Read in తెలుగు / ಕನ್ನಡ / தமிழ் / देवनागरी / English (IAST)
namō:’stu tē mahādēvi śivē kalyāṇi śāmbhavi |
prasīda vēdavinutē jagadamba namō:’stu tē || 1 ||
jagatāmādibhūtā tvaṁ jagattvaṁ jagadāśrayā |
ēkā:’pyanēkarūpāsi jagadamba namō:’stu tē || 2 ||
sr̥ṣṭisthitivināśānāṁ hētubhūtē munistutē |
prasīda dēvavinutē jagadamba namō:’stu tē || 3 ||
sarvēśvari namastubhyaṁ sarvasaubhāgyadāyini |
sarvaśaktiyutē:’nantē jagadamba namō:’stu tē || 4 ||
vividhāriṣṭaśamani trividhōtpātanāśini |
prasīda dēvi lalitē jagadamba namō:’stu tē || 5 ||
prasīda karuṇāsindhō tvattaḥ kāruṇikā parā |
yatō nāsti mahādēvi jagadamba namō:’stu tē || 6 ||
śatrūn jahi jayaṁ dēhi sarvānkāmāṁśca dēhi mē |
bhayaṁ nāśaya rōgāṁśca jagadamba namō:’stu tē || 7 ||
jagadamba namō:’stu tē hitē
jaya śambhōrdayitē mahāmatē |
kuladēvi namō:’stu tē sadā
hr̥di mē tiṣṭha yatō:’si sarvadā || 8 ||
tulajāpuravāsinyā dēvyāḥ stōtramidaṁ param |
yaḥ paṭhētprayatō bhaktyā sarvānkāmānsa āpnuyāt || 9 ||
iti śrīmatparamahaṁsa parivrājakācārya śrīvāsudēvānandasarasvatī viracitaṁ śrītulajāpuravāsinyā dēvyāḥ stōtraṁ sampūrṇam |
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.