Sri Ganadhipa Pancharatnam – శ్రీ గణాధిప పంచరత్నం


(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)

సరాగిలోకదుర్లభం విరాగిలోకపూజితం
సురాసురైర్నమస్కృతం జరాపమృత్యునాశకమ్ |
గిరా గురుం శ్రియా హరిం జయంతి యత్పదార్చకా
నమామి తం గణాధిపం కృపాపయః పయోనిధిమ్ || ౧ ||

గిరీంద్రజాముఖాంబుజప్రమోదదానభాస్కరం
కరీంద్రవక్త్రమానతాఘసంఘవారణోద్యతమ్ |
సరీసృపేశబద్ధకుక్షిమాశ్రయామి సంతతం
శరీరకాంతినిర్జితాబ్జబంధుబాలసంతతిమ్ || ౨ ||

శుకాదిమౌనివందితం గకారవాచ్యమక్షరం
ప్రకామమిష్టదాయినం సకామనమ్రపంక్తయే |
చకాసతం చతుర్భుజైర్వికాసిపద్మపూజితం
ప్రకాశితాత్మతత్త్వకం నమామ్యహం గణాధిపమ్ || ౩ ||

నరాధిపత్వదాయకం స్వరాదిలోకనాయకం
జ్వరాదిరోగవారకం నిరాకృతాసురవ్రజమ్ |
కరాంబుజోల్లసత్సృణిం వికారశూన్యమానసైః
హృదా సదా విభావితం ముదా నమామి విఘ్నపమ్ || ౪ ||

శ్రమాపనోదనక్షమం సమాహితాంతరాత్మనాం
సుమాదిభిః సదార్చితం క్షమానిధిం గణాధిపమ్ |
రమాధవాదిపూజితం యమాంతకాత్మసంభవం
శమాదిషడ్గుణప్రదం నమామ్యహం విభూతయే || ౫ ||

గణాధిపస్య పంచకం నృణామభీష్టదాయకం
ప్రణామపూర్వకం జనాః పఠంతి యే ముదా యుతాః |
భవంతి తే విదాం పురః ప్రగీతవైభవా జవాత్
చిరాయుషోఽధికశ్రియః సుసూనవో న సంశయః || ౬ ||

ఇతి శ్రీగణాధిపపంచరత్నం సంపూర్ణమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ గణేశ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ గణేశ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed