Read in తెలుగు / ಕನ್ನಡ / தமிழ் / देवनागरी / English (IAST)
na bhūmirna tōyaṁ na tējō na vāyuḥ
na khaṁ nēndriyaṁ vā na tēṣāṁ samūhaḥ
anēkāntikatvātsuṣuptyēkasiddhaḥ
tadēkō:’vaśiṣṭaḥ śivaḥ kēvalō:’ham || 1 ||
na varṇā na varṇāśramācāradharmā
na mē dhāraṇādhyānayōgādayōpi
anātmāśrayāhaṁ mamādhyāsahānā-
ttadēkō:’vaśiṣṭaḥ śivaḥ kēvalō:’ham || 2 ||
na mātā pitā vā na dēvā na lōkā
na vēdā na yajñā na tīrtha bruvanti
suṣuptau nirastātiśūnyātmakatvā-
ttadēkō:’vaśiṣṭaḥ śivaḥ kēvalō:’ham || 3 ||
na sāṅkhyaṁ na śaivaṁ na tatpāñcarātraṁ
na jainaṁ na mīmāṁsakādērmataṁ vā
viśiṣṭānubhūtyā viśuddhātmakatvā-
ttadēkō:’vaśiṣṭaḥ śivaḥ kēvalō:’ham || 4 ||
na cōrdhvaṁ na cādhō na cāntarna bāhyaṁ
na madhyaṁ na tiryanna pūrvā:’parā dik
viyadvyāpakatvādakhaṇḍaikarūpaḥ
tadēkō:’vaśiṣṭaḥ śivaḥ kēvalō:’ham || 5 ||
na śuklaṁ na kr̥ṣṇaṁ na raktaṁ na pītaṁ
na kubjaṁ na pīnaṁ na hrasvaṁ na dīrghaṁ
arūpaṁ tathā jyōtirākārakatvā-
ttadēkō:’vaśiṣṭaḥ śivaḥ kēvalō:’ham || 6 ||
na śāstā na śāstraṁ na śiṣyō na śikṣā
na ca tvaṁ na cāhaṁ na cāyaṁ prapañcaḥ
svarūpāvabōdhī vikalpāsahiṣṇuḥ
tadēkō:’vaśiṣṭaḥ śivaḥ kēvalō:’ham || 7 ||
na jāgranna mē svapnakō vā suṣuptiḥ
na viśvō na vā taijasaḥ pājñakō vā
avidyātmakatvāttrayāṇaṁ turīyaḥ
tadēkō:’vaśiṣṭaḥ śivaḥ kēvalō:’ham || 8 ||
api vyāpakatvāddhitatvaprayōgā-
tsvataḥ siddhabhāvādananyāśrayatvāt
jagattucchamētatsamastaṁ tadanya-
ttadēkō:’vaśiṣṭaḥ śivaḥ kēvalō:’ham || 9 ||
na caikaṁ tadanyaddvitīyaṁ kutaḥ syāt
na kēvalatvaṁ na cākēvalatvaṁ
na śūnyaṁ na cāśūnyamadvaitakatvā-
tkathaṁ sarvavēdāntasiddhiṁ bravīmi || 10 ||
See more vividha stōtrāṇi for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.