Bhagavat Pratah Smarana Stotram – bhagavatprātassmaraṇa stōtram


prātassmarāmi phaṇirājatanau śayānaṁ
nāgāmarāsuranarādijagannidānaṁ |
vēdaissahāgamagaṇairupagīyamānaṁ
kāṁ tārakētanavatāṁ paramaṁ vidhānam || 1 ||

prātarbhajāmi bhavasāgaravāripāraṁ
dēvarṣisiddhanivahairvihitōpahāraṁ |
sandr̥ptadānavakadambamadāpahāraṁ
saundaryarāśi jalarāśi sutāvihāram || 2 ||

prātarnamāmi śaradambarakāntikāntaṁ
pādāravindamakarandajuṣāṁ bhavāntam |
nānāvatārahr̥tabhūmibharaṁ kr̥tāntaṁ
pāthōjakamburathapādakaraṁ praśāntam || 3 ||

ślōkatrayamidaṁ puṇyaṁ brahmānandēna kīrtitaṁ |
yaḥ paṭhētprātarutthāya sarvapāpaiḥ pramucyatē || 4 ||

iti śrīmatparamahaṁsasvāmi brahmānandaviracitaṁ śrībhagavatprātassmaraṇastōtram |


See more śrī viṣṇu stōtrāṇi for chanting.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed