।೪-೨-೬-೨೭) ಯಾಃ, ಫಲಿನೀಃ, ಯಾಃ, ಅಫಲಾಃ, ಅಪುಷ್ಪಾಃ, ಯಾಃ, ಚ, ಪುಷ್ಪಿಣೀಃ, ಬೃಹಸ್ಪತಿ-ಪ್ರಸೂತಾಃ, ತಾಃ, ನಃ, ಮುಞ್ಚನ್ತು, ಅಂ-ಹಸಃ //
– ಶುದ್ಧೋದಕ ಸ್ನಾನಮ್ –
ಆಪೋ॒ ಹಿಷ್ಠಾ ಮ॑ಯೋ॒ ಭುವ॒ಸ್ತಾ ನ॑ ಊ॒ರ‍್ಜೇ ದ॑ಧಾತನ ।
ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥
ಯೋ ವ॑: ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ಹ ನ॑: ।
ಉ॒ಶ॒ತೀರಿ॑ವ ಮಾ॒ತ॑ರಃ ॥
ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ ।
ಆಪೋ॑ ಜ॒ನಯ॑ಥಾ ಚ ನಃ ॥
ಶ್ರೀ _____ ನಮಃ । ಶುದ್ಧೋದಕೇನ ಸ್ನಪಯಾಮಿ ।
// (ತೈ।ಸಂ। ೭-೪-೧೯-೫೦) ಆಪಃ, ಹಿ, ಸ್ಥ, ಮಯಃ-ಭುವಃ, ತಾಃ, ನಃ, ಊರ‍್ಜೇ, ದಧಾತನ, ಮಹೇ, ರಣಾಯ, ಚಕ್ಷಸೇ, ಯಃ, ವಃ, ಶಿವ-ತಮಃ, ರಸಃ, ತಸ್ಯ, ಭಾಜಯತ, ಇಹ, ನಃ, ಉಶತೀಃ, ಇವ, ಮಾತರಃ, ತಸ್ಮೈ, ಅರಂ, ಗಮಾಮ, ವಃ, ಯಸ್ಯ, ಕ್ಷಯಾಯ, ಜಿನ್ವಥ, ಆಪಃ, ಜನಯಥ, ಚ, ನಃ //
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.