Sri Lakshmi Gayatri Mantra Stuti – శ్రీ లక్ష్మీ గాయత్రీమంత్ర స్తుతిః


[గమనిక: ఈ స్తోత్రము “శ్రీ లక్ష్మీ స్తోత్రనిధి” పారాయణ గ్రంథములో లో కూడా ఉన్నది.]

శ్రీర్లక్ష్మీ కల్యాణీ కమలా కమలాలయా పద్మా |
మామకచేతః సద్మని హృత్పద్మే వసతు విష్ణునా సాకమ్ || ౧ ||

తత్సదోం శ్రీమితిపదైశ్చతుర్భిశ్చతురాగమైః |
చతుర్ముఖస్తుతా మహ్యమిందిరేష్టం ప్రయచ్ఛతు || ౨ ||

సచ్చిత్సుఖత్రయీమూర్తి సర్వపుణ్యఫలాత్మికా |
సర్వేశమహిషీ మహ్యమిందిరేష్టం ప్రయచ్ఛతు || ౩ ||

విద్యా వేదాంతసిద్ధాంతవివేచనవిచారజా |
విష్ణుస్వరూపిణీ మహ్యమిందిరేష్టం ప్రయచ్ఛతు || ౪ ||

తురీయాఽద్వైతవిజ్ఞానసిద్ధిసత్తాస్వరూపిణీ |
సర్వతత్త్వమయీ మహ్యమిందిరేష్టం ప్రయచ్ఛతు || ౫ ||

వరదాఽభయదాంభోజధర పాణిచతుష్టయా |
వాగీశజననీ మహ్యమిందిరేష్టం ప్రయచ్ఛతు || ౬ ||

రేచకైః పూరకైః పూర్ణకుంభకైః పూతదేహిభిః |
మునిభిర్భావితా మహ్యమిందిరేష్టం ప్రయచ్ఛతు || ౭ ||

ణీత్యక్షరముపాసంతో యత్ప్రసాదేన సంతతిమ్ |
కులస్య ప్రాప్నుయుర్మహ్యమిందిరేష్టం ప్రయచ్ఛతు || ౮ ||

యంత్రమంత్రక్రియాసిద్ధిరూపా సర్వసుఖాత్మికా |
యజనాదిమయీ మహ్యమిందిరేష్టం ప్రయచ్ఛతు || ౯ ||

భగవత్యచ్యుతే విష్ణావనంతే నిత్యవాసినీ |
భగవత్యమలా మహ్యమిందిరేష్టం ప్రయచ్ఛతు || ౧౦ ||

గోవిప్రవేదసూర్యాగ్నిగంగాబిల్వసువర్ణగా |
సాలగ్రామమయీ మహ్యమిందిరేష్టం ప్రయచ్ఛతు || ౧౧ ||

దేవతా దేవతానాం చ క్షీరసాగరసంభవా |
కల్యాణీ భార్గవీ మహ్యమిందిరేష్టం ప్రయచ్ఛతు || ౧౨ ||

వక్తి యో వచసా నిత్యం సత్యమేవ న చానృతమ్ |
తస్మిన్యా రమతే మహ్యమిందిరేష్టం ప్రయచ్ఛతు || ౧౩ ||

స్యమంతకాదిమణయో యత్ప్రసాదాంశకాంశకాః |
అనంతవిభవా మహ్యమిందిరేష్టం ప్రయచ్ఛతు || ౧౪ ||

ధీరాణాం వ్యాసవాల్మీకిపూర్వాణాం వాచకం తపః |
యత్ప్రాప్తిఫలకం మహ్యమిందిరేష్టం ప్రయచ్ఛతు || ౧౫ ||

మహానుభావైర్మునిభిః మహాభాగైస్తపస్విభిః |
ఆరాధ్యప్రార్థితా మహ్యమిందిరేష్టం ప్రయచ్ఛతు || ౧౬ ||

హిమాచలసుతావాణీసఖ్యసౌభాగ్యలక్షణా |
యా మూలప్రకృతిర్మహ్యమిందిరేష్టం ప్రయచ్ఛతు || ౧౭ ||

ధియా భక్త్యా భియా వాచా తపః శౌచక్రియార్జవైః |
సద్భిః సమర్చితా మహ్యమిందిరేష్టం ప్రయచ్ఛతు || ౧౮ ||

యోగేన కర్మణా భక్త్యా శ్రద్ధయా శ్రీః సమాప్యతే |
సత్యశౌచపరైర్మహ్యమిందిరేష్టం ప్రయచ్ఛతు || ౧౯ ||

యోగక్షేమౌ సుఖాదీనాం పుణ్యజానాం నిజార్థినే |
దదాతి దయయా మహ్యమిందిరేష్టం ప్రయచ్ఛతు || ౨౦ ||

నః శరీరాణి చేతాంసి కరణాని సుఖాని చ |
యదధీనాని సా మహ్యమిందిరేష్టం ప్రయచ్ఛతు || ౨౧ ||

ప్రజ్ఞామాయుర్బలం విత్తం ప్రజామారోగ్యమీశతామ్ |
యశః పుణ్యం సుఖం మహ్యమిందిరేష్టం ప్రయచ్ఛతు || ౨౨ ||

చోరారివ్యాలరోగార్ణగ్రహపీడానివారిణీ |
అనీతీరభయం మహ్యమిందిరేష్టం ప్రయచ్ఛతు || ౨౩ ||

దయామాశ్రితవాత్సల్యం దాక్షిణ్యం సత్యశీలతామ్ |
నిత్యం యా వహతే మహ్యమిందిరేష్టం ప్రయచ్ఛతు || ౨౪ ||

యా దేవ్యవ్యాజకరుణా యా జగజ్జననీ రమా |
స్వతంత్రశక్తిర్యా మహ్యమిందిరేష్టం ప్రయచ్ఛతు || ౨౫ ||

బ్రహ్మణ్యసుబ్రహ్మణ్యోక్తాం గాయత్ర్యక్షరసమ్మితామ్ |
ఇష్టసిద్ధిర్భవేన్నిత్యం పఠతామిందిరాస్తుతిమ్ || ౨౬ ||

ఇతి శ్రీ లక్ష్మీ గాయత్రీమంత్ర స్తుతిః |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

శ్రీ లక్ష్మీ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ లక్ష్మీ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

3 thoughts on “Sri Lakshmi Gayatri Mantra Stuti – శ్రీ లక్ష్మీ గాయత్రీమంత్ర స్తుతిః

స్పందించండి

error: Not allowed