Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
బ్రహ్మవిష్ణుమహేశా ఊచుః |
అజం నిర్వికల్పం నిరాకారమేకం
నిరానందమద్వైతమానందపూర్ణమ్ |
పరం నిర్గుణం నిర్విశేషం నిరీహం
పరబ్రహ్మరూపం గణేశం భజేమ || ౧ ||
గుణాతీతమాద్యం చిదానందరూపం
చిదాభాసకం సర్వగం జ్ఞానగమ్యమ్ |
మునిధ్యేయమాకాశరూపం పరేశం
పరబ్రహ్మరూపం గణేశం భజేమ || ౨ ||
జగత్కారణం కారణజ్ఞానరూపం
సురాదిం సుఖాదిం యుగాదిం గణేశమ్ |
జగద్వ్యాపినం విశ్వవంద్యం సురేశం
పరబ్రహ్మరూపం గణేశం భజేమ || ౩ ||
రజోయోగతో బ్రహ్మరూపం శ్రుతిజ్ఞం
సదా కార్యసక్తం హృదాచింత్యరూపమ్ |
జగత్కారకం సర్వవిద్యానిధానం
పరబ్రహ్మరూపం గణేశం నతాస్మః || ౪ ||
సదా సత్త్వయోగం ముదా క్రీడమానం
సురారీన్హరంతం జగత్పాలయంతమ్ |
అనేకావతారం నిజజ్ఞానహారం
సదా విష్ణురూపం గణేశం నమామః || ౫ ||
తమోయోగినం రుద్రరూపం త్రినేత్రం
జగద్ధారకం తారకం జ్ఞానహేతుమ్ |
అనేకాగమైః స్వం జనం బోధయంతం
సదా శర్వరూపం గణేశం నమామః || ౬ ||
తమస్తోమహారం జనాజ్ఞానహారం
త్రయీవేదసారం పరబ్రహ్మపారమ్ |
మునిజ్ఞానకారం విదూరేవికారం
సదా బ్రహ్మరూపం గణేశం నమామః || ౭ ||
నిజైరోషధీస్తర్పయంతం కరోద్యైః
సరౌఘాన్కలాభిః సుధాస్రావిణీభిః |
దినేశాంశు సంతాపహారం ద్విజేశం
శశాంకస్వరూపం గణేశం నమామః || ౮ ||
ప్రకాశస్వరూపం నభోవాయురూపం
వికారాదిహేతుం కలాకాలభూతమ్ |
అనేకక్రియానేకశక్తిస్వరూపం
సదా శక్తిరూపం గణేశం నమామః || ౯ ||
ప్రధానస్వరూపం మహత్తత్త్వరూపం
ధరావారిరూపం దిగీశాదిరూపమ్ |
అసత్సత్స్వరూపం జగద్ధేతుభూతం
సదా విశ్వరూపం గణేశం నతాస్మః || ౧౦ ||
త్వదీయే మనః స్థాపయేదంఘ్రియుగ్మే
జనో విఘ్నసంఘాన్న పీడాం లభేత |
లసత్సూర్యబింబే విశాలే స్థితోఽయం
జనోధ్వాంత పీడాం కథం వా లభేత || ౧౧ ||
వయం భ్రామితాః సర్వథాఽజ్ఞానయోగా-
-దలబ్ధా తవాంఘ్రిం బహూన్వర్షపూగాన్ |
ఇదానీమవాప్తాస్తవైవ ప్రసాదా-
-త్ప్రపన్నాన్సదా పాహి విశ్వంభరాద్య || ౧౨ ||
గణేశ ఉవాచ |
ఇదం యః పఠేత్ప్రాతరుత్థాయ ధీమాన్
త్రిసంధ్యం సదా భక్తియుక్తో విశుద్ధః |
సపుత్రాన్ శ్రియం సర్వకామాన్ లభేత
పరబ్రహ్మరూపో భవేదంతకాలే || ౧౩ ||
ఇతి గణేశపురాణే ఉపాసనాఖండే త్రయోదశోఽధ్యాయే శ్రీగణపతిస్తవః |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Please update mp3 version beside sthothram