Sri Dakshinamurthy Hrudayam – ಶ್ರೀ ದಕ್ಷಿಣಾಮೂರ್ತಿ ಹೃದಯಂ

Read in తెలుగు / ಕನ್ನಡ / தமிழ் / देवनागरी / English (IAST)

ಅಸ್ಯ ಶ್ರೀ ದಕ್ಷಿಣಾಮೂರ್ತಿ ಹೃದಯ ಸ್ತೋತ್ರ ಮಹಾಮಂತ್ರಸ್ಯ ಬ್ರಹ್ಮಾ ಋಷಿಃ ಗಾಯತ್ರೀ ಛಂದಃ ಶ್ರೀ ದಕ್ಷಿಣಾಮೂರ್ತಿರ್ದೇವತಾ ಶ್ರೀದಕ್ಷಿಣಾಮೂರ್ತಿಪ್ರೀತ್ಯರ್ಥೇ ಜಪೇ ವಿನಿಯೋಗಃ ||

ಆಮಿತ್ಯಾದಿ ಕರಹೃದಯಾದಿನ್ಯಾಸಃ |

ಧ್ಯಾನಮ್ –
ಭಸ್ಮವ್ಯಾಪಾಂಡುರಾಂಗಃ ಶಶಿಶಕಲಧರೋ ಜ್ಞಾನಮುದ್ರಾಕ್ಷಮಾಲಾ-
-ವೀಣಾಪುಸ್ತೈರ್ವಿರಾಜತ್ಕರಕಮಲಧರೋ ಯೋಗಪಟ್ಟಾಭಿರಾಮಃ |
ವ್ಯಾಖ್ಯಾಪೀಠೇನಿಷಣ್ಣೋ ಮುನಿವರನಿಕರೈಃ ಸೇವ್ಯಮಾನಃ ಪ್ರಸನ್ನಃ
ಸವ್ಯಾಳಃ ಕೃತ್ತಿವಾಸಾಃ ಸತತಮವತು ನೋ ದಕ್ಷಿಣಾಮೂರ್ತಿರೀಶಃ ||
ಲಮಿತಿ ಪಂಚಪೂಜಾ |

– ಹೃದಯಮ್ –
ಓಂ ಸಹ ನಾವವತು | ಸಹ ನೌ ಭುನಕ್ತು | ಸಹ ವೀರ್ಯಂ ಕರವಾವಹೈ | ತೇಜಸ್ವಿನಾವಧೀತಮಸ್ತು | ಮಾ ವಿದ್ವಿಷಾವಹೈ | ಓಂ ಶಾಂತಿಃ ಶಾಂತಿಃ ಶಾಂತಿಃ ||

ನಾರದಮುನಿರ್ಬ್ರಹ್ಮಾಣಂ ಪ್ರತ್ಯಾಹ | ಮತ್ತಾತ ಲೋಕೇಶ ನಮಸ್ಕರೋಮಿ | ಧಾತಾರಂ ತ್ವಾ ಶಿರಸಾ | ಮನಸಾ ವೇತ್ಸಿ ಶ್ರೀ ದಕ್ಷಿಣಾಮೂರ್ತಿ ಹೃದಯಂ ಶ್ರೋತುಮಿಚ್ಛಾಮಿ ತ್ವನ್ಮುಖಾಂಬುಜಾತ್ | ಸತ್ಕೃಪಯಾ ವದ ಬ್ರಹ್ಮನ್ | ಗುರೂಪಾಸಕಸ್ಯ ದೇವೋ ಭಾಸಕಃ | ನಾಸ್ತ್ಯನ್ಯಃ ಸತ್ಯಃ ತಸ್ಮಾದ್ಧೃದಯಂ ವದಾಮೀತ್ಯಾಹ ಪ್ರಜಾಪತಿಃ | ಮುನೇ ಇದಂ ಸಂಸೃಷ್ಟಂ ಋಗ್ಯಜುಃ ಸಾಮಾಥರ್ವಣೋಪನಿಷತ್ ಸೂಕ್ತಂ ಹೃದಯಮಿತಿ ಗಾಯಂತೇ ಚತುಃ ಷಷ್ಟಿ ಕಳಾವಿದ್ಯಾಃ | ಯದ್ಧೃದಯಂ ತವ ವಕ್ತೇತಿ ಧ್ಯಾತ್ವಾ | ಭಕ್ತ್ಯಾ ಶ್ರದ್ಧಯಾ ಗುರುಮಾದಿಪೂರುಷಂ | ಗುರುಃ ಸಂತುಷ್ಟೋ ಭವತಿ | ಹೃದಯಂ ವಕ್ತುಂ ಕ್ಷಮೋ ಭವತೀತಿ | ಧ್ಯಾನಾದ್ವಿರರಾಮ | ಅಸೌ ಹೃದಯಮಿತ್ಯಾಹ | ಆಕಾಶಶರೀರಂ ಬ್ರಹ್ಮೇತಿ ಜ್ಯೋತಿರ್ಜಾಯತೇ | ಅಥ ವಾಽಸ್ಯಾಧ್ಯಾತ್ಮಗೋಚರಂ ಭವತಿ | ಅಥ ಪಿಂಡಾಕೃತಿಃ | ದಕ್ಷಿಣಾಭಿಮುಖೋ ವಟಸ್ಥಿತೋ ಲೀಲಾರ್ಥಂ ಪುರುಷಾಕೃತಿರ್ಭಜತೇ | ಸ್ವರೂಪಾಖ್ಯೋ ಬೋಧಯತಿ | ಅಣೋರಣೀಯಾನಿತಿ ಶ್ರುತ್ಯಾ ಗುರುಮೂರ್ತಿಃ ಸ್ಮೃತಃ | ಪ್ರಣವಂ ಪ್ರಥಮಮನ್ಯದ್ವೇದಾಃ ಚತ್ವಾರೋ ವಿದ್ಯಾಶ್ಚತುಷ್ಷಷ್ಟಿಃ ಜ್ಞಾನಂ | ಸತ್ಯಂ ತಪಃ ಶಮಃ | ಧರ್ಮೋ ದಮಃ | ಶ್ರದ್ಧಾ ಭಕ್ತಿಃ | ಪ್ರಜ್ಞಾ ಮಾಯಾ ಇತ್ಯಾದಯೋ ಬಹವೋ ಜಾಯಂತೇ | ಅಪರಿಚ್ಛೇದ್ಯಮಯಃ | ಅವಯವೇಷು ಕಿಂ ಭವತಿ | ಅಹಂ ದಕ್ಷಿಣೋ ವಿಷ್ಣುಃ ಸವ್ಯಭಾಗಃ | ಮಧ್ಯಮಃ ಶಿವಃ | ತ್ರಿಮೂರ್ತಿಃ ಸಂಪೃಕ್ತೋ ದಕ್ಷಿಣಾಮೂರ್ತಿಃ | ಅಥ ತ್ರಿಮೂರ್ತಯಃ | ಸಾತ್ತ್ವಿಕ ರಾಜಸ ತಾಮಸಾಃ | ತಸ್ಯೈವ ಕಥಂ ಅಹಂ ರಜಃ | ಸಾತ್ತ್ವಿಕೋ ವಿಷ್ಣುಃ | ತಾಮಸಃ ಶಿವಃ | ಉಮಾ ಶಕ್ತಿರೂಪಂ | ಕಿಂ ವಿನಿಯೋಗಃ | ಅಹಂ ಸ್ರಷ್ಟಾ | ವಿಷ್ಣುರ್ಗೋಪ್ತಾ | ಶಿವೋ ಹಂತಾ | ಬ್ರಹ್ಮ ವಿಷ್ಣು ಶಿವಾತ್ಮಕೋ ಗುರುಃ ವೇದಾಂತೇ ಚ ಪ್ರತಿಷ್ಠಿತಃ | ರೋಮಸ್ಥಾಃ ಶಿರಸೋ ವೇದಾಃ ಪ್ರವರ್ತಂತೇ ಮುನಯೋ ಗಾತ್ರರೋಮಜಾಃ | ಮುಖಾಶ್ಚತುರ್ವೇದಾಶ್ಚತುಃಷಷ್ಟಿಕಳಾಃ ಸಪ್ತಕೋಟಿ ಮಹಾಮಂತ್ರಾಃ | ಮುಖಾದ್ರ್ಬಾಹ್ಮಣೋ ಭವತಿ | ಬಾಹ್ವೋ ರಾಜನ್ಯಃ | ಊರ್ವೋರ್ವೈಶ್ಯಃ | ಪದ್ಭ್ಯಾಗ್ಂ ಶೂದ್ರೋ ಅಜಾಯತ | ಚಂದ್ರಮಾ ಮನಸೋ ಜಾತಃ | ತಥಾ ಲೋಕಾಗ್ಂ ಅಕಲ್ಪಯನ್ | ಅರ್ಕ ವಹ್ನಿ ದ್ವಿಜಾಧಿಪ ಚಕ್ಷೂಂಷ್ಯಾಸ್ಯೇ ವರ್ತಂತೇ | ಗಿರೋ ವೇದಾಃ | ರಜಸಂ ಅಸ ಮಲಿನಂ | ರೇತೋ ಹಿರಣ್ಯಂ | ಪೃಷ್ಠಭಾಗಾಚ್ಛುಕ್ರಶಿಷ್ಯಾ ವರ್ತಂತೇ | ಜಿಹ್ವಾಯಾಂ ಕಿನ್ನರಾಃ | ದಂತಾಃ ಪಿತರಃ | ಸಾಧ್ಯಾಃ ಜಟಾಃ | ಯಕ್ಷಾಃ ಆಸ್ಯೇ | ಸ್ವೇದಾದ್ವೀರಭಟಾಃ | ಪದೋಃ ತ್ರಿಸ್ರೋತಾ ವರ್ತತೋ | ಶಾಸ್ಯ ಮೌಳಿಮಾಲಾ | ಜಂಘಾದ್ಧರಾ | ಗಾವಃ ಪಾದಾಂಗುಷ್ಠಾತ್ | ಕಿಮಸ್ಯಾಯುಧಂ | ಮೇರುರ್ಭವತಿ | ಶೇಷೋಽಸ್ಯತಲ್ಪಃ | ಕಟಕೋಽನಂತಃ | ಯಜ್ಞಸೂತ್ರಂ ವಾಸುಕಿಃ | ಕಟಿಸೂತ್ರಂ ತಕ್ಷಕಃ | ಹಾರಃ ಕರ್ಕಟಕೋ ಭವತಿ | ಪದ್ಮಕಃ ಕುಂಡಲಃ | ಮಹಸ್ತಾಟಂಕಂ | ಋಕ್ಷಾ ಮಾಲಾಭವಂತಿ | ಭಸ್ಮ ಚ ಚಂದನಂ | ಶಿರೋಮಣಿಃ ಕೌಸ್ತುಭಂ | ಅಪಸ್ಮಾರಃ ಪಾಶೋಽಸ್ಯ | ಫಾಲಾಕ್ಷಿವೀಕ್ಷಣಾತ್ ಕಾಮೋಽನಂಗೋ ಭವತಿ | ತ್ರಿಪುರಂ ಚ ಯಮಃ | ಪಾದಾತ್ತಾಡಿತಃ | ವಾಮಬಾಹ್ವೋಃ ಪುಸ್ತಕಂ ವಹ್ನಿಃ | ದಕ್ಷಿಣಯೋಶ್ಚಿನ್ಮುದ್ರಾ ಸುಧಾಘಟಃ | ರೂಪಂ ಪರಬ್ರಹ್ಮ | ಅಂಬರಂ ದಿಕ್ | ಶುಕ್ಲವರ್ಣಂ | ಸದಾನಂದೋ ಭವತಿ | ವಟ ಆಧಾರೋಽಸ್ಯ | ಪ್ರಳಯಚ್ಛಿದಾ ದಕ್ಷಿಣಾಮೂರ್ತಿಃ | ಪರಬ್ರಹ್ಮತತ್ತ್ವಂ | ಜ್ಞಾನಮೂರ್ತಿಃ | ಪರಃ ಯಚ್ಚ ಕಿಂಚಿಜ್ಜಗತ್ಸರ್ವಂ ದೃಶ್ಯತೇ ಶ್ರೂಯತೇಽಪಿ ವಾ | ಅಂತರ್ಬಹಿಶ್ಚ ತತ್ಸರ್ವಂ ವ್ಯಾಪ್ಯ ದಕ್ಷಿಣಾಮೂರ್ತಿಃ ಸ್ಥಿತಃ ನಮೋ ನಮಃ ಕಾರಣಕಾರಣಾಯ ನಮೋ ನಮೋ ಮಂಗಳ ಮಂಗಳಾತ್ಮನೇ | ನಮೋ ನಮೋ ವೇದವಿದಾಂ ಮನೀಷಿಣೇ ಉಪಾಸನೀಯಾಯ ಚ ವೈ ನಮೋ ನಮಃ | ಈಶಾನಃ ಸರ್ವವಿದ್ಯಾನಾಮೀಶ್ವರಃ ಸರ್ವಭೂತಾನಾಂ ಬ್ರಹ್ಮಾಧಿಪತಿರ್ಬ್ರಹ್ಮಣೋಽಧಿಪತಿರ್ಬ್ರಹ್ಮಾ ಶಿವೋ ಮೇ ಅಸ್ತು ಸದಾಶಿವೋಂ | ಹಿರಣ್ಯಬಾಹುಂ ಪಶೂನಾಂ ಪತಿಂ ಅಂಬಿಕಾಯಾಶ್ಚ ನಮಸ್ಕರೋಮಿ | ಮಹಾಜ್ಞಾನಂ ಜ್ಞಾನಮೂರ್ತಿಂ ನಮಸ್ಕರೋಮಿ | ತತ್ತ್ವಮೂರ್ತಿಂ ತತ್ತ್ವಮದ್ವಯಂ ಬ್ರಹ್ಮಾಣಂ ನಮಸ್ಕರೋಮಿ | ವೇದವೇದ್ಯಂ ಸ್ವಾಮಿನಂ ವಿದ್ಯಾದಾಯಿನಂ ನಮಸ್ಕರೋಮಿ | ಜ್ಞಾನನಾಥಂ ಜಗದ್ಗುರುಂ ಮೋಕ್ಷದಂ ನಮಸ್ಕರೋಮಿ | ಸ್ವಯಂಪ್ರಕಾಶಂ ತಪೋಗುಹ್ಯಂ ನಮಸ್ಕರೋಮಿ | ಕಾಲಕಾಲಾಂತಕಂ ಭವಚ್ಛೇತ್ತಾರಂ ನಮಸ್ಕರೋಮಿ | ಭಸ್ಮಭೂಷಂ ಶುದ್ಧಂ ಸ್ಮರಹಂತಾರಂ ನಮಸ್ಕರೋಮಿ | ವಟಮೂಲನಿವಾಸಿನಂ ಹೃದಯಸ್ಥಂ ದಕ್ಷಿಣಾಮೂರ್ತಿಂ ನಮಸ್ಕರೋಮಿ | ಶಶಿಮೌಳಿನಂ ಧೂರ್ಜಟಿಂ ಗಂಗಾಧರಂ ನಮಸ್ಕರೋಮಿ | ಮಹಾದೇವಂ ಗುರುಂ ದೇವದೇವಂ ನಮಸ್ಕರೋಮಿ | ಲೋಕೇಶಂ ಚಿರಂ ಪರಮಾತ್ಮಾನಂ ನಮಸ್ಕರೋಮಿ | ವೃಷಭವಾಹನಂ ಶಿವಂ ವಿದ್ಯಾರೂಪಿಣಂ ನಮಸ್ಕರೋಮಿ | ಆನಂದದಂ ಯೋಗಪೀಠಂ ಪರಮಾನಂದಂ ನಮಸ್ಕರೋಮಿ | ಶಿತಿಕಂಠಂ ರೌದ್ರಂ ಸಹಸ್ರಾಕ್ಷಂ ನಮಸ್ಕರೋಮಿ | ಭಕ್ತಸೇವ್ಯಂ ಶಂಭುಮರ್ಧನಾರೀಶ್ವರಂ ನಮಸ್ಕರೋಮಿ | ಸುಧಾಪಾಣಿನಂ ಶಿವಂ ಕೃಪಾನಿಧಿಂ ನಮಸ್ಕರೋಮಿ ||

ನಮೋ ನಮೋ ಜ್ಞಾನವಿಭೂಷಣಾಯ ನಮೋ ನಮೋ ಭೋಗನಿರ್ವಾಣಹೇತವೇ | ನಮೋ ನಮಃ ಪರಮಪುರುಷಾಯ ತುಭ್ಯಂ ನಮೋ ನಮೋ ಯೋಗಗಮ್ಯಾಯ ತೇ ನಮಃ | ನಮೋ ನಮೋ ವಿಶ್ವಸೃಜೇ ತು ತುಭ್ಯಂ ನಮೋ ನಮೋ ವಿಶ್ವಗೋಪ್ತ್ರೇ ಚ ತೇ ನಮಃ | ನಮೋ ನಮೋ ವಿಶ್ವಹರ್ತ್ರೇ ಪರಸ್ಮೈ ನಮೋ ನಮಸ್ತತ್ತ್ವಮಯಾಯ ತೇ ನಮಃ | ನಮೋ ನಮೋ ದಕ್ಷಿಣಾಮೂರ್ತಯೇ ಪರಸ್ಮೈ ನಮೋ ನಮೋ ಗುರುರೂಪಾಯ ತೇ ನಮಃ | ನಮೋ ನಮೋ ಭಕ್ತಿಗಮ್ಯಾಯ ತುಭ್ಯಂ ನಮೋ ನಮೋ ಭಕ್ತಸೇವ್ಯಾಯ ತೇ ನಮಃ ||

ಯ ಇದಂ ಹೃದಯಂ ಶಂಭೋರ್ಬ್ರಾಹ್ಮಣಃ ಪ್ರಯತಃ ಪಠೇತ್ | ಚತುರ್ವೇದ ಷಟ್ಛಾಸ್ತ್ರವಿದ್ಭವತಿ | ಚತುಷ್ಷಷ್ಟಿ ಕಳಾವಿದ್ಯಾ ಪಾರಗೋ ಭವತಿ | ಆತ್ಮಾನಂ ವೇದಯತಿ | ಋಗ್ಯಜುಃ ಸಾಮಾಥರ್ವಣ ಶೀಕ್ಷಾ ವ್ಯಾಕರಣ ಶ್ರೌತ ಸ್ಮಾರ್ತ ಮಹಾಸ್ಮೃತಯೋ ಗೌತಮಧರ್ಮಾದಯ ಉಪನಿಷನ್ನಾಟಕಾಲಂಕಾರ ಚೂರ್ಣಿಕಾ ಗದ್ಯ ಕವಿತಾ ದಯಃ ಮಹಾಭಾಷ್ಯ ವೇದಾಂತ ತರ್ಕ ಭಾಟ್ಟ ಪ್ರಭಾಕರ ಭರತ ಶಾಸ್ತ್ರ ಮಂತ್ರಾಗಮಾಶ್ವ ಗೋ ಗಜಶಾಸ್ತ್ರಾಣೀತ್ಯಾದಯಃ ಸರ್ವಾಶ್ಚತುಷ್ಷಷ್ಟಿವಿದ್ಯಾಸ್ತಸ್ಯ ವಾಚಿ ಏವ ನೃತ್ಯಂ ತೇ | ದೇವೈಃ ಸರ್ವೈಃ ಸೇವಿತೋ ಭವತಿ | ಏತದ್ಧೃದಯಂ ಬ್ರಾಹ್ಮಣಾನ್ ಸಮ್ಯಗ್ಗ್ರಾಹಯೇತ್ | ಸೋಽಪಿ ನಿರ್ವಾಣಭೂತಃ ಸ್ಯಾತ್ | ಪಕ್ಷಸ್ಯೈಕವಾರಂ ಯೋ ವಿಪ್ರಃ ಪ್ರಯತಃ ಪಠೇತ್ | ತತ್ಪಕ್ಷಕೃತಪಾಪಾನ್ಮುಕ್ತೋ ಭವತಿ | ಮಾಸಸ್ಯೈಕವಾರಂ ಯೋ ವಿಪ್ರಃ ಪ್ರಯತಃ ಪಠೇತ್ | ತನ್ಮಾಸಕೃತಪಾಪಾನ್ಮುಕ್ತೋ ಭವತಿ | ಅಥವಾ ವರ್ಷಸ್ಯೈಕವಾರಂ ಯೋ ವಿಪ್ರಃ ಪ್ರಯತಃ ಪಠೇತ್ | ತದ್ವರ್ಷಕೃತಪಾಪಾನ್ಮುಕ್ತೋ ಭವತಿ | ಅಥವಾ ಜನ್ಮನ್ಯೇಕವಾರಂ ಯೋ ವಿಪ್ರಃ ಪ್ರಯತಃ ಪಠೇತ್ | ತಜ್ಜನ್ಮಕೃತಪಾಪಾನ್ಮುಕ್ತೋ ಭವತಿ | ಮೋಕ್ಷಂ ಪ್ರಯಾತಿ | ಏತದ್ಧೃದಯಂ ಬ್ರಾಹ್ಮಣತ್ರಯಂ ಧಾರಯೇತ್ | ವಿಶಿಷ್ಟಃ ಸಮಾನಾನಾಂ ಭವತಿ | ಗುರ್ವಂತೇವಾಸಿನೌ ಸಮೌ ಭವತಃ | ಗುರೋಃ ಸಾಯುಜ್ಯಮವಾಪ್ನೋತಿ | ಬಂಧುಭಿಃ ಸಹ ವಾಕ್ಯೈಕವಾಕ್ಯಾರ್ಥಪ್ರಯತೋ ಧಾರಯೇತ್ | ಗುರೋರ್ನಹೀಯತ ಇತ್ಯಾಹ ಭಗವಾನ್ ಅಥರ್ವೇಶ್ವರ ಬ್ರಾಹ್ಮಣಾನ್ ||

ಓಂ ಸಹ ನಾವವತು | ಸಹ ನೌ ಭುನಕ್ತು | ಸಹ ವೀರ್ಯಂ ಕರವಾವಹೈ | ತೇಜಸ್ವಿನಾವಧೀತಮಸ್ತು | ಮಾ ವಿದ್ವಿಷಾವಹೈ | ಓಂ ಶಾಂತಿಃ ಶಾಂತಿಃ ಶಾಂತಿಃ ||

Did you see any mistake/variation in the content above? Click here to report mistakes and corrections in Stotranidhi content.