Sri Surya Kavacham 1 (Yajnavalkya Krutam) – śrī sūrya kavacam – 1 (yājñavalkya kr̥tam)


yājñavalkya uvāca |
śr̥ṇuṣva muniśārdūla sūryasya kavacaṁ śubham |
śarīrārōgyadaṁ divyaṁ sarvasaubhāgyadāyakam || 1 ||

dēdīpyamānamukuṭaṁ sphuranmakarakuṇḍalam |
dhyātvā sahasrakiraṇaṁ stōtramētadudīrayēt || 2 ||

śirō mē bhāskaraḥ pātu lalāṭaṁ mē:’mitadyutiḥ |
nētrē dinamaṇiḥ pātu śravaṇē vāsarēśvaraḥ || 3 ||

ghrāṇaṁ gharmaghr̥ṇiḥ pātu vadanaṁ vēdavāhanaḥ |
jihvāṁ mē mānadaḥ pātu kaṇṭhaṁ mē suravanditaḥ || 4 ||

skandhau prabhākaraḥ pātu vakṣaḥ pātu janapriyaḥ |
pātu pādau dvādaśātmā sarvāṅgaṁ sakalēśvaraḥ || 5 ||

sūryarakṣātmakaṁ stōtraṁ likhitvā bhūrjapatrakē |
dadhāti yaḥ karē tasya vaśagāḥ sarvasiddhayaḥ || 6 ||

susnātō yō japēt samyagyō:’dhītē svasthamānasaḥ |
sa rōgamuktō dīrghāyuḥ sukhaṁ puṣṭiṁ ca vindati || 7 ||

iti śrīmadyājñavalkyamuniviracitaṁ śrī sūrya kavaca stōtram ||


See more śrī sūrya stōtrāṇi for chanting. See more navagraha stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed