Read in తెలుగు / ಕನ್ನಡ / தமிழ் / देवनागरी / English (IAST)
kadā br̥ndāraṇyē vipulayamunātīrapulinē
carantaṁ gōvindaṁ haladharasudāmādisahitam |
ahō kr̥ṣṇa svāmin madhuramuralīmōhana vibhō
prasīdēti krōśannimiṣamiva nēṣyāmi divasān || 1 ||
kadā kālindīyaiḥ haricaraṇamudrāṅkitataṭaiḥ
smarangōpīnāthaṁ kamalanayanaṁ sasmitamukham |
ahō pūrṇānandāmbujavadana bhaktaikalalana
prasīdēti krōśannimiṣamiva nēṣyāmi divasān || 2 ||
kadācitkhēlantaṁ vrajaparisarē gōpatanayē
kutaścitsamprāptaṁ kimapi bhayadaṁ haravibhō |
ayē rādhē kiṁ vā harasi rasikē kañcukayugaṁ
prasīdēti krōśannimiṣamiva nēṣyāmi divasān || 3 ||
kadācidgōpīnāṁ hasitacakitaṁ snigdhanayanaṁ
sthitaṁ gōpībr̥ndē naṭamiva naṭantaṁ sulalitam |
surādhīśaiḥ sarvaiḥ stutapadamimaṁ śrīharimiti
prasīdēti krōśannimiṣamiva nēṣyāmi divasān || 4 ||
kadācitsacchāyāśritamabhimahāntaṁ yadupatiṁ
samādhisvacchāyāñcala iva vilōlaikamakaram |
ayē bhaktōdārāmbujavadana nandasya tanaya
prasīdēti krōśannimiṣamiva nēṣyāmi divasān || 5 ||
kadācitkālindyāṁ taṭatarukadambē sthitamimaṁ
smayantaṁ sākūtaṁ hr̥tavasanagōpīstanataṭam |
ahō śakrānandāmbujavadana gōvardhanadharaṁ
prasīdēti krōśannimiṣamiva nēṣyāmi divasān || 6 ||
kadācitkāntārē vijayasakhamiṣṭaṁ nr̥pasutaṁ
vadantaṁ pārthēndraṁ nr̥pasuta sakhē bandhuriti ca |
bhramantaṁ viśrāntaṁ śritamurali ramyaṁ harimimaṁ
prasīdēti krōśannimiṣamiva nēṣyāmi divasān || 7 ||
kadā drakṣyē pūrṇaṁ puruṣamamalaṁ paṅkajadr̥śaṁ
ahō viṣṇō yōgin rasikamuralīmōhana vibhō |
dayāṁ kartuṁ dīnē paramakaruṇābdhē samucitaṁ
prasīdēti krōśannimiṣamiva nēṣyāmi divasān || 8 ||
iti vāsudēvānandasarasvatīkr̥ta śrīkr̥ṣṇalaharī stōtram |
See more śrī kr̥ṣṇa stōtrāṇi for chanting.
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.