Read in తెలుగు / ಕನ್ನಡ / தமிழ் / देवनागरी / English (IAST)
namō:’stutē bhairava bhīmamūrtē trailōkya gōptrēśitaśūlapāṇē |
kapālapāṇē bhujagēśahāra trinētra māṁ pāhi vipanna buddhim || 1 ||
jayasva sarvēśvara viśvamūrtē surāsurairvanditapādapīṭha |
trailōkya mātarguravē vr̥ṣāṅka bhītaśśaraṇyaṁ śaraṇā gatōsmi || 2 ||
tvaṁ nātha dēvāśśivamīrayanti siddhā haraṁ sthāṇumamarṣitāśca |
bhīmaṁ ca yakṣā manujā mahēśvaraṁ bhūtāni bhūtādhipa muccaranti || 3 ||
niśācarāstūgramupācaranti bhavēti puṇyāḥ pitarō namastē |
dāsō:’smi tubhyaṁ hara pāhi mahyaṁ pāpakṣayaṁ mē kuru lōkanātha || 4 ||
bhavāṁ-stridēva-striyuga-stridharmā tripuṣkaraścāsi vibhō trinētra |
trayāruṇistvaṁ śrutiravyayātmā punīhi māṁ tvāṁ śaraṇaṁ gatō:’smi || 5 ||
triṇācikēta-stripadapratiṣṭha-ṣṣaḍaṅgavit strīviṣayēṣvalubdhaḥ |
trailōkyanāthōsi punīhi śaṁbhō dāsō:’smi bhītaśśaraṇāgatastē || 6 ||
kr̥tō mahāśaṅkara tē:’parādhō mayā mahābhūtapatē girīśa |
kāmāriṇā nirjitamānasēna prasādayē tvāṁ śirasā natō:’smi || 7 ||
pāpō:’haṁ pāpakarmā:’haṁ pāpātmā pāpasaṁbhavaḥ |
trāhi māṁ dēvadēvēśa sarvapāpaharō bhava || 8 ||
mama daivāparādhōsti tvayā vai tādr̥śōpyaham |
spr̥ṣṭaḥ pāpasamācārō māṁ prasannō bhavēśvara || 9 ||
tvaṁ kartā caiva dhātā ca jayatvaṁ ca mahājaya |
tvaṁ maṅgalyastvamōṅkāra-stvamōṅkārō vyayō dhr̥taḥ || 10 ||
tvaṁ brahmasr̥ṣṭikr̥nnāthastvaṁ viṣṇustvaṁ mahēśvaraḥ |
tvamindrastvaṁ vaṣaṭkārō dharmastvaṁ tu hitōttamaḥ || 11 ||
sūkṣmastvaṁ vyaktarūpastvaṁ tvamavyaktaścadhīvaraḥ |
tvayā sarvamidaṁ vyāptaṁ jagat sthāvarajaṅgamam || 12 ||
tvamādirantō madhyaṁ ca tvamēva ca sahasrapāt |
vijayastvaṁ sahasrākṣō cittapākhyō mahābhujaḥ || 13 ||
anantassarvagō vyāpī haṁsaḥ puṇyādhikōcyutaḥ |
gīrvāṇapatiravyagrō rudraḥ paśupatiśśivaḥ || 14 ||
traividyastvaṁ jitakrōdhō jitārātirjitēndriyaḥ |
jayaśca śūlapāṇi stvaṁ pāhi māṁ śaraṇāgatam || 15 ||
iti śrīvāmanapurāṇāntargatā andhakakr̥ta śivastutiḥ |
See more śrī śiva stotras for chanting.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.