Runa Hartru Ganesha Stotram – ಶ್ರೀ ಋಣಹರ್ತೃ ಗಣೇಶ ಸ್ತೋತ್ರಂ

ಸ್ತೋತ್ರನಿಧಿ → ಶ್ರೀ ಗಣೇಶ ಸ್ತೋತ್ರಗಳು → ಶ್ರೀ ಋಣಹರ್ತೃ ಗಣೇಶ ಸ್ತೋತ್ರಂ

(ಗಮನಿಸಿ: ಈ ಸ್ತೋತ್ರವು “ಪ್ರಭಾತ ಸ್ತೋತ್ರನಿಧಿ” ಪಾರಾಯಣ ಗ್ರಂಥದಲ್ಲಿ ಇದೆ. Click here to buy.)

|| ಅಥ ಸ್ತೋತ್ರಮ್ ||

ಸೃಷ್ಟ್ಯಾದೌ ಬ್ರಹ್ಮಣಾ ಸಮ್ಯಕ್ಪೂಜಿತಃ ಫಲಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೧ ||

ತ್ರಿಪುರಸ್ಯ ವಧಾತ್ಪೂರ್ವಂ ಶಂಭುನಾ ಸಮ್ಯಗರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೨ ||

ಹಿರಣ್ಯಕಶಿಪ್ವಾದೀನಾಂ ವಧಾರ್ಥೇ ವಿಷ್ಣುನಾರ್ಚಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೩ ||

ಮಹಿಷಸ್ಯ ವಧೇ ದೇವ್ಯಾ ಗಣನಾಥಃ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೪ ||

ತಾರಕಸ್ಯ ವಧಾತ್ಪೂರ್ವಂ ಕುಮಾರೇಣ ಪ್ರಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೫ ||

ಭಾಸ್ಕರೇಣ ಗಣೇಶೋ ಹಿ ಪೂಜಿತಶ್ಛವಿಸಿದ್ಧಯೇ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೬ ||

ಶಶಿನಾ ಕಾಂತಿವೃದ್ಧ್ಯರ್ಥಂ ಪೂಜಿತೋ ಗಣನಾಯಕಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೭ ||

ಪಾಲನಾಯ ಸ್ವತಪಸಾಂ ವಿಶ್ವಾಮಿತ್ರೇಣ ಪೂಜಿತಃ |
ಸದೈವ ಪಾರ್ವತೀಪುತ್ರಃ ಋಣನಾಶಂ ಕರೋತು ಮೇ || ೮ ||

ಇದಂ ಋಣಹರಸ್ತೋತ್ರಂ ತೀವ್ರದಾರಿದ್ರ್ಯನಾಶನಮ್ |
ಏಕವಾರಂ ಪಠೇನ್ನಿತ್ಯಂ ವರ್ಷಮೇಕಂ ಸಮಾಹಿತಃ || ೯ ||

ದಾರಿದ್ರ್ಯಾದ್ದಾರುಣಾನ್ಮುಕ್ತಃ ಕುಬೇರಸಂಪದಂ ವ್ರಜೇತ್ |
ಫಡಂತೋಽಯಂ ಮಹಾಮಂತ್ರಃ ಸಾರ್ಥಪಂಚದಶಾಕ್ಷರಃ || ೧೦ ||

ಓಂ ಗಣೇಶ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್ |
ಇಮಂ ಮಂತ್ರಂ ಪಠೇದಂತೇ ತತಶ್ಚ ಶುಚಿಭಾವನಃ || ೧೧ ||

ಏಕವಿಂಶತಿಸಂಖ್ಯಾಭಿಃ ಪುರಶ್ಚರಣಮೀರಿತಮ್ |
ಸಹಸ್ರಾವರ್ತನಾತ್ಸಮ್ಯಕ್ ಷಣ್ಮಾಸಂ ಪ್ರಿಯತಾಂ ವ್ರಜೇತ್ || ೧೨ ||

ಬೃಹಸ್ಪತಿಸಮೋ ಜ್ಞಾನೇ ಧನೇ ಧನಪತಿರ್ಭವೇತ್ |
ಅಸ್ಯೈವಾಯುತಸಂಖ್ಯಾಭಿಃ ಪುರಶ್ಚರಣಮೀರಿತಮ್ || ೧೩ ||

ಲಕ್ಷಮಾವರ್ತನಾತ್ಸಮ್ಯಗ್ವಾಂಛಿತಂ ಫಲಮಾಪ್ನುಯಾತ್ |
ಭೂತಪ್ರೇತಪಿಶಾಚಾನಾಂ ನಾಶನಂ ಸ್ಮೃತಿಮಾತ್ರತಃ || ೧೪ ||

|| ಅಥ ಪ್ರಯೋಗಃ ||

ಅಸ್ಯ ಶ್ರೀ ಋಣಹರ್ತೃಗಣಪತಿಸ್ತೋತ್ರ ಮಹಾಮಂತ್ರಸ್ಯ | ಸದಾಶಿವ ಋಷಿಃ | ಅನುಷ್ಟುಪ್ ಛಂದಃ | ಶ್ರೀಋಣಹರ್ತೃಗಣಪತಿರ್ದೇವತಾ | ಗ್ಲೌಂ ಬೀಜಂ | ಗಃ ಶಕ್ತಿಃ | ಗಂ ಕೀಲಕಂ | ಮಮ ಸಕಲ ಋಣನಾಶನೇ ಜಪೇ ವಿನಿಯೋಗಃ |

ಕರನ್ಯಾಸಃ |
ಓಂ ಗಣೇಶ ಅಂಗುಷ್ಠಾಭ್ಯಾಂ ನಮಃ |
ಓಂ ಋಣಂ ಛಿಂದಿ ತರ್ಜನೀಭ್ಯಾಂ ನಮಃ |
ಓಂ ವರೇಣ್ಯಂ ಮಧ್ಯಮಾಭ್ಯಾಂ ನಮಃ |
ಓಂ ಹುಂ ಅನಾಮಿಕಾಭ್ಯಾಂ ನಮಃ |
ಓಂ ನಮಃ ಕನಿಷ್ಠಿಕಾಭ್ಯಾಂ ನಮಃ |
ಓಂ ಫಟ್ ಕರತಲಕರಪೃಷ್ಠಾಭ್ಯಾಂ ನಮಃ |

ಷಡಂಗನ್ಯಾಸಃ |
ಓಂ ಗಣೇಶ ಹೃದಯಾಯ ನಮಃ |
ಓಂ ಋಣಂ ಛಿಂದಿ ಶಿರಸೇ ಸ್ವಾಹಾ |
ಓಂ ವರೇಣ್ಯಂ ಶಿಖಾಯೈ ವಷಟ್ |
ಓಂ ಹುಂ ಕವಚಾಯ ಹುಮ್ |
ಓಂ ನಮಃ ನೇತ್ರತ್ರಯಾಯ ವೌಷಟ್ |
ಓಂ ಫಟ್ ಅಸ್ತ್ರಾಯ ಫಟ್ |

ಧ್ಯಾನಂ –
ಸಿಂದೂರವರ್ಣಂ ದ್ವಿಭುಜಂ ಗಣೇಶಂ
ಲಂಬೋದರಂ ಪದ್ಮದಳೇ ನಿವಿಷ್ಟಮ್ |
ಬ್ರಹ್ಮಾದಿದೇವೈಃ ಪರಿಸೇವ್ಯಮಾನಂ
ಸಿದ್ಧೈರ್ಯುತಂ ತಂ ಪ್ರಣಮಾಮಿ ದೇವಮ್ ||

ಲಮಿತ್ಯಾದಿ ಪಂಚಪೂಜಾ ||

|| ಮಂತ್ರಃ ||
ಓಂ ಗಣೇಶ ಋಣಂ ಛಿಂದಿ ವರೇಣ್ಯಂ ಹುಂ ನಮಃ ಫಟ್ |

ಇತಿ ಶ್ರೀಕೃಷ್ಣಯಾಮಲತಂತ್ರೇ ಉಮಾಮಹೇಶ್ವರಸಂವಾದೇ ಋಣಹರ್ತೃ ಗಣೇಶ ಸ್ತೋತ್ರಮ್ |

---

ಗಮನಿಸಿ: ಮೇಲೆ ಕೊಟ್ಟಿರುವ ಸ್ತೋತ್ರವು ಈ ಪುಸ್ತಕದಲ್ಲೂ ಇದೆ.

ಪ್ರಭಾತ ಸ್ತೋತ್ರನಿಧಿ

(ನಿತ್ಯ ಪಾರಾಯಣ ಗ್ರಂಥ)

Click here to buy

---

ಇನ್ನಷ್ಟು ಶ್ರೀ ಗಣೇಶ ಸ್ತೋತ್ರಗಳು ನೋಡಿ.

Did you see any mistake/variation in the content above? Click here to report mistakes and corrections in Stotranidhi content.