Muddugare – ముద్దుగారే


ముద్దుగారే యశోద ముంగిట ముత్యము వీడు |
తిద్దరాని మహిమల దేవకీ సుతుడు ||

అంత నింత గొల్లెతల అరచేతి మాణిక్యము |
పంతమాడే కంసుని పాలి వజ్రము |
కాంతుల మూడు లోకాల గరుడ పచ్చపూస |
చెంతల మాలోనున్న చిన్ని కృష్ణుడు ||

రతికేళి రుక్మిణికి రంగుమోవి పగడము |
మితి గోవర్ధనపు గోమేధికము |
సతమై శంఖు చక్రాల సందుల వైఢూర్యము |
గతియై మమ్ముగాచే(టి) కమలాక్షుడు ||

కాళింగుని తలలపై కప్పిన పుష్యరాగము |
ఏలేటి శ్రీ వేంకటాద్రి యింద్రనీలము |
పాలజలనిధిలోని పాయని దివ్య రత్నము |
బాలుని వలె తిరిగే పద్మనాభుడు ||


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed