Read in తెలుగు / ಕನ್ನಡ / தமிழ் / देवनागरी / English (IAST)
ஶ்ரிதாநந்த³சிந்தாமணி ஶ்ரீநிவாஸம்
ஸதா³ ஸச்சிதா³நந்த³ பூர்ணப்ரகாஶம் ।
உதா³ரம் ஸுதா³ரம் ஸுராதா⁴ரமீஶம்
பரம் ஜ்யோதிரூபம் ப⁴ஜே பூ⁴தநாத²ம் ॥ 1 ॥
விபு⁴ம் வேத³வேதா³ந்தவேத்³யம் வரிஷ்ட²ம்
விபூ⁴திப்ரத³ம் விஶ்ருதம் ப்³ரஹ்மநிஷ்ட²ம் ।
விபா⁴ஸ்வத்ப்ரபா⁴வப்ரப⁴ம் புஷ்களேஷ்டம்
பரம் ஜ்யோதிரூபம் ப⁴ஜே பூ⁴தநாத²ம் ॥ 2 ॥
பரித்ராணத³க்ஷம் பரப்³ரஹ்மஸூத்ரம்
ஸ்பு²ரச்சாருகா³த்ரம் ப⁴வத்⁴வாந்தமித்ரம் ।
பரம் ப்ரேமபாத்ரம் பவித்ரம் விசித்ரம்
பரம் ஜ்யோதிரூபம் ப⁴ஜே பூ⁴தநாத²ம் ॥ 3 ॥
பரேஶம் ப்ரபு⁴ம் பூர்ணகாருண்யரூபம்
கி³ரீஶாதி³பீடோ²ஜ்ஜ்வலச்சாருதீ³பம் ।
ஸுரேஶாதி³ஸம்ஸேவிதம் ஸுப்ரதாபம்
பரம் ஜ்யோதிரூபம் ப⁴ஜே பூ⁴தநாத²ம் ॥ 4 ॥
ஹரீஶாநஸம்யுக்தஶக்த்யைகவீரம்
கிராதாவதாரம் க்ருபாபாங்க³பூரம் ।
கிரீடாவதம்ஸோஜ்ஜ்வலத் பிஞ்ச²பா⁴ரம்
பரம் ஜ்யோதிரூபம் ப⁴ஜே பூ⁴தநாத²ம் ॥ 5 ॥
கு³ரும் பூர்ணலாவண்யபாதா³தி³கேஶம்
க³ரீயம் மஹாகோடிஸூர்யப்ரகாஶம் ।
கராம்போ⁴ருஹந்யஸ்தவேத்ரம் ஸுரேஶம்
பரம் ஜ்யோதிரூபம் ப⁴ஜே பூ⁴தநாத²ம் ॥ 6 ॥
மஹாயோக³பீடே² ஜ்வலந்தம் மஹாந்தம்
மஹாவாக்யஸாரோபதே³ஶம் ஸுஶாந்தம் ।
மஹர்ஷிப்ரஹர்ஷப்ரத³ம் ஜ்ஞாநகந்த³ம்
பரம் ஜ்யோதிரூபம் ப⁴ஜே பூ⁴தநாத²ம் ॥ 7 ॥
மஹாரண்யமந்மாநஸாந்தர்நிவாஸாந்
அஹங்காரது³ர்வாரஹிம்ஸ்ரா ம்ருகா³தீ³ந் ।
நிஹந்தம் கிராதாவதாரம் சரந்தம்
பரம் ஜ்யோதிரூபம் ப⁴ஜே பூ⁴தநாத²ம் ॥ 8 ॥
ப்ருதி²வ்யாதி³பூ⁴தப்ரபஞ்சாந்தரஸ்த²ம்
ப்ருத²க்³பூ⁴தசைதந்யஜந்யம் ப்ரஶஸ்தம் ।
ப்ரதா⁴நம் ப்ரமாணம் புராணப்ரஸித்³த⁴ம்
பரம் ஜ்யோதிரூபம் ப⁴ஜே பூ⁴தநாத²ம் ॥ 9 ॥
ஜக³ஜ்ஜீவநம் பாவநம் பாவநீயம்
ஜக³த்³வ்யாபகம் தீ³பகம் மோஹநீயம் ।
ஸுகா²தா⁴ரமாதா⁴ரபூ⁴தம் துரீயம்
பரம் ஜ்யோதிரூபம் ப⁴ஜே பூ⁴தநாத²ம் ॥ 10 ॥
இஹாமுத்ர ஸத்ஸௌக்²யஸம்பந்நிதா⁴நம்
மஹத்³யோநிமவ்யாஹதாத்மாபி⁴தா⁴நம் ।
அஹ꞉ புண்ட³ரீகாநநம் தீ³ப்யமாநம்
பரம் ஜ்யோதிரூபம் ப⁴ஜே பூ⁴தநாத²ம் ॥ 11 ॥
த்ரிகாலஸ்தி²தம் ஸுஸ்தி²ரம் ஜ்ஞாநஸம்ஸ்த²ம்
த்ரிதா⁴ம த்ரிமூர்த்யாத்மகம் ப்³ரஹ்மஸம்ஸ்த²ம் ।
த்ரயீமூர்திமார்திச்சி²த³ம் ஶக்தியுக்தம்
பரம் ஜ்யோதிரூபம் ப⁴ஜே பூ⁴தநாத²ம் ॥ 12 ॥
இடா³ம் பிங்க³ளாம் ஸத்ஸுஷும்ணாம் விஶந்தம்
ஸ்பு²டம் ப்³ரஹ்மரந்த்⁴ர ஸ்வதந்த்ரம் ஸுஶாந்தம் ।
த்³ருட⁴ம் நித்ய நிர்வாணமுத்³பா⁴ஸயந்தம்
பரம் ஜ்யோதிரூபம் ப⁴ஜே பூ⁴தநாத²ம் ॥ 13 ॥
அணுப்³ரஹ்மபர்யந்த ஜீவைக்யபி³ம்ப³ம்
கு³ணாகாரமத்யந்தப⁴க்தாநுகம்பம் ।
அநர்க⁴ம் ஶுபோ⁴த³ர்கமாத்மாவளம்ப³ம்
பரம் ஜ்யோதிரூபம் ப⁴ஜே பூ⁴தநாத²ம் ॥ 14 ॥
இதி ஶ்ரீ பூ⁴தநாத² பு⁴ஜங்க³ ஸ்தோத்ரம் ।
மேலும் ஶ்ரீ அய்யப்ப ஸ்தோத்திரங்கள் பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
