Ganga stotram in telugu – గంగా స్తోత్రం

స్తోత్రనిధి → వివిధ స్తోత్రాలు → గంగా స్తోత్రం

[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]

దేవి సురేశ్వరి భగవతి గంగే
త్రిభువనతారిణి తరళతరంగే |
శంకరమౌళివిహారిణి విమలే
మమ మతిరాస్తాం తవ పదకమలే || ౧ ||

భాగీరథిసుఖదాయిని మాత-
-స్తవ జలమహిమా నిగమే ఖ్యాతః |
నాహం జానే తవ మహిమానం
పాహి కృపామయి మామజ్ఞానమ్ || ౨ ||

హరిపదపాద్యతరంగిణి గంగే
హిమవిధుముక్తాధవళతరంగే |
దూరీకురు మమ దుష్కృతిభారం
కురు కృపయా భవసాగరపారమ్ || ౩ ||

తవ జలమమలం యేన నిపీతం
పరమపదం ఖలు తేన గృహీతమ్ |
మాతర్గంగే త్వయి యో భక్తః
కిల తం ద్రష్టుం న యమః శక్తః || ౪ ||

పతితోద్ధారిణి జాహ్నవి గంగే
ఖండితగిరివరమండిత భంగే |
భీష్మజనని హే మునివరకన్యే
పతితనివారిణి త్రిభువనధన్యే || ౫ ||

కల్పలతామివ ఫలదాం లోకే
ప్రణమతి యస్త్వాం న పతతి శోకే |
పారావారవిహారిణి గంగే
విముఖయువతికృతతరళాపాంగే || ౬ ||

తవ చేన్మాతః స్రోతః స్నాతః
పునరపి జఠరే సోఽపి న జాతః |
నరకనివారిణి జాహ్నవి గంగే
కలుషవినాశిని మహిమోత్తుంగే || ౭ ||

పునరసదంగే పుణ్యతరంగే
జయ జయ జాహ్నవి కరుణాపాంగే |
ఇంద్రముకుటమణిరాజితచరణే
సుఖదే శుభదే భృత్యశరణ్యే || ౮ ||

రోగం శోకం తాపం పాపం
హర మే భగవతి కుమతికలాపమ్ |
త్రిభువనసారే వసుధాహారే
త్వమసి గతిర్మమ ఖలు సంసారే || ౯ ||

అలకానందే పరమానందే
కురు కరుణామయి కాతరవంద్యే |
తవ తటనికటే యస్య నివాసః
ఖలు వైకుంఠే తస్య నివాసః || ౧౦ ||

వరమిహ నీరే కమఠో మీనః
కిం వా తీరే శరటః క్షీణః |
అథవా శ్వపచో మలినో దీన-
-స్తవ న హి దూరే నృపతికులీనః || ౧౧ ||

భో భువనేశ్వరి పుణ్యే ధన్యే
దేవి ద్రవమయి మునివరకన్యే |
గంగాస్తవమిమమమలం నిత్యం
పఠతి నరో యః స జయతి సత్యమ్ || ౧౨ ||

యేషాం హృదయే గంగాభక్తి-
-స్తేషాం భవతి సదా సుఖముక్తిః |
మధురాకాంతా పంఝటికాభిః
పరమానందకలితలలితాభిః || ౧౩ ||

గంగాస్తోత్రమిదం భవసారం
వాంఛితఫలదం విమలం సారమ్ |
శంకరసేవకశంకరరచితం
పఠతి సుఖీ స్తవ ఇతి చ సమాప్తః || ౧౪ ||

ఇతి శ్రీమచ్ఛంకరాచార్య కృతం శ్రీ గంగా స్తోత్రమ్ |

---

గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ శివ స్తోత్రనిధి

(నిత్య పారాయణ గ్రంథము)

Click here to buy

---

మరిన్ని వివిధ స్తోత్రాలు చూడండి.

Did you see any mistake/variation in the content above? Click here to report mistakes and corrections in Stotranidhi content.