Read in తెలుగు / ಕನ್ನಡ / தமிழ் / देवनागरी / English (IAST)
|| atha stōtram ||
sr̥ṣṭyādau brahmaṇā samyakpūjitaḥ phalasiddhayē |
sadaiva pārvatīputraḥ r̥ṇanāśaṁ karōtu mē || 1 ||
tripurasya vadhātpūrvaṁ śambhunā samyagarcitaḥ |
sadaiva pārvatīputraḥ r̥ṇanāśaṁ karōtu mē || 2 ||
hiraṇyakaśipvādīnāṁ vadhārthē viṣṇunārcitaḥ |
sadaiva pārvatīputraḥ r̥ṇanāśaṁ karōtu mē || 3 ||
mahiṣasya vadhē dēvyā gaṇanāthaḥ prapūjitaḥ |
sadaiva pārvatīputraḥ r̥ṇanāśaṁ karōtu mē || 4 ||
tārakasya vadhātpūrvaṁ kumārēṇa prapūjitaḥ |
sadaiva pārvatīputraḥ r̥ṇanāśaṁ karōtu mē || 5 ||
bhāskarēṇa gaṇēśō hi pūjitaśchavisiddhayē |
sadaiva pārvatīputraḥ r̥ṇanāśaṁ karōtu mē || 6 ||
śaśinā kāntivr̥ddhyarthaṁ pūjitō gaṇanāyakaḥ |
sadaiva pārvatīputraḥ r̥ṇanāśaṁ karōtu mē || 7 ||
pālanāya svatapasāṁ viśvāmitrēṇa pūjitaḥ |
sadaiva pārvatīputraḥ r̥ṇanāśaṁ karōtu mē || 8 ||
idaṁ r̥ṇaharastōtraṁ tīvradāridryanāśanam |
ēkavāraṁ paṭhēnnityaṁ varṣamēkaṁ samāhitaḥ || 9 ||
dāridryāddāruṇānmuktaḥ kubērasampadaṁ vrajēt |
phaḍantō:’yaṁ mahāmantraḥ sārthapañcadaśākṣaraḥ || 10 ||
ōṁ gaṇēśa r̥ṇaṁ chindi varēṇyaṁ huṁ namaḥ phaṭ |
imaṁ mantraṁ paṭhēdantē tataśca śucibhāvanaḥ || 11 ||
ēkaviṁśatisaṅkhyābhiḥ puraścaraṇamīritam |
sahasrāvartanātsamyak ṣaṇmāsaṁ priyatāṁ vrajēt || 12 ||
br̥haspatisamō jñānē dhanē dhanapatirbhavēt |
asyaivāyutasaṅkhyābhiḥ puraścaraṇamīritam || 13 ||
lakṣamāvartanātsamyagvāñchitaṁ phalamāpnuyāt |
bhūtaprētapiśācānāṁ nāśanaṁ smr̥timātrataḥ || 14 ||
|| atha prayōgaḥ ||
asya śrī r̥ṇahartr̥gaṇapatistōtra mahāmantrasya | sadāśiva r̥ṣiḥ | anuṣṭup chandaḥ | śrīr̥ṇahartr̥gaṇapatirdēvatā | glauṁ bījam | gaḥ śaktiḥ | gaṁ kīlakam | mama sakala r̥ṇanāśanē japē viniyōgaḥ |
karanyāsaḥ |
ōṁ gaṇēśa aṅguṣṭhābhyāṁ namaḥ |
ōṁ r̥ṇaṁ chindi tarjanībhyāṁ namaḥ |
ōṁ varēṇyaṁ madhyamābhyāṁ namaḥ |
ōṁ huṁ anāmikābhyāṁ namaḥ |
ōṁ namaḥ kaniṣṭhikābhyāṁ namaḥ |
ōṁ phaṭ karatalakarapr̥ṣṭhābhyāṁ namaḥ |
ṣaḍaṅganyāsaḥ |
ōṁ gaṇēśa hr̥dayāya namaḥ |
ōṁ r̥ṇaṁ chindi śirasē svāhā |
ōṁ varēṇyaṁ śikhāyai vaṣaṭ |
ōṁ huṁ kavacāya hum |
ōṁ namaḥ nētratrayāya vauṣaṭ |
ōṁ phaṭ astrāya phaṭ |
dhyānam –
sindūravarṇaṁ dvibhujaṁ gaṇēśaṁ
lambōdaraṁ padmadalē niviṣṭam |
brahmādidēvaiḥ parisēvyamānaṁ
siddhairyutaṁ taṁ praṇamāmi dēvam ||
lamityādi pañcapūjā ||
|| mantraḥ ||
ōṁ gaṇēśa r̥ṇaṁ chindi varēṇyaṁ huṁ namaḥ phaṭ |
iti śrīkr̥ṣṇayāmalatantrē umāmahēśvarasaṁvādē r̥ṇahartr̥ gaṇēśa stōtram |
See more śrī gaṇēśa stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
