Read in తెలుగు / ಕನ್ನಡ / தமிழ் / देवनागरी / English (IAST)
nārada uvāca |
ōṁ vāsudēvaṁ hr̥ṣīkēśaṁ vāmanaṁ jalaśāyinam |
janārdanaṁ hariṁ kr̥ṣṇaṁ śrīvakṣaṁ garuḍadhvajam || 1 ||
vārāhaṁ puṇḍarīkākṣaṁ nr̥siṁhaṁ narakāntakam |
avyaktaṁ śāśvataṁ viṣṇumanantamajamavyayam || 2 ||
nārāyaṇaṁ gadādhyakṣaṁ gōvindaṁ kīrtibhājanam |
gōvardhanōddharaṁ dēvaṁ bhūdharaṁ bhuvanēśvaram || 3 ||
vēttāraṁ yajñapuruṣaṁ yajñēśaṁ yajñavāhakam |
cakrapāṇiṁ gadāpāṇiṁ śaṅkhapāṇiṁ narōttamam || 4 ||
vaikuṇṭhaṁ duṣṭadamanaṁ bhūgarbhaṁ pītavāsasam |
trivikramaṁ trikālajñaṁ trimūrtiṁ nandikēśvaram || 5 ||
rāmaṁ rāmaṁ hayagrīvaṁ bhīmaṁ raudraṁ bhavōdbhavam |
śrīpatiṁ śrīdharaṁ śrīśaṁ maṅgalaṁ maṅgalāyudham || 6 ||
dāmōdaraṁ dayōpētaṁ kēśavaṁ kēśisūdanam |
varēṇyaṁ varadaṁ viṣṇumānandaṁ vasudēvajam || 7 ||
hiraṇyarētasaṁ dīptaṁ purāṇaṁ puruṣōttamam |
sakalaṁ niṣkalaṁ śuddhaṁ nirguṇaṁ guṇaśāśvatam || 8 ||
hiraṇyatanusaṅkāśaṁ sūryāyutasamaprabham |
mēghaśyāmaṁ caturbāhuṁ kuśalaṁ kamalēkṣaṇam || 9 ||
jyōtīrūpamarūpaṁ ca svarūpaṁ rūpasaṁsthitam |
sarvajñaṁ sarvarūpasthaṁ sarvēśaṁ sarvatōmukham || 10 ||
jñānaṁ kūṭasthamacalaṁ jñānadaṁ paramaṁ prabhum |
yōgīśaṁ yōganiṣṇātaṁ yōginaṁ yōgarūpiṇam || 11 ||
īśvaraṁ sarvabhūtānāṁ vandē bhūtamayaṁ prabhum |
iti nāmaśataṁ divyaṁ vaiṣṇavaṁ khalu pāpaham || 12 ||
vyāsēna kathitaṁ pūrvaṁ sarvapāpapraṇāśanam |
yaḥ paṭhētprātarutthāya sa bhavēdvaiṣṇavō naraḥ || 13 ||
sarvapāpaviśuddhātmā viṣṇusāyujyamāpnuyāt |
cāndrāyaṇasahasrāṇi kanyādānaśatāni ca || 14 ||
gavāṁ lakṣasahasrāṇi muktibhāgī bhavēnnaraḥ |
aśvamēdhāyutaṁ puṇyaṁ phalaṁ prāpnōti mānavaḥ || 15 ||
See more śrī viṣṇu stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
