Sri Manasa Devi Stotram (Dhanvantari Krutam) – śrī manasā dēvi stōtram (dhanvantari kr̥tam)


dhyānam |
cārucampakavarṇābhāṁ sarvāṅgasumanōharām |
īṣaddhāsyaprasannāsyāṁ śōbhitāṁ sūkṣmavāsasā || 1 ||

sucārukabarīśōbhāṁ ratnābharaṇabhūṣitām |
sarvābhayapradāṁ dēvīṁ bhaktānugrahakārakām || 2 ||

sarvavidyāpradāṁ śāntāṁ sarvavidyāviśāradām |
nāgēndravāhinīṁ dēvīṁ bhajē nāgēśvarīṁ parām || 3 ||

dhanvantariruvāca |
namaḥ siddhisvarūpāyai siddhidāyai namō namaḥ |
namaḥ kaśyapakanyāyai varadāyai namō namaḥ || 4 ||

namaḥ śaṅkarakanyāyai śaṅkarāyai namō namaḥ |
namastē nāgavāhinyai nāgēśvaryai namō namaḥ || 5 ||

nama āstīkajananyai jananyai jagatāṁ mama |
namō jagatkāraṇāyai jaratkārustriyai namaḥ || 6 ||

namō nāgabhaginyai ca yōginyai ca namō namaḥ |
namaściraṁ tapasvinyai sukhadāyai namō namaḥ || 7 ||

namastapasyārūpāyai phaladāyai namō namaḥ |
suśīlāyai ca sādhvyai ca śāntāyai ca namō namaḥ || 8 ||

idaṁ stōtraṁ mahāpuṇyaṁ bhaktiyuktaśca yaḥ paṭhēt |
vaṁśajānāṁ nāgabhayaṁ nāsti tasya na saṁśayaḥ || 9 ||

iti śrībrahmavaivartē mahāpurāṇē śrīkr̥ṣṇajanmakhaṇḍē ēkapañcāśattamō:’dhyāyaḥ dhanvantarikr̥ta śrī manasādēvi stōtram ||


See more nāgadēvata stōtrāṇi for chanting. See more dēvī stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed