Mahanyasam 15. Uttara Narayanam – ೧೫) ಉತ್ತರನಾರಾಯಣಮ್

Read in తెలుగు / ಕನ್ನಡ / தமிழ் / देवनागरी / English (IAST)

(ತೈ.ಆ.೩-೧೩-೪೦)

ಅ॒ದ್ಭ್ಯಃ ಸಮ್ಭೂ॑ತಃ ಪೃಥಿ॒ವ್ಯೈ ರಸಾ᳚ಚ್ಚ । ವಿ॒ಶ್ವಕ॑ರ್ಮಣ॒: ಸಮ॑ವರ್ತ॒ತಾಧಿ॑ । ತಸ್ಯ॒ ತ್ವಷ್ಟಾ॑ ವಿ॒ದಧ॑ದ್ರೂ॒ಪಮೇ॑ತಿ । ತತ್ಪುರು॑ಷಸ್ಯ॒ ವಿಶ್ವ॒ಮಾಜಾ॑ನ॒ಮಗ್ರೇ᳚ । ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾನ್ತ᳚ಮ್ । ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒: ಪರ॑ಸ್ತಾತ್ । ತಮೇ॒ವಂ ವಿ॒ದ್ವಾನ॒ಮೃತ॑ ಇ॒ಹ ಭ॑ವತಿ । ನಾನ್ಯಃ ಪನ್ಥಾ॑ ವಿದ್ಯ॒ತೇಽಯ॑ನಾಯ । ಪ್ರ॒ಜಾಪ॑ತಿಶ್ಚರತಿ॒ ಗರ್ಭೇ॑ ಅ॒ನ್ತಃ । ಅ॒ಜಾಯ॑ಮಾನೋ ಬಹು॒ಧಾ ವಿಜಾ॑ಯತೇ ॥ ೮ ॥

// ಅದ್ಭ್ಯಃ, ಸಮ್ಭೂತಃ, ಪೃಥಿವ್ಯೈ, ರಸಾತ್, ಚ, ವಿಶ್ವಕರ್ಮಣಃ, ಸಮವರ್ತತ, ಅಧಿ, ತಸ್ಯ, ತ್ವಷ್ಟಾ, ವಿದಧತ್, ರೂಪಂ, ಏತಿ, ತತ್, ಪುರುಷಸ್ಯ, ವಿಶ್ವಂ, ಆಜಾನಂ, ಅಗ್ರೇ, ವೇದ, ಅಹಂ, ಏತಂ, ಪುರುಷಂ, ಮಹಾನ್ತಂ, ಆದಿತ್ಯ-ವರ್ಣಂ, ತಮಸಃ, ಪರಃ, ತಾತ್, ತಂ, ಏವಂ, ವಿದ್ವಾನ್, ಅಮೃತಃ, ಇಹ, ಭವತಿ, ನ, ಅನ್ಯಃ, ಪನ್ಥಾಃ, ವಿದ್ಯತೇ, ಅಯನಾಯ, ಪ್ರಜಾಪತಿಃ, ಚರತಿ, ಗರ್ಭೇ, ಅನ್ತಃ, ಅಜಾಯಮಾನಃ, ಬಹುಧಾ, ವಿಜಾಯತೇ //

ತಸ್ಯ॒ ಧೀರಾ॒: ಪರಿ॑ಜಾನನ್ತಿ॒ ಯೋನಿ᳚ಮ್ । ಮರೀ॑ಚೀನಾಂ ಪ॒ದಮಿ॑ಚ್ಛನ್ತಿ ವೇ॒ಧಸ॑: । ಯೋ ದೇ॒ವೇಭ್ಯ॒ ಆತ॑ಪತಿ । ಯೋ ದೇ॒ವಾನಾಂ᳚ ಪು॒ರೋಹಿ॑ತಃ । ಪೂರ್ವೋ॒ ಯೋ ದೇ॒ವೇಭ್ಯೋ॑ ಜಾ॒ತಃ । ನಮೋ॑ ರು॒ಚಾಯ॒ ಬ್ರಾಹ್ಮ॑ಯೇ । ರುಚಂ॑ ಬ್ರಾ॒ಹ್ಮಂ ಜ॒ನಯ॑ನ್ತಃ । ದೇ॒ವಾ ಅಗ್ರೇ॒ ತದ॑ಬ್ರುವನ್ । ಯಸ್ತ್ವೈ॒ವಂ ಬ್ರಾ᳚ಹ್ಮ॒ಣೋ ವಿ॒ದ್ಯಾತ್ । ತಸ್ಯ॑ ದೇ॒ವಾ ಅಸ॒ನ್ವಶೇ᳚ ॥ ೯ ॥

// ತಸ್ಯ, ಧೀರಾಃ, ಪರಿ-ಜಾನನ್ತಿ, ಯೋನಿಂ, ಮರೀಚೀನಾಂ, ಪದಂ, ಇಚ್ಛನ್ತಿ, ವೇಧಸಃ, ಯಃ, ದೇವೇಭ್ಯಃ, ಆತಪತಿ, ಯಃ, ದೇವಾನಾಂ, ಪುರೋಹಿತಃ, ಪೂರ್ವಃ, ಯಃ, ದೇವೇಭ್ಯಃ, ಜಾತಃ, ನಮಃ, ರುಚಾಯ, ಬ್ರಾಹ್ಮಯೇ, ರುಚಂ, ಬ್ರಾಹ್ಮಂ, ಜನಯನ್ತಃ, ದೇವಾಃ, ಅಗ್ರೇ, ತತ್, ಅಬ್ರುವನ್, ಯಃ, ತು, ಏವಂ, ಬ್ರಾಹ್ಮಣಃ, ವಿದ್ಯಾತ್, ತಸ್ಯ, ದೇವಾಃ, ಅಸನ್, ವಶೇ //

ಹ್ರೀಶ್ಚ॑ ತೇ ಲ॒ಕ್ಷ್ಮೀಶ್ಚ॒ ಪತ್ನ್ಯೌ᳚ । ಅ॒ಹೋ॒ರಾ॒ತ್ರೇ ಪಾ॒ರ್ಶ್ವೇ । ನಕ್ಷ॑ತ್ರಾಣಿ ರೂ॒ಪಮ್ । ಅ॒ಶ್ವಿನೌ॒ ವ್ಯಾತ್ತ᳚ಮ್ । ಇ॒ಷ್ಟಂ ಮ॑ನಿಷಾಣ । ಅ॒ಮುಂ ಮ॑ನಿಷಾಣ । ಸರ್ವಂ॑ ಮನಿಷಾಣ ॥ ೧೦ ॥

// ಹ್ರೀಃ, ಚ, ತೇ, ಲಕ್ಷ್ಮೀಃ, ಚ, ಪತ್ನ್ಯೌ, ಅಹಃ-ರಾತ್ರೇ, ಪಾರ್ಶ್ವೇ, ನಕ್ಷತ್ರಾಣಿ, ರೂಪಂ, ಅಶ್ವಿನೌ, ವ್ಯಾತ್ತಂ, ಇಷ್ಟಂ, ಮನಿಷಾಣ, ಅಮುಂ, ಮನಿಷಾಣ, ಸರ್ವಂ, ಮನಿಷಾಣ //

ಓಂ ನಮೋ ಭಗವತೇ॑ ರುದ್ರಾ॒ಯ । ಉತ್ತರನಾರಾಯಣಗ್ಂ ಶಿಖಾಯೈ ವಷಟ್ ॥

Did you see any mistake/variation in the content above? Click here to report mistakes and corrections in Stotranidhi content.