Read in తెలుగు / ಕನ್ನಡ / தமிழ் / देवनागरी / English (IAST)
అస్య శ్రీవిష్ణుకవచస్తోత్రమహామంత్రస్య, బ్రహ్మా ఋషిః, అనుష్టుప్ ఛన్దః, శ్రీమన్నారాయణో దేవతా, శ్రీమన్నారాయణప్రసాదసిద్ధ్యర్థే జపే వినియోగః |
ఓం కేశవాయ అంగుష్ఠాభ్యాం నమః |
ఓం నారాయణాయ తర్జనీభ్యాం నమః |
ఓం మాధవాయ మధ్యమాభ్యాం నమః |
ఓం గోవిందాయ అనామికాభ్యాం నమః |
ఓం విష్ణవే కనిష్ఠికాభ్యాం నమః |
ఓం మధుసూదనాయ కరతలకరపృష్ఠాభ్యాం నమః ||
ఓం త్రివిక్రమాయ హృదయాయ నమః |
ఓం వామనాయ శిరసే స్వాహా |
ఓం శ్రీధరాయ శిఖాయై వషట్ |
ఓం హృషీకేశాయ కవచాయ హుం |
ఓం పద్మనాభాయ నేత్రత్రయాయ వౌషట్ |
ఓం దామోదరాయ అస్త్రాయ ఫట్ |
భూర్భువస్సువరోమితి దిగ్బంధః ||
ధ్యానమ్ |
శాంతాకారం భుజగశయనం పద్మనాభం సురేశం
విశ్వాకారం గగనసదృశం మేఘవర్ణం శుభాంగమ్ |
లక్ష్మీకాంతం కమలనయనం యోగిహృద్ధ్యానగమ్యం
వందే విష్ణుం భవభయహరం సర్వలోకైకనాథమ్ ||
ఓం పూర్వతో మాం హరిః పాతు పశ్చాచ్చక్రీ చ దక్షిణే |
కృష్ణ ఉత్తరతః పాతు శ్రీశో విష్ణుశ్చ సర్వతః ||
ఊర్ధ్వమానందకృత్పాతు అధస్తాచ్ఛార్ఙ్గభృత్సదా |
పాదౌ పాతు సరోజాంఘ్రిః జంఘే పాతు జనార్దనః ||
జానునీ మే జగన్నాథః ఊరూ పాతు త్రివిక్రమః |
గుహ్యం పాతు హృషీకేశః పృష్ఠం పాతు మమావ్యయః ||
పాతు నాభిం మమానన్తః కుక్షిం రాక్షసమర్దనః |
దామోదరో మే హృదయం వక్షః పాతు నృకేసరీ ||
కరౌ మే కాళియారాతిః భుజౌ భక్తార్తిభంజనః |
కంఠం కాలాంబుదశ్యామః స్కన్ధౌ మే కంసమర్దనః ||
నారాయణోఽవ్యాన్నాసాం మే కర్ణౌ కేశిప్రభంజనః |
కపోలే పాతు వైకుంఠో జిహ్వాం పాతు దయానిధిః ||
ఆస్యం దశాస్యహన్తాఽవ్యాత్ నేత్రే మే హరిలోచనః | [** పద్మలోచనః **]
భ్రువౌ మే పాతు భూమీశో లలాటం మే సదాఽచ్యుతః ||
ముఖం మే పాతు గోవిందః శిరో గరుడవాహనః |
మాం శేషశాయీ సర్వేభ్యో వ్యాధిభ్యో భక్తవత్సలః ||
పిశాచాగ్నిజ్వరేభ్యో మామాపద్భ్యోఽవతు వామనః |
సర్వేభ్యో దురితేభ్యశ్చ పాతు మాం పురుషోత్తమః ||
ఇదం శ్రీవిష్ణుకవచం సర్వమంగళదాయకం |
సర్వరోగప్రశమనం సర్వశత్రువినాశనమ్ ||
ఇతి శ్రీవిష్ణుకవచమ్ |
మరిన్ని శ్రీ విష్ణు స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
