Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]
నమామి దూతం రామస్య సుఖదం చ సురద్రుమమ్ |
శ్రీ మారుతాత్మసంభూతం విద్యుత్కాంచన సన్నిభమ్ || ౧
పీనవృత్తం మహాబాహుం సర్వశత్రునివారణమ్ |
రామప్రియతమం దేవం భక్తాభీష్టప్రదాయకమ్ || ౨
నానారత్నసమాయుక్తం కుండలాదివిరాజితమ్ |
ద్వాత్రింశల్లక్షణోపేతం స్వర్ణపీఠవిరాజితమ్ || ౩
త్రింశత్కోటిబీజసంయుక్తం ద్వాదశావర్తి ప్రతిష్ఠితమ్ |
పద్మాసనస్థితం దేవం షట్కోణమండలమధ్యగమ్ || ౪
చతుర్భుజం మహాకాయం సర్వవైష్ణవశేఖరమ్ |
గదాఽభయకరం హస్తౌ హృదిస్థో సుకృతాంజలిమ్ || ౫
హంసమంత్ర ప్రవక్తారం సర్వజీవనియామకమ్ |
ప్రభంజనశబ్దవాచ్యేణ సర్వదుర్మతభంజకమ్ || ౬
సర్వదాఽభీష్టదాతారం సతాం వై దృఢమహవే |
అంజనాగర్భసంభూతం సర్వశాస్త్రవిశారదమ్ || ౭
కపీనాం ప్రాణదాతారం సీతాన్వేషణతత్పరమ్ |
అక్షాదిప్రాణహంతారం లంకాదహనతత్పరమ్ || ౮
లక్ష్మణప్రాణదాతారం సర్వవానరయూథపమ్ |
కింకరాః సర్వదేవాద్యాః జానకీనాథస్య కింకరమ్ || ౯
వాసినం చక్రతీర్థస్య దక్షిణస్థ గిరౌ సదా |
తుంగాంభోది తరంగస్య వాతేన పరిశోభితే || ౧౦
నానాదేశగతైః సద్భిః సేవ్యమానం నృపోత్తమైః |
ధూపదీపాది నైవేద్యైః పంచఖాద్యైశ్చ శక్తితః || ౧౧
భజామి శ్రీహనూమంతం హేమకాంతిసమప్రభమ్ |
వ్యాసతీర్థయతీంద్రేణ పూజితం చ విధానతః || ౧౨
త్రివారం యః పఠేన్నిత్యం స్తోత్రం భక్త్యా ద్విజోత్తమః |
వాంఛితం లభతేఽభీష్టం షణ్మాసాభ్యంతరే ఖలు || ౧౩
పుత్రార్థీ లభతే పుత్రం యశోఽర్థీ లభతే యశః |
విద్యార్థీ లభతే విద్యాం ధనార్థీ లభతే ధనమ్ || ౧౪
సర్వథా మాఽస్తు సందేహో హరిః సాక్షీ జగత్పతిః |
యః కరోత్యత్ర సందేహం స యాతి నరకం ధ్రువమ్ || ౧౫
యంత్రోధారకస్తోత్రం షోడశశ్లోకసంయుతమ్ |
శ్రవణం కీర్తనం వా సర్వపాపైః ప్రముచ్యతే || ౧౬
ఇతి శ్రీ వ్యాసరాజకృత యంత్రోధారక హనుమత్ స్తోత్రమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ రామ స్తోత్రనిధి
(నిత్య పారాయణ గ్రంథము)
మరిన్ని శ్రీ హనుమాన్ స్తోత్రాలు పఠించండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
