౩) అంగన్యాసః
ఓం యా తే॑ రుద్ర శి॒వా త॒నూరఘో॒రాపా॑పకాశినీ |
తయా॑ నస్త॒నువా॒ శన్త॑మయా॒ గిరి॑శన్తా॒భిచా॑కశీహి ||
శిఖాయై నమః ||
ఓం అ॒స్మిన్మ॑హ॒త్య॑ర్ణ॒వే”ఽన్తరి॑క్షే భ॒వా అధి॑ ||
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
శిరసే నమః ||
ఓం స॒హస్రా॑ణి సహస్ర॒శో యే రు॒ద్రా అధి॒ భూమ్యా”మ్ |
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
లలాటాయ నమః ||
ఓం హ॒గ్॒oసశ్శు॑చి॒షద్వసు॑రన్తరిక్ష॒సద్ధోతా॑ వేది॒షదతి॑థిర్దురోణ॒సత్ |
నృ॒షద్వ॑ర॒సదృ॑త॒సద్వ్యో॑మ॒సద॒బ్జా గో॒జా ఋ॑త॒జా అ॑ద్రి॒జా ఋ॒తం బృ॒హత్ ||
భ్రువోర్మధ్యాయ నమః ||
ఓం త్ర్య॑oబకం యజామహే సుగ॒న్ధిం పు॑ష్టి॒వర్ధ॑నమ్ |
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా”త్ ||
నేత్రాభ్యాం నమః ||
ఓం నమ॒స్స్రుత్యా॑య చ॒ పథ్యా॑య చ॒ నమ॑: కా॒ట్యా॑య చ నీ॒ప్యా॑య చ॒
(నమ॒: సూద్యా॑య చ సర॒స్యా॑య చ॒ నమో॑ నా॒ద్యాయ॑ చ వైశ॒న్తాయ॑ చ॒ ||)
కర్ణాభ్యాం నమః ||
ఓం మాన॑స్తో॒కే తన॑యే॒ మా న॒ ఆయు॑షి॒ మా నో॒ గోషు॒ మా నో॒ అశ్వే॑షు రీరిషః |
వీ॒రాన్మా నో॑ రుద్ర భామి॒తోఽవ॑ధీర్హ॒విష్మ॑న్తో॒ నమ॑సా విధేమ తే ||
నాసికాయై నమః ||
ఓం అ॒వ॒తత్య॒ ధను॒స్త్వగ్ం సహ॑స్రాక్ష॒ శతే॑షుధే |
ని॒శీర్య॑ శ॒ల్యానా॒o ముఖా॑ శి॒వో న॑: సు॒మనా॑ భవ ||
ముఖాయ నమః ||
ఓం నీల॑గ్రీవాః శితి॒కణ్ఠా”: శ॒ర్వా అ॒ధః క్ష॑మాచ॒రాః ||
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
కణ్ఠాయ నమః ||
ఓం నీల॑గ్రీవాః శితి॒కణ్ఠా॒ దివగ్॑o రు॒ద్రా ఉప॑శ్రితాః ||
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
ఉపకణ్ఠాయ నమః ||
ఓం నమ॑స్తే అ॒స్త్వాయు॑ధా॒యానా॑తతాయ ధృ॒ష్ణవే” |
ఉ॒భాభ్యా॑ము॒త తే॒ నమో॑ బా॒హుభ్యా॒మ్ తవ॒ ధన్వ॑నే ||
బాహుభ్యాం నమః ||
ఓం యా తే॑ హే॒తిర్మీ॑ఢుష్టమ॒ హస్తే॑ బ॒భూవ॑ తే॒ ధను॑: |
తయా॒ఽస్మాన్ వి॒శ్వత॒స్త్వమ॑య॒క్ష్మయా॒ పరి॑బ్భుజ ||
ఉపబాహుభ్యాం నమః ||
(ఓం పరి॑ణో రు॒ద్రస్య॑ హే॒తిర్వృ॑ణక్తు॒ పరి॑ త్వే॒షస్య॑ దుర్మ॒తిర॑ఘా॒యోః |
అవ॑ స్థి॒రా మ॒ఘవ॑ద్భ్యస్తనుష్వ॒ మీఢ్వ॑స్తో॒కాయ॒ తన॑యాయ మృడయ ||
మణిబన్ధాభ్యాం నమః || )
ఓం యే తీ॒ర్థాని॑ ప్ర॒చర॑న్తి సృ॒కావ॑న్తో నిష॒ఙ్గిణ॑: ||
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
హస్తాభ్యాం నమః ||
ఓం స॒ద్యోజా॒తం ప్ర॑పద్యా॒మి॒ స॒ద్యోజా॒తాయ॒ వై నమో॒ నమ॑: |
భ॒వే భ॑వే॒ నాతి॑భవే భవస్వ॒ మామ్ | భ॒వోద్భ॑వాయ॒ నమ॑: ||
అంగుష్ఠాభ్యాం నమః ||
ఓం వా॒మ॒దే॒వాయ॒ నమో” జ్యే॒ష్ఠాయ॒ నమ॑: శ్రే॒ష్ఠాయ॒ నమో॑ రు॒ద్రాయ॒ నమ॒:
కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒
బల॑ప్రమథనాయ॒ నమ॒స్సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||
తర్జనీభ్యాం నమః ||
ఓం అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
మధ్యమాభ్యాం నమః ||
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
అనామికాభ్యాం నమః ||
ఓం ఈశానస్సర్వ॑విద్యా॒నా॒మీశ్వరః సర్వ॑ భూతా॒నా॒o
బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
కనిష్ఠికాభ్యాం నమః ||
[** నమో హిరణ్యబాహవే హిరణ్యవర్ణాయ హిరణ్యరూపాయ హిరణ్యపతయేఽంబికాపతయ
ఉమాపతయే పశుపతయే॑ నమో॒ నమ॑: |
కరతలకరపృష్ఠాభ్యాం నమః ||
**]
ఓం నమో॑ వః కిరి॒కేభ్యో॑ దే॒వానా॒గ్॒o హృద॑యేభ్యో॒
నమో॑ విక్షీణ॒కేభ్యో॒ నమో॑ విచిన్వ॒త్కేభ్యో॒
నమ॑ ఆనిర్-హ॒తేభ్యో॒ నమ॑ ఆమీవ॒త్కేభ్య॑: ||
హృదయాయ నమః ||
ఓం నమో॑ గ॒ణేభ్యో॑ గ॒ణప॑తిభ్యశ్చ వో॒ నమో॒
నమో॒ విరూ॑పేభ్యో వి॒శ్వరూ॑పేభ్యశ్చ వో॒ నమో॒ నమ॑: |
పృష్ఠాయ నమః ||
ఓం నమ॒స్తక్ష॑భ్యో రథకా॒రేభ్య॑శ్చ వో॒ నమో॒
నమ॒: కులా॑లేభ్యః క॒ర్మారే”భ్యశ్చ వో॒ నమో॒ నమ॑: |
కక్షాభ్యాం నమః ||
ఓం నమో॒ హిర॑ణ్యబాహవే సేనా॒న్యే॑ ది॒శాం చ॒ పత॑యే॒ నమో॒
నమో॑ వృ॒క్షేభ్యో॒ హరి॑కేశేభ్యః పశూ॒నాం పత॑యే॒ నమో॒ నమ॑: |
పార్శ్వాభ్యాం నమః ||
ఓం విజ్య॒o ధను॑: కప॒ర్దినో॒ విశ॑ల్యో॒ బాణ॑వాగ్ం ఉ॒త |
అనే॑శన్న॒స్యేష॑వ ఆ॒భుర॑స్య నిష॒ఙ్గథి॑: |
జఠరాయ నమః ||
ఓం హి॒ర॒ణ్య॒గ॒ర్భస్సమ॑వర్త॒తాగ్రే॑ భూతస్య॑ జా॒తః పతి॒రేక॑ ఆసీత్ |
సదా॑ధార పృథి॒వీం ద్యాము॒తేమాం కస్మై॑ దే॒వాయ॑ హ॒విషా॑ విధేమ ||
నాభ్యై నమః ||
ఓం మీఢు॑ష్టమ॒ శివ॑తమ శి॒వో న॑: సు॒మనా॑ భవ |
ప॒ర॒మే వృ॒క్ష ఆయు॑ధం ని॒ధాయ॒ కృత్తి॒o వసా॑న॒
ఆచ॑ర॒ పినా॑క॒o బిభ్ర॒దాగ॑హి ||
కట్యై నమః ||
ఓం యే భూ॒తానా॒మధి॑పతయో విశి॒ఖాస॑: కప॒ర్దిన॑: |
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
గుహ్యాయ నమః ||
ఓం యే అన్నే॑షు వి॒విధ్య॑న్తి॒ పాత్రే॑షు॒ పిబ॑తో॒ జనాన్॑ |
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
అణ్డాభ్యాం నమః ||
ఓం స॒ శి॑రా జా॒తవే॑దాః | అ॒క్షర॑o పర॒మం ప॒దమ్ |
వే॒దానా॒గ్॒o శిర॑ ఉత్తమమ్ | జా॒తవే॑దసే॒ శిర॑సి మా॒తా బ్రహ్మ॒ భూర్భువ॒స్సువ॒రోమ్ ||
[** పాఠభేదః –
వే॒దానా॒గ్॒o శిర॑సి మా॒తా ఆయుష్మన్తం కరోతు మామ్ ||
**]
అపానాయ నమః ||
ఓం మా నో॑ మ॒హాన్త॑ము॒త మా నో॑ అర్భ॒కం మా న॒ ఉక్ష॑న్తము॒త మా న॑ ఉక్షి॒తమ్ |
మా నో॑ఽవధీః పి॒తర॒o మోత మా॒తర॑o ప్రి॒యా మా న॑స్త॒నువో॑ రుద్ర రీరిషః ||
ఊరుభ్యాం నమః ||
ఓం ఏ॒ష తే॑ రుద్రభా॒గస్తం జు॑షస్వ॒ తేనా॑వ॒సేన॑ ప॒రో
మూజ॑వ॒తోఽతీ॒హ్యవ॑తతధన్వా॒ పినా॑కహస్త॒: కృత్తి॑వాసాః ||
జానుభ్యాం నమః ||
ఓం స॒గ్॒oసృ॒ష్ట॒జిథ్సో॑మ॒పా బా॑హుశ॒ర్ధ్యూ”ర్ధ్వధ॑న్వా॒ ప్రతి॑హితాభి॒రస్తా” |
బృహ॑స్పతే॒ పరి॑దీయా॒ రథే॑న రక్షో॒హాఽమిత్రాగ్॑o అప॒బాధ॑మానః ||
జఙ్ఘాభ్యాం నమః ||
ఓం విశ్వ॑o భూ॒తం భువ॑నం చి॒త్రం బ॑హు॒ధా జా॒తం జాయ॑మానం చ॒ యత్ |
సర్వో॒ హ్యే॑ష రు॒ద్రస్తస్మై॑ రు॒ద్రాయ॒ నమో॑ అస్తు ||
గుల్ఫాభ్యాం నమః ||
ఓం యే ప॒థాం ప॑థి॒రక్ష॑య ఐలబృ॒దా య॒వ్యుధ॑: ||
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
పాదాభ్యాం నమః ||
ఓం అధ్య॑వోచదధివ॒క్తా ప్ర॑థ॒మో దైవ్యో॑ భి॒షక్ |
అహీగ్॑oశ్చ॒ సర్వా”ఞ్జ॒మ్భయ॒న్థ్సర్వా”శ్చ యాతుధా॒న్య॑: ||
కవచాయ నమః ||
ఓం నమో॑ బి॒ల్మినే॑ చ కవ॒చినే॑ చ॒
నమ॑: శ్రు॒తాయ॑ చ శ్రుతసే॒నాయ॑ చ ||
ఉపకవచాయ నమః ||
ఓం నమో॑ అస్తు॒ నీల॑గ్రీవాయ సహస్రా॒క్షాయ॑ మీ॒ఢుషే” |
అథో॒ యే అ॑స్య॒ సత్వా॑నో॒ఽహం తేభ్యో॑ఽకర॒o నమ॑: ||
తృతీయనేత్రాయ నమః ||
ఓం ప్రము॑ఞ్చ॒ ధన్వ॑న॒స్త్వము॒భయో॒రార్త్ని॑యో॒ర్జ్యామ్ |
యాశ్చ॑ తే॒ హస్త॒ ఇష॑వ॒: పరా॒ తా భ॑గవో వప ||
అస్త్రాయ నమః ||
ఓం య ఏ॒తావ॑న్తశ్చ॒ భూయాగ్॑oసశ్చ॒ దిశో॑ రు॒ద్రా వి॑తస్థి॒రే |
తేషాగ్॑o సహస్రయోజ॒నేఽవ॒ ధన్వా॑ని తన్మసి ||
[** పాఠభేదః – ఇతి దిగ్బన్ధః **]
దిగ్బన్ధాయ నమః ||
౪) దశాంగ న్యాసః
ఓం నమో భగవతే॑ రుద్రా॒య ||
ఓం మూర్ధ్నే నమః | నం నాసికాయై నమః |
మోం లలాటాయ నమః | భం ముఖాయ నమః |
గం కణ్ఠాయ నమః | వం హృదయాయ నమః |
తేం దక్షిణహస్తాయ నమః | రుం వామహస్తాయ నమః |
ద్రాం నాభ్యై నమః | యం పాదాభ్యాం నమః ||
౫) పంచాంగ న్యాసః
ఓం స॒ద్యోజా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమ॑: |
భ॒వే భ॑వే॒ నాతి॑భవే భవస్వ॒ మామ్ | భ॒వోద్భ॑వాయ॒ నమ॑: ||
పాదాభ్యాం నమః ||
ఓం వా॒మ॒దే॒వాయ॒ నమో” జ్యే॒ష్ఠాయ॒ నమ॑: శ్రే॒ష్ఠాయ॒ నమో॑ రు॒ద్రాయ॒ నమ॒:
కాలా॑య॒ నమ॒: కల॑వికరణాయ॒ నమో॒ బల॑వికరణాయ॒ నమో॒ బలా॑య॒ నమో॒
బల॑ప్రమథనాయ॒ నమ॒స్సర్వ॑భూతదమనాయ॒ నమో॑ మ॒నోన్మ॑నాయ॒ నమ॑: ||
ఊరుమధ్యాభ్యాం నమః ||
ఓం అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
హృదయాయ నమః ||
ఓం తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
ముఖాయ నమః ||
ఓం ఈశానస్సర్వ॑విద్యా॒నా॒మీశ్వరః సర్వ॑ భూతా॒నా॒o
బ్రహ్మాధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
మూర్ధ్నే నమః ||
Mahanyasam 04 – Hamsa Gayatri – హంస గాయత్రీ >>
సంపూర్ణ మహాన్యాస సూచిక చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
