Read in తెలుగు / ಕನ್ನಡ / தமிழ் / देवनागरी / English (IAST)
(ಧನ್ಯವಾದಃ – ಶ್ರೀ ಪೀ.ವೀ.ಆರ್.ನರಸಿಂಹಾ ರಾವು ಮಹೋದಯಃ)
ಜ್ಯೋತೀಶ ದೇವ ಭುವನತ್ರಯ ಮೂಲಶಕ್ತೇ
ಗೋನಾಥ ಭಾಸುರ ಸುರಾದಿಭಿರೀಡ್ಯಮಾನ |
ನೄಣಾಂಶ್ಚ ವೀರ್ಯವರದಾಯಕ ಆದಿದೇವ
ಆದಿತ್ಯ ವೇದ್ಯ ಮಮ ದೇಹಿ ಕರಾವಲಂಬಮ್ || ೧ ||
ನಕ್ಷತ್ರನಾಥ ಸುಮನೋಹರ ಶೀತಲಾಂಶೋ
ಶ್ರೀಭಾರ್ಗವೀಪ್ರಿಯಸಹೋದರ ಶ್ವೇತಮೂರ್ತೇ |
ಕ್ಷೀರಾಬ್ಧಿಜಾತ ರಜನೀಕರ ಚಾರುಶೀಲ
ಶ್ರೀಮಚ್ಛಶಾಂಕ ಮಮ ದೇಹಿ ಕರಾವಲಂಬಮ್ || ೨ ||
ರುದ್ರಾತ್ಮಜಾತ ಬುಧಪೂಜಿತ ರೌದ್ರಮೂರ್ತೇ
ಬ್ರಹ್ಮಣ್ಯ ಮಂಗಳ ಧರಾತ್ಮಜ ಬುದ್ಧಿಶಾಲಿನ್ |
ರೋಗಾರ್ತಿಹಾರ ಋಣಮೋಚಕ ಬುದ್ಧಿದಾಯಿನ್
ಶ್ರೀಭೂಮಿಜಾತ ಮಮ ದೇಹಿ ಕರಾವಲಂಬಮ್ || ೩ ||
ಸೋಮಾತ್ಮಜಾತ ಸುರಸೇವಿತ ಸೌಮ್ಯಮೂರ್ತೇ
ನಾರಾಯಣಪ್ರಿಯ ಮನೋಹರ ದಿವ್ಯಕೀರ್ತೇ |
ಧೀಪಾಟವಪ್ರದ ಸುಪಂಡಿತ ಚಾರುಭಾಷಿನ್
ಶ್ರೀಸೌಮ್ಯದೇವ ಮಮ ದೇಹಿ ಕರಾವಲಂಬಮ್ || ೪ ||
ವೇದಾಂತಧೀತಿಪರಿಷಿಕ್ತ ಬುಧಾದಿವೇದ್ಯ
ಬ್ರಹ್ಮಾದಿವಂದಿತ ಗುರೋ ಸುರಸೇವಿತಾಂಘ್ರೇ |
ಯೋಗೀಶ ಬ್ರಹ್ಮಗುಣಭೂಷಿತ ವಿಶ್ವಯೋನೇ
ವಾಗೀಶ ದೇವ ಮಮ ದೇಹಿ ಕರಾವಲಂಬಮ್ || ೫ ||
ಉಲ್ಲಾಸದಾಯಕ ಕವೇ ಭೃಗುವಂಶಜಾತ
ಲಕ್ಷ್ಮೀಸಹೋದರ ಕಳಾತ್ಮಕ ಭಾಗ್ಯದಾಯಿನ್ |
ಕಾಮಾದಿರಾಗಕರ ದೈತ್ಯಗುರೋ ಸುಶೀಲ
ಶ್ರೀಶುಕ್ರದೇವ ಮಮ ದೇಹಿ ಕರಾವಲಂಬಮ್ || ೬ ||
ದ್ವೇಷೈಷಣಾರಹಿತ ಶಾಶ್ವತ ಕಾಲರೂಪ
ಛಾಯಾಸುನಂದನ ಯಮಾಗ್ರಜ ಕ್ರೂರಚೇಷ್ಟ |
ಕಷ್ಟಾದ್ಯನಿಷ್ಟಕರ ಧೀವರ ಮಂದಗಾಮಿನ್
ಮಾರ್ತಾಂಡಜಾತ ಮಮ ದೇಹಿ ಕರಾವಲಂಬಮ್ || ೭ ||
ಮಾರ್ತಾಂಡಪೂರ್ಣಶಶಿಮರ್ದಕ ರೌದ್ರವೇಷ
ಸರ್ಪಾಧಿನಾಥ ಸುರಭೀಕರ ದೈತ್ಯಜನ್ಮ |
ಗೋಮೇಧಿಕಾಭರಣಭಾಸಿತ ಭಕ್ತಿದಾಯಿನ್
ಶ್ರೀರಾಹುದೇವ ಮಮ ದೇಹಿ ಕರಾವಲಂಬಮ್ || ೮ ||
ಆದಿತ್ಯಸೋಮಪರಿಪೀಡಕ ಚಿತ್ರವರ್ಣ
ಹೇ ಸಿಂಹಿಕಾತನಯ ವೀರ ಭುಜಂಗನಾಥ |
ಮಂದಸ್ಯ ಮುಖ್ಯಸಖ ಧೀವರ ಮುಕ್ತಿದಾಯಿನ್
ಶ್ರೀಕೇತುದೇವ ಮಮ ದೇಹಿ ಕರಾವಲಂಬಮ್ || ೯ ||
ಮಾರ್ತಾಂಡ ಚಂದ್ರ ಕುಜ ಸೌಮ್ಯ ಬೃಹಸ್ಪತೀನಾಂ
ಶುಕ್ರಸ್ಯ ಭಾಸ್ಕರಸುತಸ್ಯ ಚ ರಾಹುಮೂರ್ತೇಃ |
ಕೇತೋಶ್ಚ ಯಃ ಪಠತಿ ಭೂರಿ ಕರಾವಲಂಬ-
-ಸ್ತೋತ್ರಂ ಸ ಯಾತು ಸಕಲಾಂಶ್ಚ ಮನೋರಥಾರಾನ್ || ೧೦ ||
ಇತಿ ಶ್ರೀನರಸಿಂಹರಾವ್ ಶರ್ಮ ಕೃತ ನವಗ್ರಹ ಕರಾವಲಂಬ ಸ್ತೋತ್ರಮ್ |
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.