Read in తెలుగు / ಕನ್ನಡ / தமிழ் / देवनागरी / English (IAST)
namastē dēvi gāyatrī sāvitrī tripadē:’kṣarī |
ajarē amarē mātā trāhi māṁ bhavasāgarāt || 1 ||
namastē sūryasaṅkāśē sūryasāvitrikē:’malē |
brahmavidyē mahāvidyē vēdamātarnamō:’stu tē || 2 ||
anantakōṭibrahmāṇḍavyāpinī brahmacāriṇī |
nityānandē mahāmāyē parēśānī namō:’stu tē || 3 ||
tvaṁ brahmā tvaṁ hariḥ sākṣādrudrastvamindradēvatā |
mitrastvaṁ varuṇastvaṁ ca tvamagniraśvinau bhagaḥ || 4 ||
pūṣā:’ryamā marutvāṁśca r̥ṣayō:’pi munīśvarāḥ |
pitarō nāgayakṣāṁśca gandharvā:’psarasāṁ gaṇāḥ || 5 ||
rakṣōbhūtapiśācāśca tvamēva paramēśvarī |
r̥gyajussāmavidyāśca atharvāṅgirasāni ca || 6 ||
tvamēva sarvaśāstrāṇi tvamēva sarvasaṁhitāḥ |
purāṇāni ca tantrāṇi mahāgamamatāni ca || 7 ||
tvamēva pañcabhūtāni tattvāni jagadīśvarī |
brāhmī sarasvatī sandhyā turīyā tvaṁ mahēśvarī || 8 ||
tatsadbrahmasvarūpā tvaṁ kiñcit sadasadātmikā |
parātparēśī gāyatrī namastē mātarambikē || 9 ||
candrakalātmikē nityē kālarātri svadhē svarē |
svāhākārē:’gnivaktrē tvāṁ namāmi jagadīśvarī || 10 ||
namō namastē gāyatrī sāvitrī tvaṁ namāmyaham |
sarasvatī namastubhyaṁ turīyē brahmarūpiṇī || 11 ||
aparādha sahasrāṇi tvasatkarmaśatāni ca |
mattō jātāni dēvēśī tvaṁ kṣamasva dinē dinē || 12 ||
iti śrīmadvasiṣṭhasaṁhitāyāṁ śrī gāyatrī stōtram |
See more śrī gāyatrī stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
