Dasaratha Krutha Sri Shani Stotram – శ్రీ శనైశ్చర స్తోత్రం (దశరథ కృతం)


[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]

ధ్యాత్వా సరస్వతీం దేవీం గణనాథం వినాయకమ్ |
రాజా దశరథః స్తోత్రం సౌరేరిదమథాకరోత్ || ౧ ||

దశరథ ఉవాచ |
నమః కృష్ణాయ నీలాయ శితికంఠనిభాయ చ |
నమో నీలమయూఖాయ నీలోత్పలనిభాయ చ || ౨ || [మధూకాయ]

నమో నిర్మాంసదేహాయ దీర్ఘశ్మశ్రుజటాయ చ |
నమో విశాలనేత్రాయ శుష్కోదర భయానక || ౩ ||

నమః పరుషగాత్రాయ స్థూలరోమాయ వై నమః |
నమో నిత్యం క్షుధార్తాయ నిత్యతప్తాయ వై నమః || ౪ || [తృప్తాయ]

నమః కాలాగ్నిరూపాయ కృతాంతక నమోఽస్తు తే |
నమస్తే కోటరాక్షాయ దుర్నిరీక్ష్యాయ వై నమః || ౫ ||

నమో ఘోరాయ రౌద్రాయ భీషణాయ కరాళినే |
నమస్తే సర్వభక్షాయ వలీముఖ నమోఽస్తు తే || ౬ ||

సూర్యపుత్ర నమస్తేఽస్తు భాస్కరే భయదాయక | [భాస్వరో]
అధోదృష్టే నమస్తుభ్యం వపుఃశ్యామ నమోఽస్తు తే || ౭ || [సంవర్తక]

నమో మందగతే తుభ్యం నిస్త్రింశాయ నమో నమః | [నిష్ప్రభాయ]
తపసా దగ్ధదేహాయ నిత్యయోగరతాయ చ || ౮ || [జ్ఞాన]

నమస్తే జ్ఞాననేత్రాయ కాశ్యపాత్మజసూనవే |
తుష్టో దదాసి వై రాజ్యం రుష్టో హరసి తత్‍ క్షణాత్ || ౯ || [క్రుద్ధో]

దేవాసురమనుష్యాశ్చ పశుపక్షిసరీసృపాః |
త్వయా విలోకితాః సౌరే దైన్యమాశు వ్రజంతి చ || ౧౦ ||

బ్రహ్మా శక్రో యమశ్చైవ ఋషయః సప్తతారకాః |
రాజ్యభ్రష్టాశ్చ తే సర్వే తవ దృష్ట్యా విలోకితాః || ౧౧ ||

దేశా నగరగ్రామాశ్చ ద్వీపాశ్చైవాద్రయస్తథా |
రౌద్రదృష్ట్యా తు యే దృష్టాః క్షయం గచ్ఛంతి తత్ క్షణాత్ || ౧౨ ||

ప్రసాదం కురు మే సౌరే వరార్థేఽహం తవాశ్రితః |
సౌరే క్షమస్వాపరాధం సర్వభూతహితాయ చ || ౧౩ ||

ఇతి దశరథ కృత శ్రీ శనైశ్చర స్తోత్రమ్ ||


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

నవగ్రహ స్తోత్రనిధి

(నిత్య పారాయణ గ్రంథము)

Click here to buy


మరిన్ని నవగ్రహ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

14 thoughts on “Dasaratha Krutha Sri Shani Stotram – శ్రీ శనైశ్చర స్తోత్రం (దశరథ కృతం)

స్పందించండి

error: Not allowed